حل الفنان أحمد العوضي ضيفاً على الإعلامية منى الشاذلي في برنامجها معكم على شاشة سي بي سي، في حلقة أمس، والذي كشف فيها أشياء هامة عن حياته الشخصية والفنية نستعرض لكم أهم تصريحاته في الحوار: "اشتغل لحد مايجيلك وقتك".. حكمة نور الشريف التي جعلت من أحمد العوضي نجما قال أحمد العوضي: "ذهبت لعمل كاستنج متخافوش للفنان نور الشريف حتى أشوفه من كتر حبي ليه ولو عملت دور صغير معاه مافيش مانع، ثم تم قبولي في المسلسل وكنت الفتى المدلل له وكان يدربني كثيراً، ثم شرحنى في مسلسل الدالي وبعدها ذهبت له في 2012 وقولت له انني زعلان وقال لي اشتغل لحد ما تتعب وكل واحد له وقته وفضلت في بالي طول الوقت". قصة حب فاشلة سبب في نجاح أحمد العوضيأوضح "العوضي" أن نجاحه يرجع لقصة حب فاشلة في حياته وهي ملهمة لأي اثنين، وقال: "كنت مرتبط ببنت وكنا بنحب بعض، وفي الفترة دي كنت في أزمة وكنت عصبي زيادة عن اللزوم، وهي ما استحملتش دا، وحصل مشاكل وإختارت إني أبعد، أنا مقتنع تماما إن إللي ميستحملكش في أسوأ حالاتك ميستهلش يبقي معاك في احسن حالاتك، علشان كدا اخترت إني أمشي وكان عندي حاجه من الاتنين إما أعيش علي الذكري وبعد سنين كثيرة أكون ولا حاجه وهي تقول كويس إني سبته أو هو إللي سابني، يا إما تعمل لحلمك وتنجح وتبقي هي ذكرى ووقتها هي هتسمع عن نجاحك، ودا كان هدفي، ولذلك فيه حاجات مضيت عليها من غير فلوس علشان متشمتش فيا وتقول دا قاعد من غير شغل، ولما ربنا فتح عليا رجعت تكلمني تبارك لي، وقتها أنا مكنتش شايفها ولا كانت فارقة معايا، لافتا: قالتلي ما تزعلش إحنا كنا صغيرين، قولتلها أنا عاوز أشكرك إنتي ليكي فضل عليا، علشان لولا إننا سبنا بعض ماكنتش هبقى كده دلوقتي. أحمد العوضي ينتقد شخصيته في مسلسل نصيبي وقسمتككشف "العوضي" أنه رفض الدور الذي جسده في مسلسل "نصيبي وقسمتك" في البداية، وكان الدور الذي أعجبه الشخص الذي يخون، معلقاً "أنا متخانش"، وانتقد صفات "زياد"، الشخصية التي جسدها، وقال أنا ضد هذه الشخصية لأني شرقي ليس لدي كل هذا التحرر وأنني أستضيف صديقي دائما في منزلي مثله، وصف تصرفاته بالمبالغ فيها، واعترف بأن نظرته كانت ضيقة عندما رفض الدور، لكن المؤلف عمرو محمود ياسين أقنعه بالتأثير الذي سيحدثه ظهوره بصورة تخالف توقعات المشاهدين.
