أحمد موسى ساخرًا من «أبوجبل»: «كتفك الشمال كان فيه حاجة إمبارح؟!»

علق الإعلامي أحمد موسى على خسارة منتخب مصر أمام الكونغو والخروج من بطولة أمم إفريقيا قائلا: 'كلنا زعلانين طبعا لكن مش هنهد المعبد بس نظبطه شوية، ومفيش حد هياخد قرار بإقالة اتحاد الكرة لكن لازم وقفة، وبعدين إيه راتب 'فيتوريا' ده؟.. ليه 200 ألف دولار شهريا؟.. ده مش عنده أي فكر خالص.. واللي جاب 'فيتوريا' يشربه'.
وخلال تقديم برنامج 'على مسئوليتي' المذاع عبر فضائية 'صدى البلد' تابع موسى منفعلًا: 'لازم نعتمد على المنتخب الأوليمبي الفترة الجاية ويكون هو المنتخب الوطني الأول بنسبة 80%.. لازم نتطور شوية.. وحازم إمام مش على رأسه ريشة'.
ووجه موسى رسالة لحارس منتخب مصر محمد أبوجبل قائلا: 'أنت كتفك الشمال كان فيه حاجة إمبارح؟.. يعني 7 ضربات تترمي يمين وكل الضربات تتلعب شمال وأنت مكمل يمين.. وبيقولوا الأهلي عايزه.. والله لو عايزينه فعلا أنا بقولهم بلاش تاخدوه'.
وتعود بعثة منتخب مصر الأول لكرة القدم إلى القاهرة، غدًا الثلاثاء، من كوت ديفوار، بعد الخروج من كأس الأمم الإفريقية 2023.
وخرج منتخب مصر الأول لكرة القدم من بطولة كأس الأمم الإفريقية بعد الخسارة أمام الكونغو الديمقراطية بركلات الترجيح بنتيجة (8-7).
ومن المقرر أن يصل لاعبو منتخب مصر الأول لكرة القدم إلى القاهرة، رفقة مسئولي البعثة، في الساعات الأولى من صباح غدٍ الثلاثاء.
منتخب مصر يخسر أمام الكونغو
وخسر منتخب مصر الأول لكرة القدم أمام الكونغو الديمقراطية بركلات الترجيح بنتيجة (8-7)، في المباراة التي جمعت الفريقين، ضمن منافسات دور ال16 من كأس الأمم الإفريقية.