وجهت الإعلامية ياسمين عز، نصائح جديدة للزوجات، ومطالبتهم بعدم استغلال راتب زوجها من أجل شراء الزينة والاهتمام بنفسه فقط دون مراعاة مشاعر زواجها. وقالت 'ياسمين عز'، في برنامجها 'كلام الناس'، المذاع عبر فضائية 'ام بي سي مصر'، : احنا مش هنخلص من موضوع الفلوس، والموضوع دا بقى منتشر وأنا طالعة أحذر منه انهاردة، ماتجيش أول ما جوزك يقبض الفلوس أو المرتب أو الجمعية أو يجمع له قرشين من خيرات ربنا، تقولي له بقى اديني فلوس أعمل شعري بروتين'. ياسمين عز "اعملي تسريحة الأنانسة وبط بالبرتقال".. نصيحة ياسمين عز للزوجات وأضافت: 'بروتين إيه يا مدام ما انتي عايشة طول عمرك بتسريحة الأناناسة، كلنا عايشين بتسرحية الأناناسة، حبكت أول ما جوزك مسك فلوس في ايده عايزة تاخدي كبشة فلوس وتروحي تعملي بروتين لشعرك، لا لغوا البروتين مضروب في السوق ومفيش، اسمعي مني أنا مذيعة، هو لو كويس هقولك لكن هو مش كويس ومضر بالصحة وبفلوس جوزك'. واكملت: 'ماتعمليش بروتين أقول لك أنا تعملي ايه، تجيبي بطة، وتعملي صينية بطة بالبرتقال، وتقولي ليه يا حبيبي عمتلتك صينية بطة بالرتقال، دا اللي هيفيدك، انما البروتين لشعرك عمره ما يفيدك، دا كسبتي جوزك واتغذيتي غذاء مفيض هيطرح في شعرك البركة لأن لحم البط في بروتين طبيعي من عند ربنا وخدتي فيتامين c من البرتقال، يفيد البشرة والشعر، علم دوري ورايا'. وتابعت: 'أنتي قمر زي القمر من غير بروتين او جلوتين، وهو بدر منور، أوعي تفكري أن انتي أحلى منه، هو حلو بردو، محدش يجيب سيرة البروتين، وبلاش التقاليع الجديدة والحاجات اللي جاية لنا من برا غلط ومضروبة في السوق'.
