أكد الإعلامي عمرو أديب، أن هناك آثارا اقتصادية صعبة جدا، مشيرا إلى أن العام المقبل سيشهد ظاهرة تسمى'الركود التضخمي' الركود يعني عدم بيع السلع والتضخم يعني أن أسعارها غالية عادة يسيرون عكس بعض لكن العام المقبل هيكونوا مع بعض بمعنى 'السلع مبتتبعاش وأسعارها مبتنزلش'. استمرار ارتفاع الأسعار وقال عمرو أديب، خلال تقديم برنامج 'الحكاية' المذاع على قناة 'إم بي سي مصر': ' عندي سؤال مش فاهمه ومعنديش ليه إجابة.. عندما بدأ تعويم الجنيه الناس ابتدت ب 19 حتى وصلت ل 24 ونص.. فالسلع زادت سؤالي لماذا يستمر ارتفاع الأسعار رغم أن الدولار توقف عند 24 ونص'. وأضاف عمرو أديب: 'فيه ناس عاوزة تمص دمنا فيه ناس عاوزه تخرم المركب عن عمد.. نتحدث عن سعر العلف والسكر والأرز والبيض، لماذا يزيد؟'، محذرا: 'هنوصل لمرحلة السلع موجودة ومحدش بيشتريها'. وتابع عمرو أديب: 'الأول كنت فاهمك الدولار والزيادة تحت أمرك، لكن لماذا تزداد أسعار السلع بشكل مستمر؟ ما الآليات في السوق التي تؤدي لارتفاع الفول والعدس؟ هنا دخلنا في اللامعقول والأشياء اللي ملهاش معنى، اللي بيجرا في السوق بيبوظه أكثر'. وأكمل: 'اللي بيجرى في السوق ده هيبوظه والسلع ه'ترطرط'، حتى الطبقات الغنية بتتكلم عن الأسعار'، متابعا: 'الناس انكوت بغلاء الأسعار، والأسعار بهدلت الناس، عندك شعب صابر وبيستحمل وبيحاول يتصرف، متدوسش أكتر من كده، خصوصا إن الدولار وقف عند 24.5 جنيه'. ووجه رسالة للتجار قائلا: 'هتخرموا السوق من الطرفين اللي بيبع واللي بيشتري، إيه آخرة الجشع ده، تعاونوا معانا نعمل حركة رخمة ونقول خلّوا رزّكم ليكم ونستورد من برة'، مضيفا: 'أنا بقولكم مكسب وخسارة مجبتش سيرة الضمير، انتوا باصين تحت رجليكم والنتائج مش هتكون كويسة، انتوا بتلعبوا بالنار'.
