أكد الرئيس عبدالفتاح السيسي، أن الدولة ترحب بالقطاع الخاص في المشاركة في المشاريع الكبرى لتعظيم دورها في بناء الوطن والنهوض باقتصاده. قال:" لو الإنتاج الحربي ليه مشروعات ممكن يبقى ليه شراكة مع القطاع الخاص أنا باعلنها اهو ده توجه دولة طيب شركات قطاع أعمال وقطاع عام ايوه ده توجه دولة أن يبقى في مشاركة للقطاع الخاص للاستفادة من خبراته وقدراته وإحنا محتاجين ده". وأضاف في كلمته خلال افتتاح مجمع إنتاج البنزين بشركة أسيوط لتكرير البترول بمحافظة أسيوط:" بلاش نعمل انطباع أو نفهم أمور على أنها مزاحمة أو رفض لان حجم العمل المطلوب في مصر حجم ضخم جدا. حققت حلمها بعد 10 سنوات.. ابنة الدقهلية تحصد لقب الثانية عالميًا بمسابقة القرآن الكريم "الرعاية الصحية": 22 مليار جنيه تكلفة التأمين الصحي الشامل بمحافظتي الأقصر وأسوان (تفاصيل) حصاد 2021| مشروع تبطين الترع حلم المزارعين على أرض كفر الشيخ.. والفلاحون: أنقذ مئات ترع الري (صور) الرئيس السيسي: عايز أفضل خدام لله وللناس لحد ما أمشي ودعا الرئيس عبدالفتاح السيسي، القطاع الخاص بالدخول في استثمارات استصلاح الأراضي الزراعية إلى جانب الدولة، للنهوض بالقطاع الزراعي. وقال الرئيس السيسي في كلمته خلال افتتاح مجمع إنتاج البنزين بشركة أسيوط لتكرير البترول بمحافظة أسيوط:" اذا كان حد في القطاع الخاص مستعد مش خش يصرف عليهم لا أنا خلصت وخلال سنتين هيكون عندنا 2.5 مليون فدان إضافيين تكلفتهم 500 مليار جنيه إن كانوا مستعدين يخشوا والله أنا هبقى سعيد جدا لان الأموال دي هيتم ضخها في مشروعات أخرى". الرئيس السيسي يدعو القطاع الخاص بالمشاركة في استصلاح الأراضي الزراعية قال الرئيس عبدالفتاح السيسي إنه خلال الأربعة سنوات الماضية تم إنفاق 300 مليار جنيه على محطات معالجة المياه. وأضاف الرئيس السيسي في كلمته خلال افتتاح مجمع إنتاج البنزين بشركة أسيوط لتكرير البترول بمحافظة أسيوط: مش هنخلي في الصعيد محطة مياه المعالجة الأولية دي خالص. الرئيس السيسي: 300 مليار جنيه حجم الإنفاق على محطات معالجة المياه قال الرئيس عبدالفتاح السيسي، إن هناك بعض الثقافات التي يجب أن يتم مراجعتها في المجتمع المصري ضاربا بمثال على ذلك:" لا يمكن هدي بطاقة تموين تاني لحد بيتجوز، لو بتتجوز ومستني أن الدولة تديك بطاقة تموين انت مش قادر تصرف ازاي يعني، ده كلام مش مضبوط ودي ثقافة تشكلت في وجدان الناس مش موجودة غير في بلدنا احنا". وأضاف الرئيس السيسي في كلمته خلال افتتاح مجمع إنتاج البنزين بشركة أسيوط لتكرير البترول بمحافظة أسيوط:" اشتري الحاجة باقل من تمنها واخد الخدمة باقل من تمنها وكمان لما اخلف حد ياكلي عيالي". وقال الرئيس السيسي:" مش هدي بطاقة تموين تاني لفردين بس.. أنت مش قادر تصرف ازاى يعنى ده كلام مش مظبوط.. دى ثقافة اتشكلت في وجدان الناس مش موجودة في غير بلدنا احنا بس إننا نشترى الحاجة بأقل من تمنها". الرئيس السيسي: تتجوز عشان تحصل على بطاقة التموين ثقافة موجودة في بلدنا بس كما شدد الرئيس عبدالفتاح السيسي على ضرورة الحفاظ على تماسك الدولة والعمل على النهوض بها في شتى المجالات. وأضاف الرئيس السيسي في كلمته خلال افتتاح مجمع إنتاج البنزين بشركة أسيوط لتكرير البترول بمحافظة أسيوط:" آنت كل اللي عندك وفي دماغك هد الدولة، أيوه أن كمسئول عنكم مبفكرش في أي حاجة فقط غير الحفاظ على الدولة المصرية". الرئيس السيسي: مبفكرش في أي حاجة غير الحفاظ على الدولة المصرية وأكد الرئيس عبدالفتاح السسي، أن الهدف من المؤتمرات التي تعقدها الدولة خلال افتتاح أي مشاريع قومية الهدف منها تشكيل أرضية فهم مشترك. وأضاف الرئيس السيسي في كلمته خلال افتتاح مجمع إنتاج البنزين بشركة أسيوط لتكرير البترول بمحافظة أسيوط:" أختي اللي قالت لي عندي 6 مش عارفه أعيشهم أنا رديت عليها وقولت:" أنا عندي 100 مليون عايز أعيشهم أعمل إيه". وافتتح الرئيس عبد الفتاح السيسي يفتتح صباح اليوم مجمع إنتاج البنزين بشركة أسيوط لتكرير البترول بمحافظة أسيوط بالإضافة إلى عدد من المشروعات التنموية الاخري في نطاق إقليم الصعيد". عندي 100 مليون عايز أعيشهم أعمل إيه.. هكذا رد الرئيس السيسي على أم ل6 أطفال تشتكي أعباء الحياة وقال الرئيس عبد الفتاح السيسي إن الدولة تهتم بالقطاع الخاص ومشاركته في المشاريع القومية التي تقوم على تنفيذها الدولة للنهوض بالاقتصاد المصري. واضاف الرئيس السيسي:" في شركة اشتغلت ب 75 مليار جنيه في 7 سنين، فيه حد بيشتغل كل سنة ب 11 مليار جنيه ويقول ما بيشتغلش؟". السيسى: فيه حد بيشتغل كل سنة ب 11 مليار جنيه ويقول ما بيشتغلش؟ كما تحدث الرئيس عبدالفتاح السيسي، عن قرارات جديدة تتعلق ببطاقات التموين والتي يستفيد منها نحو 64 مليون مواطن حسب الإحصاءات الرسمية. قال الرئيس السيسي، إن الدولة لن تسمح باستخراج بطاقة تموينية لأكثر من شخصين. وجاءت تصريحات السيسي في افتتاح عدد من المشروعات التنموية والقومية بصعيد مصر، اليوم الأربعاء. وننشر نص حديث الرئيس السيسي بشأن بطاقات التموين: * "أقول تاني وإحنا فرحانين، بكره واليومين تلاتة اللي جايين هتجدوا أراضي زراعية تضاف، بس مفيش جنب منها سكان علشان تروحلها، تسيب أرضك أو بيتك اللي هنا وتاخدلك 200 أو 300 كيلو تروح توشكى أو شرق العوينات أو غرب غرب المنيا اللي هيّ الأراضي الجديدة". * "الأراضي الجديدة لما أجي أقولك تعالى أسكن فيها تقولي لأ عاوز أفضل جنب أسرتي هنا ومش عايز أقعد هنا، ولو عملتلك هناك كمان دي تكلفة كبيرة جدا، أنا بتكلم على 300 ألف جنيه علشان تبقى زراعة مش علشان تبقى حياة.. لو علشان حياة ممكن يوصل بقى الفدان لمليون جنيه لما أعمل تجمع عمراني والمدرسة والمستشفيات والطرق وشبكة الكهرباء وكلام من هذا القبيل.. طب إحنا لدينا القدرة المالية لكده؟ ما أنتوا في الآخر هتقولوا إحنا مش مش قادرين نحس (...)، عاوزين نعيش، مش كده؟ وفي الآخر المواطن عاوز إيه يا دكتور مصطفى؟ عاوز يعيش، وأنا كمان عاوزه يعيش، بس هو لازم يفهم راجل أو ست، شاب أو شابة، أن ده لا يمكن يحصل، تاني بقول علشان أبقى بسجل الكلام اللي بقوله للتاريخ، وللناس اللي بتتكلم في التليفزيون والجرائد ووسائل الإعلام، قضية خطيرة إن ميكونش فيه أرضية فهم مشترك للواقع وأسباب وكمان حله، هيبقى بنتكلم في حتة والتحليل والتوصيف والعلاج في حتة تانية". * "تاني يا جماعة بقول ثقافة البناء على الأراضي الزراعية لابد أن نواجهها، والنقطة الثانية أن ثقافة النمو السكاني طفل واتنين وستة دون أن تقدر هتصرف عليه أو تعلمه إزاي لا بد أن تتراجع، هيقولي المبادرات والبرامج اللي الدولة بتعملها؟ إحنا بنشتغل في ده، لكن يبقى إن العادة أصعب بكتير في مواجهتها بقوانين أو توعية أو كلام من هذا القبيل". * "لكن على الأقل تبقى عارف يا مواطن ويا مواطنة وابنك أو بنتك بيعدي الطفل مش الطفلين بقى، أنت بتحط نفسك في مشكلة، ومستقبل الطفل دا مش هتبقى (...)، وربنا مقالش كده، ربنا مقالناش نعمل كده في نفسنا وبالتالي بقولها على الهواء كده، أن قلت إحنا شوف حد يعمل كده؟ أيوه أنا بعمل كده، قلت لا يمكن هدي بطاقة تموين تاني تاني لحد بيتجوز يعني، لأنك لو بتتجوز ومستني إن الدولة تديك بطاقة تموين، فإنت مش قادر تتجوز، مش قادر تصرف يعني.. إزاي يعني، لأ دا كلام مش مظبوط، ودا برضه ثقافة اتشكلت في وجدان الناس ودي مش موجودة غير في بلدنا إحنا بس، إن نشتري الحاجة بأقل من تمنها، وأخد خدمة بأقل من تمنها، وكمان لما أخلف حد يأكلي عيالي". * "ياريت نقدر، دا هنا بس في البلد دي، وعلشان كده مقدرتش تقوم خلال السنين اللي فاتت، وإحنا مسؤولين أمام الله أننا نحط الإجراءات والقواعد اللي تمكن البلد دي إنها تقوم وبالتالي أنا بقول الكلام دا للناس علشان أوفر على الدكتور مصطفى (مدبولي) والدكتور علي (المصيلحي)، فالتموين لن نحط بطاقة تموين تاني لأكتر من فردين في اللي فات، وفي الجديد لأ مفيش.. شكرًا جزيلًا". وافتتح الرئيس عبد الفتاح السيسي يفتتح صباح اليوم مجمع إنتاج البنزين بشركة أسيوط لتكرير البترول بمحافظة أسيوط بالإضافة إلى عدد من المشروعات التنموية الأخرى في نطاق إقليم الصعيد". وصرح المتحدث الرسمي باسم رئاسة الجمهورية أن مجمع أسيوط لإنتاج البنزين يعتبر أحد مشروعات الدولة الإستراتيجية في إطار خطط التنمية صعيد مصر، حيث يعد أكبر مجمع بترولي في الوجه القبلي يهدف لتأمين إمدادات البنزين لأهالي محافظات الصعيد وتوفير تكلفة نقله من معامل التكرير القائمة بالقاهرة والإسكندرية والسويس لمناطق الصعيد المختلفة.
