حل نجم الأغنية الشعبية الفنان عبد الباسط حمودة، ضيفًا على قناة MBC مصر مع الإعلامي عمرو أديب في برنامج الحكاية، وتواجد معه في الحلقة مطرب المهرجانات عمر كمال. وخلال الحلقة تحدثا عن قرارات الفنان هاني شاكر نقيب الموسيقيين بمنع عدد كبير من مغنين المهرجانات من الغناء. وإليكم 10 تصريحات من عبد الباسط حمودة في السطور التالية. تصريحات من عبد الباسط حمودة - اللي يغني وينجح يكمل - أنا مش مع فكرة أي حد يغني مفيد فوزى عن علاقة دينا الشربيني بعمرو دياب:"قدمت صورة سيئة للشباب.. ولو كنت والدها لضربتها علقة" رضوى الشربيني تهاجم "بيج رامي" بعد زواجه الثاني:"بدل ما يكافئها أتجوز عليها" محامية فاتن موسى تكشف السبب الحقيقي وراء طلاقها من مصطفى فهمي - فيه عيال في المهرجانات بتغني كويس وصوتها حلو - لو فيه على أيامنا يوتيوب كنا وصلنا لمليارات المشاهدات - أستاذ هاني شاكر عنده حق هو مغلطش، هو بيقول إحنا هنعمل امتحان، اللي يغني وينجح على عيني وراسي، اللي ما بيغنيش هيعمله إيه؟ - طبعا لازم اللي يغني يكون معاه كارنيه وترخيص، ولازم يكون معاك مصنفات وسياحة. - أنا من سنة 1970 لما كنت أغني أروح أقدم الأغنية للمصنفات فيقولوا لأ شيل الجملة دي وحط الجملة دي، كان الأول في تدقيق على الكلمة، تروح 5 أو 6 مرات لحد ما يصرحوا لك بالأغنية - عمر كمال ذكي واللي عاجبني فيه ذكاؤه. بيحب يطور من نفسه ويعمل من نفسه حاجات جميلة، وأنا قلتله بشياكة ابعد عن المواضيع دي لإنك بتغني، قول للناس أنا أهه. خلاص إنت عملت مهرجان والناس عرفوك وشافوك ابعد. لما جينا نعمل الأغنية دي حسسني إن دماغه نضيفة - زمان أيام الأفراح البلدي كنت بقف من 9 للساعة 5 الصبح، وأكثر حاجة خدتها في السبعينات ربع جنيه، بس كان ربع جنيه - هانى شاكر مش عاوز لفظ خارجى، ومنقدرش نلومه في حاجة وهو لم يمنع شخص عن أنه ياكل عيش بس المهم أن المطرب يقول الكلمة الحلوة، وهانى شاكر قيمة وقامة وفنان كبير وفاهم كل حاجة، وكلام ده كله ميمنعش ان في مطربين في المهرجانات بتغنى كويس أوى نقابة الموسيقين تمنع مغنين من الغناء وكان أعلن رئيس لجنة العمل بنقابة المهن الموسيقية، منصور هندي، قائمة تضم الممنوعين من الغناء، وكشفت النقابة عن أسماء من ليس لديهم تصريح للعمل. وجاءت الأسماء الممنوعة من الغناء كما يلي: "حمو بيكا، حسن شاكوش، كزبرة وحنجرة، مصطفي زكريا الشهير بمسلم، أبو ليلة، أحمد قاسم الشهير ب فيلو، أحمد موزة، حمو طيخة، ريشا كوستا وسمارة، شواحة، ولاد سليم، العصابة، الزعيم، علاء فيفتى، فرقة الكعب العالى، مجدى شطة، وزة، شكل، عمرو حاحا". وشددت نقابة المهن الموسيقية في بيان لها: "يمنع منعاً باتاً من ليس عضواً بالنقابة وغير مصرح له، بالعمل لحين تصحيح أوضاعهم بالنقابة واجتياز الإختبارات".
