لما ببص في عينك وانت بتطلق كل دانات اللوم علي روحي بخاف واهرب لكفوف الدنيا فتقتل حلمي أحس بنفس قيودي وهيه بتمسك طرف الحلم تروض فيه نفس الكرباج بيكتف كل أسودي النايمة في قفصي الصدري نفس عصاية الساحر ترميني في ترس حياة عماله بتطحن فيا وبطحن فيها يمكن أجمع كام فتفوته تكفي حياة ع الريحه وساعتها هتبقي عصاية الساحر كل الحلم اللي أنا مخلوق له فأروض نفسي وأتبت كل قيودي وأعيش وأنا كاره أحلم