يا أمير الفن ياللي الناس تجلك ياللي من فنك شربنا وارتوينا بالفنون خليت جميع الناس تميل لك دنت فضلك ف الزجل أصبح علينا من زمان مشتاق أشوفك لجل أقولك عن حاجات تأثيرها يظهر فيك وفينا لكن أنت مستخبي مش بتظهر أمتي قول لي راح تبان يابدر تامم الحاجات دي ذكرها يمكن ح ينفع امرها يشغلها وانت زيادة واكتر كل عام فيه شيخ يجلينا يوم ويرجع شيئ وعيت به من زمان من قبل ما أكبر من تفاوته كنا نص الليل بنسمع حسه بيصلي ويتعبد ويذكر النهاية قصدي اقول لك انه واحد شيخ تقي وزيادة انه شخص عالم أختي سوسو النونو اللي مدلعينها خالص ياجمال بصة عنيها حلوة الادب فوق الجمال دايماً يزينها قبل ما تحسدها قول سميت عليها اسم سوسو للدلع بيني وبينها حتي رخرين الجيران بيدلعوها أما اسم اختي الحقيقي أنت عارفه قوله لجل أعطيك براوه أو عفارم اسمها "بثينه" ولما الشيخ سمعنا واحنا بنقول اسمها زعق وغجر بعدها قام قال لنا ده اسم جنة تبقي خالة ابن عم الجن لحمر قام أبويا صدقه وحالا منعنا شوف تخاريف الشيوخ واحكم ودبر بسألك علشان تغير اسم بنتك لجل ما تعيش في سعادة وفرح عامم "صباح" بور سعيد الرد: "ياصباح" الفل ياحبة عنيه ياللي نفسي اني أشوفك من زمان انت من ذوقك بتمدح بس فيه أما قولك اسم بنتي اسم جان اسم بنتي ده صبح مسبوك عليه واتعرف ما اقدرش أسيبه مهما كان أما عم الشيخ بتاعكم ده مغفل عارفه عارفه هو عم الحاج سالم أبوبثنية