قاطع أحد الشباب المشاركين بالجلسة الحوارية لمنتدى شباب العالم في شرم الشيخ، حديث الرئيس عبد الفتاح السيسي، قائلا: "لازم تسمعني.. أنا زويل الثاني". الأمر الذي دفع السيسي للضحك، واستدعى الشاب للحديث معه، والذي قال للرئيس: "أنا بحبك جدا"، فرد عليه السيسي: "تعالى اتفضل، أنا عايز أقولك أننا عاملين الكلام ده كله عشان كل شباب العالم، خلي بالك أنا مش بتكلم في الحب دلوقتي، عايز أقولك أننا بنعبر عن نفسنا، والطريقة اللي بنتكلم بيها الناس بتشوفها وتحكم علينا بيها، تعال وقول اللي أنت عايزه". ورد الشاب: "أنا عالم مصري و3 سنين شغال على مرض الفشل الكلوي، بسبب أن والدي اتوفي بهذا المرض ومن يومها اشتغلت عليه وعندي اقتراحات هتخلي مفيش ولا مريض واحد بالفشل الكلوي"، وسلم الشاب، الرئيس إسطوانة بالمشروع، ووعده الأخير بمشاهدتها. يعد منتدى شباب العالم منصة للحوار المباشر بين الدولة المصرية بمؤسساتها المختلفة والشباب من كل أنحاء العالم، وتتضمن جلساته 64 جلسة، يتحدث فيها 222 متحدثا، يمثلون 46 دولة. ويشارك في المنتدى عدد كبير من المطربين الشباب من مختلف أنحاء العالم، ويحضر المؤتمر العالمي مبعوث الأمين العام للأمم المتحدة، ومبعوث للاتحاد الإفريقي، بجانب عدد من الجنسيات المشاركة في المنتدى والتي بلغت إلى الآن 113 جنسية، يمثلهم 3000 شاب.