كشفت الفنانة دينا الشربيني، عن العديد من التصريحات عن حياتها الشخصية وتفاصيل وفاة والدها وكواليس مسلسلها " كامل العدد +1" وارتباطها وزواجها في وقت قريب وبدايتها كمذيعة. أبرز تصريحات الفنانة دينا الشربيني تحدثت دينا الشربيني عن رحلتها كمذيعة في بدايتها الفنية، في برنامج "كلمة أخيرة"، مع الإعلامية لميس الحديدي، مساء أمس عبر قناة on، قائلة: "كنت صغيرة أوي في برنامج شبابيك عمري كان لسه عشرين سنة كنت بطلع أقول أي حاجة".
وأضافت دينا الشربيني في حديثها عن مسلسل كامل العدد: "إلى أنه في رحلتها من المذيعة لكامل العدد كانت مليئة بالنجاحات بداية من جراند أوتيل ومروراً بمسلسل زي الشمس ثم مليكة لكن كامل العدد بجزئية بالأخص السيزون الأخير مثل لها سعادة غامرة لأنه إرتبط بالأطفال".
تابعت دينا الشربيني: "لما بلاقي الناس من الأطفال في سن 4 سنوات لحد الكبار بيشوفوني بيحبوني ويتصوروا معايا ده أجمل إحساس دلوقتي حسيت إني عملت حاجة أبقى ماشية مبسوطة بيها، وردت دينا الشربيني على سؤال لميس الحديدي على تحديد مسارها تراجيدي أم كوميدي، قائلة: "لسة معرفتش فضلت فترة بعمل "سسبنس" ورا بعض وكنت أحب أدخل في الزواية دي لأنه لا يوجد بنات كثيرة بتدخل فيها بس بعدها ومع الوقت شعرت أن الناس زهقت، الكوميدي مرهق برضه من ناحية إني لازم أنجح في إني أضحك الناس ببقى طول الوقت خايفة يبقى دمي ثقيل أو بستظرف".
وأردفت دينا الشربيني حديثها عن حبها للأدوار الحزينة: "لما بشوف دور حلو وأنا بحب النكد في الأدوار ببقى مبسوطة في التصوير في الأدوار الكوميدي لكن التراجيدي له مذاق خاص لأنه بحسب بمجهود ومذاكرة وتعب وأنا شخصياً بتعب وبفضل متأثرة شوية".
وتحدثت الفنانة دينا الشربيني عن أهم صفات التي لا يمكن أن تتقبلها في أي رجل، قائلة:" البخل مش في الفلوس البخل في المشاعر والكلمة الحلوة والاهتمام والسؤال والمعاملة، وثاني صفة أرفضها الخيانة لأني مش ممكن أتحملها لآن الفكرة مش مفهومة بالنسبة لي ولو حصلت يبقى أمشي مع السلامة مش ممكن أقبلها لأن الخيانة غير مقبولة وبتهز حاجة جوه الست" .
دينا الشربيني :" أنا مقدرش أتحمل الخيانة "
وواصلت دينا الشربيني:" فيه ستات بتتخان وبتعرف بس بتكمل لأسباب، إن البيت مفتوح ومعرفش إيه، وأنا أراهن أن الست من جواها بتكون مدمرة لأنها عارفة وساكتة وأنا مقدرش أبقى في الوضع ده لكن مقدرش أحكم على اللي بتقبل ده".
وتابعت دينا الشربيني:"لما تعرضت للخيانة مشيت على طول، ووجعي الأكبر أن الخيانة جت من صديقتي من البنت مش من الراجل، ولم أواجهها حتى الآن، ومش بعرف أتعلم، ومش من النوع اللي بيندم ويقول يا ريتني عملت كذا، بحب أتعلم من اللي حصل لكن بنسى أحيانًا واكرر الغلط". دينا الشربيني: اعيش قصة حب وكشفت الشربيني، في حديثها أنها بالفعل تعيش قصة حب مع شخص اسمه حسين تحبه جدا وتحترمه، قائلة "أنا بعيش قصة حب مع شخص بحبه جدا وجدع جدا وبحترمه للغاية، وبان أصله وقت فقدان أبي وأمي لأني من وقتها لسه مش مستوعبة رحيلهما".
وأضافت أنه شخص مصري من خارج الوسط يعمل في مجال "البيزنس" ويجمعهما أصدقاء مشتركون، نافية بذلك كل ما تردد من شائعات مؤخرا، متابعة: هو محترم وبيراعي ربنا ومتدين وجدع ولذيذ عاوز يعمل كل حاجة كمشاعر ودعم من دون أن يظهر في الصورة، دائما بيبقى عينه عليا من بعيد. وعن عدم ظهوره معها، قالت دينا الشربيني:"أبعد ما يكون عن الأضواء احنا شبه بعض في حاجات كتيرة بس مش بيحب الأضواء، ودي الحاجة الوحيدة اللي عكس بعض فيها، جايز في البداية كان مخضوضا ومش فاهم لكن دلوقتي فهم".
وقالت الفنانة دينا الشربيني إن والدها توفي بشكل مفاجئ، وهذا الأمر كان مؤثراً للغاية في حياتها، وكشفت كواليس قائلة: "قبلها كان عندي وعملتله ملوخية وفراخ بلدي لأنه بيحبهم، ومشي وكان كويس جدا، وبعدين السواق كلمني وقالي إنه تعبان أوي".
وأضافت دينا: "ذهبنا به إلى المستشفى، ووجدنا أنه مصاب بتسمم في الدم، بسبب حدوث ثقب في المعدة، وتوفي في المستشفى"، مؤكدة أنها لا زالت حتى الآن ترسل له رسائل صوتية، وقالت في آخر رسالة صوتية "واحشني جداً".
