هي : قبل ما أشوفك كنت زي الغريق بيصارع الموت ويتحدى الموج من أجل الحياة ولما قابلتك حسيت بكياني ووجودي وعمري اللي ضاع تفتكر لو بعدت عني ليها لازمة حبيبي بنظري الحياة ؟؟ مش هكذب عليك لو قلت مش هموت من بعادك بس الحياة اللي جوه قلبي هتنتهي ومش هبقى حاسة بطعم الحياة لأني هرجع بعد فراقك غريق بيصارع الموت من أجل الحياة .لسة عندك شك إنك دنيتي حبيبي وإنت الحياة ؟؟ ********* هو : مش هكذب عليكي أول ماشفت نظرة عنيكي حسيت إن اللي كنت عايش فيها مش حياة حسيت إنك الأمل اللي طول عمري بستناه .شدني شوقي للحزن اللي ساكن جوه عيونك .سّر غريب جوه قلبك من سنين شيلاه !!مين إنتي حبيبتي ؟؟ ومين تكوني ؟؟ معقول رسول الحب يأمرني أحبك بسرعة البرق ؟؟ معقول الاقي فيكي كل اللي بتمناه بجد ؟؟ إحتوتي بسحرك السحر اللي بأحضان الفجر . إنتي اللي وهبتي العطر للورد والزهر .مين تكوني حبيبتي غير بحر مليان حب ووفاء.ملكيش علي يمين إنتي اللي بحلم فيها من سنين .إنتي اللي ساكنة روحي من غير ميعاد إتقابلنا .قدر وإنكتب على جبيني إني أحبك وتبقي لي يا حبيبي إنتي الحياة . ****** هي :أنا الجرح اللي مستني الدواء .أنا الأنين النازف شوق للقياك .أنا اللي سكنتك ياروحي من قبل اللقاء .أنا أنت ..وإنت أنا ..شفت لما السراب يتحول في عيون الظمآن لبحور وأنهار ؟؟ شفت الأسير اللي يشوف شعاع الشمس جوه قلبه التعبان ؟؟ إنت الأمل حبيبي اللي طّل علي من باب القدر .إنت الحب والأمل .إنت روح الحياة ******** هو : هكّسر قيودك .وأخلي إيدي في إيدك وأتحدى البشر .وهّسكن خوفك وأبدد يأسك وأمسح كل دمعة نزلت من عيونك وهعيش ليكي لوحدك أنا مليت كتر الترحّال والسفر نفسي تسكنيني حب ووفاء .نفسي تبعديني من إحساسي بالجفا ء .نفسي أعيش لك عشق كله دفا .إنت بقلبي خلاص بقيتي لي كل الناس مش محتاج إلا للصمت علشان أسمع صوتك . مش محتاج إلأ للهمس يهدهد خوفك .مش محتاج إلا ليكي حبيبتي لانك إنتي ...إنتي الحياة ******* هي : خايفة أقول لك بحبك ؟؟ خايفة من قوة سحرك .خايفة الناس تشوفك بعيوني ؟؟ خايفة يحسدوني عليك لو قلت بحبك .إنت الجمال اللي بسحره داوى القلب العليل . إنت الربيع اللي سكن صحاري النسيان .مين إنت حبيبي قل لي مين إنت ؟؟ تايهة في بحورك حبيبي وأنا الغريق من زمان .لو عشت عمر قد عمري .لو مر زمان قد زمني هتفضل إنت حبيبي إنت الحياة *********