ماهو كله تحت السيطره قايسين حالتها بمسطرة وان جيت فى يوم عقلك شطح على طول هاتعمل رسترة عيشتكوا حلوة مرفهة مين قال عيشتكوا ممررة أسعارنا تحت السيطرة وفسادنا تحت السيطرة طوارئنا تحت السيطرة مين قال حالتنا مبعترة حتى انتخابات شعبنا مين قال عليها مزورة دا احنا انتخابتنا تمام حرة ونزيهة ومنظرة نتيجتها صح معبرة فيها ايه لو ميت يقوم يحط صوته فى الدرا فيها ايه نمنع مندوبين لازميتها ايه المشورة فيها ايه نزور صندوقين وعنيكوا فاتحة مدورة فيها ايه نسود لجنتين تبقى فضيحة وشوشرة فيها ايه نسقط مرشحين لازمتها ايه البعترة فيها ايه لو مجلسنا كله وطنى ومافيش معارضة حاضرة ما هو القانون بنفصله بوجودهم ايه اللى جرا عيشوا حياتكوا مغمضين واتلموا وبلاش نخورة جمال محمود [email protected]