مين الطرف الأقوي في الحب، وإمتي جرح الحب يبقي حاجه سهلة، وإزاي نقدر نعالج نفسنا من الاكتئاب، كل الكلام ده و أكتر كان جزء من إجابات الشاعر الغنائي بهاء الدين محمد على قراء " الشباب " أون لاين على جروب الشباب على الفيس بوك .. تصوير : أميرة عبد المنعم منصور مسعود ما هي عاداتك .. و أنت تكتب و كيف تستوحي أفكارك ؟ ليست لي عادات معينة .. و لكني بمجرد أن أبدأ كتابه أنفصل عن الوعي وعن كل من حولي و أعيش مع الفكرة التي أكتب عنها و ذلك ممكن أن يحدث في أي وقت وأي مكان لأني ساعتها باعيش جوه الفكرة ، أما بالنسبة للأفكار نفسها فأنا لا أستوحيها وإنما غالبا ما تأتي إلي من الناس من حولي .. يعني تقدر تقول كده يا منصور إني أخذ أفكاري من أي حتة و ممكن جداً واحد يقول كلمه قدامي فتتحول عندي لفكره. علي عزيز بتقول لمين: إنت كل شيء في حياتي ؟ معنديش حد ممكن أقول له كده .. لأن حياتى هي كل إللي حواليا سواء أسرتي وأهلي أو أصدقائي أو حتي الناس العادية إللي بقابلهم في الشارع كلهم ، كل شيء في حياتي صدقني لو قلت لك إن كل الناس عندي شخصية واحدة لكنها متجزأه في شخصيات كتير .. لكن الحب الأكبر والحقيقي إللي باقف قدامه وأقول له إنت كل شيء في حياتي بل وحياتي نفسها هوحبي لرب العزه سبحانه و تعالي. منصور محمود في حد تنبأ لك و إنت صغير بإنك ستصبح شاعراً ؟ أبدا لأن المحيط إللي حواليا لم يكن فيه أي نوع من الفن بس الحقيقة أن والدي كان مدمن لأغاني أم كلثوم و عبد الوهاب وده الجو إللي أنا إتربيت فيه بس ساعتها ماكنتش باقدر أسمع الأغنيه كلها لكن دايما كنت أسأل مين إللي كاتب الكلام ده ألاقي مرسي جميل عزيز وعلي مهدي و أحمد رامي وكانت دايما بتلفت نظري الصورة الشعرية لكن مكنش حد بيتوقع إني أبقي شاعر ومشهور علشان كده أمي النهارده بتتفرج علي و باحس أنها بتسأل نفسها مين ده. جيهان عبدالله مين الشعراء إللي إتاثرت بيهم ؟ ناس كتير جدا .. بس أكثر الناس إللي أثروا في كان علي مهدي وفتحي قوره لأن كلامه كان دمه خفيف جدا .. و الأستاذ صلاح جاهين ده كان وسيظل شيء مش معقول الرباعيات إللي كتبها دي لوحدها كفايه علشان تخلد أي حد في الدنيا زمان ، وأنا صغير كنت فاكر الرباعية بتتكتب كده وخلاص وبعدين عرفت أنها من أصعب الصور الشعرية في كتابتها لأنها لها تفعيلة خاصة بها. سارة على هل تعاملك مع الجيل الجديد من المطربين معناه أنك مقتنع بهم أم فكرة التواجد في حد ذاتها تقتضي أنك لابد أن تتعامل معهم ؟ لأ طبعا لازم أكون مقتنع بهم و إقتناع كامل كمان الحكاية مش بالسهوله دي زمان كان ممكن أعمل حاجه أنا مش مقتنع بيها علشان أقدر أستمر و أعيش كمان .. لكن دلوقتي مستحيل أنا مش ممكن أكتب إسمي علي أغنيه يغنيها صوت أنا مش مقتنع ومؤمن بيه. عمرو صفوت فين الأغاني الجميلة إللي كنت بتكتبها لمدحت صالح وهاني شاكر و ورده و غيرهم من الأصوات المحترمة ؟ طبعا موجوده و لسه بكتب لكل هؤلاء بس السؤال الأصوات المحترمه من وجهه نظر مين ؟! يعني مش معقول أي صوت لا نتفق معه يبقي مش محترم لأن أذواق الناس في النهايه بتختلف و طببيعي أني أشتغل مع كل الأصوات طالما كانت ناجحه و لها جمهورها وأنا مؤمن بها. ## دينا عماد مين السبب في تدني مستوي الأغاني سواء في الكلمات أو الألحان؟ هو أصلا مفيش تدني و كل إللي بيحصل ده ظاهرة طبيعية لا تؤثر علي الغناء الحقيقي و نوع الأغاني إللي ممكن نقول عليها هابطة ليست أكثر من فرقعة أو نكتة الناس بتسمعها شوية وخلاص. عبيرشوري إيه رأيك في ظاهرة أبو الليف و كيف تقيم أيمن بهجت قمر في هذه التجربه؟ هى ظاهرة و طالما أنه من الأول إسمه أبو الليف يبقي الموضوع باين من البداية علي أنه تهريج و بالتالي من غير الطبيعي أن نقيمه فنيا و لا حتي نقيم أيمن بهجت قمر من الأغنيه دي لأن أيمن لم يقل أنه عامل حاجة عظيمة بالعكس ده قال أنا جائتني فكرة غريبة فكتبتها و لم يقدمها علي أنها الأطلال. مروة هيثم مين القوي في الحب الرجل أم المرأه ؟ المرأة هي الأقوي ليس في الحب فقط و إنما في الحياه بشكل عام لأنها الأكثر قدرة علي العطاء و التسامح وأنا عندي قاعده مهمة في الموضوع ده و هي أنك طالما كنت الأقوي في أي شيء فلابد أن تكون الأرحم. محمد شاكر متي يكون جرح الحب سهل ؟ طالما حضر الجرح ذهب الحب لأني مش ممكن أكون احب إنساناً و أجرحه .. ده مستحيل لذلك فأي واحد فينا إنجرح من الحب أو الحبيب عليه أن ينسي هذا الشخص إللي جرحه فورا و يتأكد إن إللي كان موجود ده مكنش حب إنما كان شيء شبه الحب و لازم ننساه فورا من غير ألم أو ندم بس في نفس الوقت نتعلم من التجربة. هانى محمود ممكن نسمع في يوم أغاني شعبية لبهاء الدين محمد ؟ طبعا ممكن يا و بعدين أنا فعلا عملت أغاني شعبيه لبهاء سلطان. ## هاجر السيد المنافسه بين الشعراء بتشغلك و مين بيعجبك من شعراء الجيل الجديد؟ المنافسه بشكل عام لا تشغلني لا مع الشعراء و لا مع أي حد فأنا لا أنافس إلا نفسي عشان أريح دماغي أما بالنسبه للجيل الجديد فيعجبني فيهم هاني عبد الكريم عنده صوره مش معقوله و مفرداته في منتهي الروعة والرقي هو بجد من أفضل شعراء جيله و بيعجبني كمان نادر عبدالله. بسبوسه سامى مخطرش في بالك يوم إنك تغني ؟ أنا عمري ما فكرت في الموضوع ده أبدا لأني معنديش إحساس إني عايز أبقي مشهور زي المطربين و لا المشاكل دي أنا شايف إن أنا و المطرب بنكمل بعض وده كفايه . دلوعة الجميلة أنا نفسي تكتب لعمرو دياب بس؟ أولا أنا عايز أقول لكم حاجه عمرو نفسه عمره ما اتضايق إن أنا باكتب لأي مطرب غيره و لا أنا إتضايقت لما هو بيغني لأي شاعر غيري يعني الموضوع بسيط جدا ثم أنا لو كتبت لعمرو بس يبقي معني كده إني مش هاكتب إلا أغنيتين أو ثلاثه في السنة و بالشكل ده أبقي مستعد لجمع التبرعات من دلوقتي. شيماء عامر ما الجديد عند حضرتك الفترة القادمة ؟ أوعدكم بأغاني حلوة جدا السنة دي و الأهم أني إنتهيت من أول فيلم لي وهو عمل ضخم جدا سيشارك في بطولته عمر الشريف و يسرا و ميرفت أمين و هاني سلامه و سيرين عبد النور. محمد عبدالله هل تامر حسني سبب في هبوط الاغنيه؟ تامر ولد مجتهد جدا و نفسه يعمل حاجات كتير ممكن يكون قال أغاني غلط بس في النهاية هو بيجرب لحد ما يقدر يرسي علي بر و أظن إنه بدأ يختار صح. ## أحمد عادل هو حضرتك ممكن تكتشف ملحنين و مطربين جدد؟ اه طبعا ليه لأ عمرو ذكي في مواهب شعرية كتير عند الشباب إلا أنها لا تعرف الطريق لتوصيل موهبتها فكيف يمكن أن تصل ؟ الموهبه لو كانت حقيقيه هتقدر تجد طريقها وأنا عن نفسي باسمع أي حد يعرض علي حاجه و لو اقتنعت به بساعده فورا. شريف أبو العينين مين المطربين إللي بتحب تسمع كلماتك علي صوتهم ؟ ناس كتيرجدا لكن بالأخص أنغام و عمرودياب و شيرين و مدحت صالح. تامر ياهو حضرتك برج ايه؟ العقرب بس عقرب معالج من كل شك و أنانيه هذا البرج، وأنا إللي عالجت نفسي. أحمد شيكاغو هو ليه التعاون بينك و بين تامر حسني مش مستمر؟ الموضوع مبيتحسبش كده إنما الحكايه بتيجي بظروفها يعني أنا عملت لتامر في بداياته "حبيبي و إنت بعيد" و "إنتي إللي عملتي لكل شباب الدنيا قلق" و بعدين إنشغل كل واحد فينا لحد ما اتقابلنا تاني في "إخترت صح". عادل الألفي هل تحتفظ بمسودة لكل الأغاني إللي كتبتها في حياتك؟ نعم كل الأغاني إللي كتبتها سواء إتغنت أو ما إتغنيتش موجودة عندي و أحيانا بأطلع أغاني كنت كتبتها من سنين لما ألاقي فرصة مناسبة يعني أغنيه عمرو " بعد الفراق " كان المفروض يغنيها مطرب آخر من 15 سنة إلا أنه تردد فى غنائها علشان ييجي عمرو بعد كل الوقت ده و يقولها فتنجح معه جدا!!
