نفى الفنان أحمد فهمي، عدم عمله مع هشام ماجد، وشيكو مرة أخرى، قائلًا: «لن نعمل سويًا خلال الفترة المقبلة على الأقل بسبب ارتباطاتنا الفنية». وأضاف «فهمي»، في برنامج «فحص شامل»، على قناة «الحياة»، مساء الأربعاء: «أنا مقولتش مش هشتغل مع هشام وشيكو، أنا قولت كل واحد فينا عنده ارتباطات، وأه إحنا انفصلنا، ومش هطلع أحور على الجمهور، وأقول عكس كده، والناس شافت ده في الإعلانات والأفلام، وكل واحد ليه فيلمه، ومسلسله، ومش هنتقابل خلال السنتين دول غير في الفرنجة». وتابع: «إذا كان مينفعش أقول للغريب مش هشتغل معاك تاني، فأكيد مش هقولها لهشام وشيكو، ولو مفيش ارتباطات مشغولين بيها، كان ممكن نشتغل سوا دلوقتي». وأردف: «قلبي اتقبض لما اتنافست أنا وهشام وشيكو في موسم واحد، وقبض القلب شوية لأننا نافسنا بعض في أول تجربة بعد انفصالنا، ومكنتش متخيل أنا أفيش كل فيلم قصاد التاني، وشريط 21 سنة أخوة ما بيننا استرجعته لما شوفت الأفيشات، ومكنتش أتمنى يحصل ده، وبعد ما فيلمي نجح فرحت جدًا».
