كتب - معتز عباس: كشف الفنان هشام ماجد، عن أسباب إنفصاله فنيًا هو والفنان شيكو عن الفنان أحمد فهمي. وقال "ماجد"، في لقائه ببرنامج "أسرار"، مع الإعلامية أميرة بدر، المذاع عبر فضائية "النهار"، اليوم الأربعاء، إن سبب الانفصال هو اختلفنا في كتابة سيناريو فيلم "الرجل العناب"، مضيفًا: "لما جينا نعمل فيلم الرجل العناب بعد ما عملنا سمير وشهير وبهير، شان ما يحصلش خلاف في الكتابة اتفقنا إن فهمي هو اللي يكتب الفيلم مع المؤلف شريف نجيب". وأضاف: "كنا خلاص عملنا المسلسل وقررنا إن إحنا نعمله فيلم في 2015، فهمي لما كتب الفيلم أنا وشيكو كان عندنا اعتراضات في حاجات في الفيلم عايزين نعدلها، فهمي وقتها حس إن ده عدم تقدير ليه، فقررنا إن إحنا مانعملش الفيلم سوا، وسط القفش ما بينا فهمي كرر إن هو مش هييشتغل معانا وهيشتغل لوحده". وأكمل: "كان بقالنا كتير بنتخانق في حاجات كتيرة طول الوقت مفيش فرقة فنية ولا موسيقية مش بيتنخانقوا، ومحدش في بيكمل في الآخر". وبسؤال عن احتمالية عودة الثلاثي مرة آخرى: "مقدرش أقول أننا هنرجع، أحب إن إحنا نعمل حاجه مع بعض بس ما أقدرش أقول إحنا هنرجع، مش هتحصل تاني أبدًا علشان خلاص إحنا مابقيناش فرقة لسه طالعين كل واحد جرب يبقى لوحده ونجح في حاجات لوحده". اقرأ أيضا.. محمد سامي بدون مي عمر.. شاهد نجوم الفن في حفل سحور هند صبري وصلت 82 دقيقة.. محمد سامي يكشف سبب طول الحلقة الأخيرة من مسلسل نعمة الأفوكاتو
