فتح رضا عبدالعال نجم الزمالك السابق، النار على حسام حسن، المدير الفني للمنتخب الوطني، بعد الخسارة الكبيرة أمس أمام كرواتيا (4\2) في نهائي بطولة كأس العاصمة الودية. قال رضا عبدالعال في لقاء تلفزيوني عبر قناة "etc": "مستفدناش من البطولة دي بجنيه، لأننا هنلاعب مدرسة مختلفة خالص غير كرواتيا، وكنا ممكن نجيب منتخب قريب من بوركينا فاسو زي نيجيريا مثلا اللي ظهر بمستوى مميز في بطولة أفريقيا الماضية" أضاف: "كان المفروض حسام حسن يرفض خوض هذه البطولة، ويطالب بالاحتكاك مع فريق أفريقي للاستفادة، ولو عاوز يلاعب فريق كبير زي كرواتيا يبقى بعد ما يقدم شوية". أكمل: "مش هانضحك على حد كنا كلنا بنطالب بوجود حسام حسن، ولكن هو صدمنا، جايب لاعيبة مبتلعبش ولاعيبة مصابة، ده أحنا مستفدناش بوجه جديد حتى كان المفروض نشوف لاعب تاني مكان محمد حمدي لأن مستواه سيئ، وكان المفروض مشاركة أحمد بيكهام في الدفاع بدلا من أي لاعب". أوضح: "ده إحنا مكناش عارفين نباصي الكرة، الشوط الأول كان استحواذا كاملا لكرواتيا، أحنا عاوزين نشوف منتخب مصر ليه شخصية كلنا شفنا المنتخب مع حسن شحاتة في مواجهة البرازيل مثلا شخصيتنا كانت عامله أزاي". وتابع: "حسام حسن كان شاهد على فترة حسن شحاتة الذهبية، والمفروض يكون عارف أننا عاوزين نلعب كرة، لأنه أجل المباريات من بدري، ومع ذلك مشفناش أي نتيجة ولازم يراجع نفسه تاني لأن الشكل مش كويس ولازم يخلع عباءة محمود الجوهري". وأتم تصريحاته: "حسام حسن لما النتيجة كبرت، أجرى تغييرات عشان يظهرها تجربة لرؤية جميع اللاعبين، ولكن لو كانت النتيجة تعادل أو المنتخب كسبان مكنش هيعمل كدا زي الماتش الأول أمام نيوزيلاندا لكن هو عاوز ياخد اللقطة بس أمام الكاميرات". افرأ أيضا: مفاجأة كولر.. تعديلان على قائمة الأهلي في اللحظات الأخيرة قبل السفر لتنزانيا "فيه لاعيبة هيضيعوه".. ميدو يوجه رسالة قوية لحسام حسن بسبب لاعب الأهلي هل يعود للتدريبات؟ اختبار يحدد مصير زيزو من مواجهة فيوتشر
