مصر لما فى يوم تنادى تقول ولادى الكل رد عايزة اشوف الرمل زرع عايزة اشوف الشوك دا ورد مصانع مزارع ليل نهار أنتج ما اعوزش فى يوم لحد
عايزة ناس تبنى تعمر مكن يزمر عرق وكد فى العمل عزة وكرامة حصن ضد الفقر سد عقول وشمس معاى ونيل شباب كتير طاقة ويد
دا المكن لو صوته نام شعب مات حلمه تهد
نقطة عرق تدى حياة تصنع كرامة تبنى مجد
دا العمل فرض وعبادة على بنت كانت أو ولد دى البطالة سوس بينخر مصدر جريمة صداع نكد إيد بتعمل تبقى طاهرة ليها هيبة تقول أسد ألف بوسة فوق جبينكم ألف شكر كمان بجد شباب ورادى سهرانين دا الحلم قدامنا استجد تحية للمكن اللى داير واللى شمر حيله شد انتوا الأمل جوانا باقى حضن الأمان روح البلد عزم الرجال شق الجبال قطف الثمار زرع وحصد أكلك بإيدك تبقى حر دى القوة إنتاج مش عدد نخلص عمل ننتج وندى يبقى بكرة أحلى غد راضى على- سوهاج - طهطا - عرب بخواج