«الولد دا نايم فى الشارع وشكله مدروخ ومرجّع من ضربة شمس والناس بتعدى من جنبه ولا كأنه كلب»، شعور عارم بالغضب اجتاح الشابة ندى مشهور، التى كانت فى طريقها حين رأت ذلك الشاب الملقى على جانب الطريق، فى منطقة التجمع، بينما مر به الجميع وقفت هى، حيث قامت بالتقاط صور له، محاولة سؤاله عن سبب وقوعه بهذا الشكل. رواية مأساوية قالها الشاب «لما كلمته طلع كان فى دار رعاية ومشوه عشان تم 18 سنة، ودلوقتى فى الشارع مش معاه فلوس يأجر غرفة ولا عارف يشتغل عشان عامل عملية»، هكذا سارعت «ندى» لكتابة منشور عبر موقع التواصل الاجتماعى «فيس بوك» تحث فيه الجميع على مساعدته «اللى يقدر يساعده بأى حاجة لبس، أكل، مكان ينام فيه» دعوة تفاعل معها الكثيرون، من بينهم عمر شاهين، الذى بدا أن دائرة معارفه أكبر «شفت القصة على صفحة صديق ليا، ونشرتها عندى ودخلت على مجموعات وصفحات ضخمة وأعدت نشرها»، هكذا نزلت عروض المساعدة كالمطر على رأس عمر. مساعدات من دول عربية ومصريين وفريق إنقاذ لشاب «التجمع» «ناس من دول عربية وخليجية كلمونى عشان يساعدوا الولد، غير المصريين اللى اتعاطفوا مع حالة الولد، ناس كانت على وشك تحويل فلوس عشانه، كان صعبان على ناس كتير» هكذا أخبرهم عمر بأنه سوف يتأكد من الحالة قبيل استقبال المساعدات له «فى الوقت دا ندى قالتلى إن فى فريق إنقاذ وصلوا له وهيوفروا له سكن وشغل وبالفعل راحوا واتكلموا معاه». مع دخول فريق «بسمة» للإيواء إلى القصة تحول الأمر رأساً على عقب، حيث اكتشف مندوبو الفريق المفاجأة «تم بحث الحالة والولد متسول، له أسرة، ولا يستحق دار رعاية، ويمتهن المهنة»، هكذا جاءت النتيجة التى أصابت أطراف عملية الإنقاذ بالذهول «فيه ناس اتبرعت تنزل تبص عليه راحوا مالقيوش حاجة، فى واحد من الناس اتصل من قطر وكان بيعيط ومستعد يحولّه أى مبلغ من فرط التأثر»، هكذا قام كل من عمر وندى وجمعية «بسمة» بوضع حد للقصة عبر «تحديث» للتحذير من الشاب، وكشف كذبه.
