هاجمت صفحة" أنا أسف ياريس" الدكتور هشام قنديل ،رئيس الوزراء، والذى قال إن ، صور المولوتوف ، تساعد على هروب المستثمرين قائلة ، إن تصريحات الرئيس الخاطئة وذكره لأرقام كاذبة تساعد ايضا على هروبهم وقالت الصفحة "هشام قنديل يقول إن الصحف الغربية لما بتنشر صور الطوب والملوتوف ده بيقلق المستثمر وبتخليه يستثمر فلوسه فى مكان تانى , ده كلام صحيح طبعا بس نسيت تقول إن نفس الصحف الغربية بتنشر عجز الحكومة عن توفير الآمن للمواطن والمستثمر وبتنشر أيضاً القرارات الرئاسية المتخبطة التى تصدر وتلغي فى نفس اليوم , ونسيت تتكلم عن عدم مصداقية الرئاسة فى التصاريح والأرقام الخاطئة اللى بتفقدنا ثقة المستثمر بالآضافة اللى الوعود اللى مبتتحققش , ونسيت تتكلم إن الصحف بتنشر بردو التعدي على السلطة القضائية وأزمة الإعلان الدستوري الفاشل والدستور العوار اللى صنع الآزمة السياسية والإقتصادية والآمنية فى مصر , ونسيت تتكلم عن حصار مدينة الإنتاج الإعلامي والمحكمة الدستورية , ياريت سيادتك تطلع على الصحف الغربية كويس ومتلخصش أزمة الآستثمار فى الطوب والملوتوف وتتجاهل أهم الآسباب الآخري اللى تسببت فى إنهيار قطاع الإستثمار المصري , أهم ما تجاهله هشام قنديل هو إن الصحف الغربية بتتكلم أيضاً عن مليشيات مرسي اللى بيعتدوا على المعارضة بكل فئاتها وده سبب كافي جداً لعدم الآستثمار فى مصر بل وهروب المستثمر الموجود حالياً , فى خطاب مرسي أمس نصحناه إنه مياخدش الآرقام والإحصائيات من الحرية والعدالة وبنوجه النصيحة نفسها لمعاليك أقرا الصحف الغربية كويس لإن الشعب صاحي وواعي وفهم الحقيقة "
