وجه رئيس نادي الزمالك اتهامات لسيد عبدالحفيظ مدير الكرة بالأهلي بانتمائه لجماعة الأخوان بسبب محاولة الأهلي تأجيل مباراة القمة مع الزمالك. وقال في تصريحات صحفية "لا ياسيد يا عبد الحفيظ يا إخوانجي دي مصر بصرف النظر تاخد دوري الزمالك ياخد الدوري دي مصر يا حبيبي".
وأضاف"أنت إخوانجي وقبلناك، لكن شغل البلطجة دة مش هيبقى في مصر هنا، ومعتقدش أن السيد محمود طاهر الوطني المحترم، هيقبل هو مجلس الإدارة هذا العبط والتهريج".
وتابع رئيس القلعة البيضاء "لا ..منتخب مصر أهم من الزمالك ومنتخب مصر أهم من الأهلي ومنتخب مصر أهم من الدوري، وولادنا اللي بيستشهدو في سينا علشان مصر يا إخوانجي، أنا مش فاهم أنت اشتغلت إزاي في النادي الأهلي".
وأردف قائلاً "أنت ياسيد مش هتضم لاعب لمنتخب مصر علشان ماتش كورة محلي، يعني أنت عندك الأهلي أهم من مصر.. دي مصر يا أخي اللي عملتك بني آدم، احنا بنكلم عن نادي الوطنية مش ده نادي سعد زغلول يا عبدالحفيظ أفندي".
واختتم رئيس الزمالك قائلاً "ده النادي اللي حكمه قبل كدة صالح سليم والفريق المرتجي اللي لو كان عايش دلوقتي كان علقك من رجليك.. دي مصر،النادي الأهلي اللي صرف 186 مليون جنيه على لاعيبة السنة اللي فاتت، واقف على لاعب محلي إسمه رمضان صبحي كان بيلعب في إمبابة".
