حرص باسم مرسي، مهاجم نادي الزمالك، على توضيح سبب المشادة التي حدثت بينه وبين 4 أفراد من جماهير النادي الأهلي في مطار قرطاج بتونس بعد وصول بعثة الزمالك لمواجهة الصفاقسي التونسي في الجولة الخامسة من بطولة الكونفيدرالية الأفريقية. وقال مرسي، عبر حسابه الرسمي على موقع التواصل الاجتماعي "إنستجرام"، توضيحا للأزمة "كل واحد طالع عمال يحلل ويقول كلام على مزاجه أنا من أول ما لعبت لنادي الزمالك وأنا بتشتم بوالدي ووالدتي وبيتقال عليا كل حاجة ممكن تتقال تنك مغرور ده عايشها على الناس بيزعق ويتنرفز على اللاعيبة بيشتم زمايله في الفريق عايز كل كورة تتباصى ليه عايز هو بس اللي يجيب الجون ده بيروح للحلاق أكتر ما بيدخل الحمام كل حاجة بعملها شاغلة الناس أجيب جون ده بقى تنك ومغرور ماجبش جون ده مستواه بقى وحش". وأضاف: "كل ده ولا اثر ولا هيأثر فيا عشان أنا عارف طريقي كويس وعمري ماعملت ولا هاعمل مشكلة بسبب التفاهات دي وعارف إن دي ضريبة إني بالعب تحت اسم كيان وجمهور كبير هو نادي الزمالك اللي عشانه بجد ممكن أعمل أي حاجة، إنما لما توصل إن النادي اللي بالعب وبموت نفسي عشانه يتهان واسمعها بوداني أكتر من مرة ولا أرد وأجيب حقه من اللي غلط فيه ابقى مش راجل.. اللي عايز يغلط فيا براحته مش هرد عليه بس نادي الزمالك خط أحمر".
