وجهة نظر

18/4/2010
عبد اللطيف المناوي: السيدات والسادة مساء الخير خمس سنوات مرت منذ اعلان الرئيس مبارك برنامجه الانتخابي والذي تضمن اهدافا شاملة من اجل مستقبل افضل لمصر كان كمن بينها هدف واضح لمصرفي التنمية الصناعية والاقتصادية في مقدمتها انشاء الف مصنع جديد ومنطقة صناعيا تستوعب مستقبلا صناعيا وايدي عاملة لتحقيق النمو ومواجهة البطالة وتاهيل الداخلين الى سوق العمل وربطه بالعملية التعليمية ، السيدات والسادة بعد هذه السنوات ماذا تحقق وماذا تبقى والى أي حد تعارض الطموح مع الواقع التي لم يكن اخرها ازمة مالية عالمية افلست بسببها دول وانهارت كيانات اقتصادية عملاقة ماذا فعلت مصرفي هذه الازمة وماذا فعلت الازمة بمصر وكيف تجاوزتها وهل تجاوزتها اين تقع مصر ادولة والمكانة بالنسبة لاقتصاديات المنطقة هل ما قدمته الحكومة من اجل تشجيع الاستثمار قد اتى بنتائجه المرجوة السيدات والسادة عن مصر حلم التنمية الصناعية وتشجيع التجارة الداخلية والخارجية عن مصر ومكانتها الاقتصادية في المنطقة وفي ظل تحديات لا تنتهي اسئلة كثيرة عن مصر والمستقبل نستمع الى وجهة نزر المهندس رشيد محمد رشيد وزير التجارة والصناعة اهلا بيك يافندم.. واسمح لي في البداية ان ابدا من مدخل خطة وضعت مر عليها 5 سنوات ماذا فعلتم لما وصلنا ؟
م/رشيد محمد رشيد* وزير الصناعة: اولا خليني اؤكد ان برنامج السيد الرئيس في برنامجه الانتخابي هي طبعا خطة تبنتها الحكومة منذ اليوم الاول وهناك حديث عن هذه الخطة مش في قطاع واحد ولكن في القطاعات كلها لان الخطة السيد الرئيس كانت واضحة منذ البداية انها خطة شاملة ولها اهداف ولها رؤية واضحة فهذه الرؤية الواضحة في النهاية في قلبها المواطن المصري ازاي ان احنا نرفع مستوى المعيشة ازاي ان احنا نوجد فرص عمل ازاي ان احنا نزود الخدمات ازاي ان احنا نخفف من المعاناة اللي موجودة وبالتالي هناك خطة وزعت على كل القطاعات وهذه الخطة ناس كتير رغم انه دائما بيعلن عنه ودائما بيتحدث عنه سواء كانوا المسئولين او الحزب الناس بتسال هل فيه فعلا متابعة .. اولا فيما يخص وزارة التجارة والصناعة احنا عندنا خطة واضحة ومعالمها واضحة وارقامها واضحة وبنقارن نفسنا بهذه الخطة شهر بشهر وسنة بسنة من ضمنها طبعا خطة الالف مصنع اللي اعلنها السيد الرئيس في برنامجه الانتخابي والحمد لله وزارة التجارة والصناعة كان دورها انها تشجع التجارة والصناعة واحنا تعدينا هذه الخطة في خلال السنة الخامسة احنا عندنا اكتر من 1200 مصنع تم انجازهم ، احنا عندنا برنامج وعندنا وثيقة هذا البرنامج بيحدد بالظبط لكل قطاع يعني احنا عندنا هنا مثلا في القطاع الاقتصادي وفي قطاع التجارة والصناعة عندنا برنامج للتشغيل بيحدد عدد الوظائف للي المفروض ان هذا البرنامج يحققها عندنا برنامج لسوق الاعمال عندنا برنامج لالف مصنع عندنا برنامج للتصدير عندنا برنامج للصناعة هذه البرامج بتراجع من الحكومة وبيبقى فيه كشف حساب مقدم كل سنة من الحزب لان فيه المؤتمر السنوي بيطلع تقرير واضح بيقول ماتم في كل قطاع
عبد اللطيف المناوي:احنا النهاردة في مجتمع لابد ان نعترف انه مازالت القياس والاحصائيات والمعايير وكذا اظنها بحاجة الى مراجعة هل نحن نستطيع الادعاء بان لدينا من القياسات والمعاير ما يمكننا من التاكيد ان احنا حققنا بالفعل ؟
م/رشيد محمد رشيد طبعا لان الموضوع في البداية رؤية السيد الرئيس لتوجه الدولة والانشطة الخاصة بهذه الدولة في الفترة الجاية لتحقيق اهداف معينة هذه الاهداف اتحدت وترجمت الى معايير كمية ومعايير كيفية يعني بنيجي نقول كام مصنع بنقول رقم تصدير قد ايه بنقول كذا شركة بنقول كذا وظيفة بالاعداد وعلة الوزارات كانت في وقتها بتقدم خطة انها توزع هذه الارقام على 6 سنوات ونفس الشئ بالنسبة للخدمات هناك خطة للصحة هناك خطة لمدارس لاعداد لمدارس هناك خطة للمرافق وكذا فهذه المعايير موجودة والحساب الموجود النهاردة بين الجهة التنفيذية وبين السيد الرئيس لكن الحزب برضه له دور اساسي في هذا الموضوع وبيساعد في وضع السياسات والتشريعات ، لما بنيجي تكلم النهاردة على تطوير في المناطق الصناعية دا موجود برضه في برنامج السيد الرئيس بيحتاج الى تشريع او قد يحتاج الى قرارات من مجلس الوزرا فطبعا هناك معاير وهناك توقيتات وهناك في نفس الوقت محاسبة على هذه الامور
عبد اللطيف المناوي: ايه مدى ارتياحك انت الشخصي كمسئول اول عن ملف التجارة وملف الصناعة في مصر عما تم تحقيقه وانجازه في الملفين المهمين اللي انت مسئول عنهم؟
م/رشيد محمد رشيد احنا بنقول ارقام احنا النهاردة في الفترة اللي فاتت كان عندنا خطة لتنمية الصناعة في مصر المؤشر بتاعها انشاء الف مصنع بمواصفات معينة لان الاف مصنع اللي اتحدوا في البرنامج الرياسي مكانوش كل المصانع دا كان مصنع لازم يكون راسماله اكتر من 15 مليون ، عدد المصانع التي انشئت اكتر من كده ولكن مش كلهعها بتوافق هذه المعايير ولكن دي كانت من الخطط الاساسية ومكانش الهدف منها الالف مصنع الهدف منها كان انك انت بتخلق مناخ بيشجع الاستثمارات ومثال على ذلك احنا النهاردة كان حجم الاستثمارات في 2004 كان تقريبا 5 مليار جنيه سنويا احنا وصلنا قبل الازمة في سنة 2008 الى 43 مليار جنيه في السنة ، النهاردة انخفضنا بعد الازمة وصلنا تقريبا ل30 مليار ولكن سنويا بيتحط في الصناعة 30 مليار جنيه فانت خلقت ...
عبد اللطيف المناوي: دي استثمارات فعلية مش رؤوس اموال .
م/رشيد محمد رشيد دي نقود اتصرفت على مباني اتصرفت على مكن دي مباني استثمرت في الصناعة كاستثمار ، تيجي على الجانب الاخر موضوع التصدر واهميته احنا ....
عبد اللطيف المناوي: احنا بنتكلم عن 1200 مصنع تم انشاؤهم وفقا لمعايير معينة وبالتالي دول يمكن وضعهم في اطار ما تم تحديدا في خطة الرئيس طب هل هذه المصانع اغلق امامها عدد من المصانع ؟
م/رشيد محمد رشيد اكيد فيه مصانع قفلت انا لا استطيع ان ادعي ان كل مصنع بينشئ في ارض مصر بيكون ناجح ودي طبيعة اقتصاد السوق ان الناجح بيتوسع ويكبر ولكن مقابل كده قد يكون هناك بعض مصانع لاسباب معينة او سوء ادارة لاسباب اقتصادية معينة لكن النهاردة اذا انت عايز تقيم أي دولة في العالم صناعيا بتقيمها بنسبة النمو الصناعي هودا الرقم يعني انا لما اجي اقعد مع وزراء صناعة واحلل أي دولة صناعيا الرقم اللي انا ببص له على طول نسبة نمو الصناعة قد ايه طالما هذه النسبة ايجابية فانت بتكبر احنا كنا 2 الى 3% ارتفعت الى 8 % قبل الازمة وبالتالي اصبحت الصناعة بجدارة اكتر قطاع بينمو في البلد ولكن هذه النسبة حتى مع الازمة لو جيت بصيت لنتائج الازمة هتلاقي فيه انكماش في الانتاج الصناعي20% احنافي مصر استمرينا على نسب نمو في حدود 4% او 5% وبالتالي اجمالي صناعتك بيزيد بنسب ايجابية 4 او 5% دا اللي بيخلي النهاردة حجم الصناعة من سنة 2004 الى 2009 اكثر من تضاعف في البلد ، اكيد فيه مصانع اغلقت ولكن اعداد محدودة ولا تقارن بالزيادة ولكن المحصلة في النهاية هي محصلة ايجابية ولكن عنصر من عناصر البرنامج الرياسي وعنصر من عناصر قوة اقتصادك ككل مش بس التصدير لان التصدير هو الامل يعني الرئيس قالها من التمانينات وهي كلمة حق في دماغنا يجب ان نقولها باستمرار الى مستوى من الدول الصناعية المختلفة ارتفاع مستوى المعيشة في مصر وبالتالي احنا لما نيجي نشوف اداء التصدير والبرنامج حدد قد ايه احنا ارتفعنا بصادرتنا ضاعفناها في هذه الفترة من 2004 الى سنة 2009 وهنا بتكلم على الصادرات الغير بترولية، ارتفعت تقريبا بنسبة 100% واتذكر ان السيد الرئيس لان كمان بيتابع الموضوع ماهواش موضوع برنامج انتخابي و6 سنين ، السيد الرئيس سافر بني سويف قبل تقريبا شهرين اعلن عن خطة قومية جديدة لمضاعفة الصادارات ال4 سنوات اللي جاية دا في حد ذاته هيخلينا مش بس قطاع الصناعة لا دا كل القطاعات الانتاجية في البلد النهاردة بتخش في خطة جديدة وفي هدف جديد النهاردة احنا وصلنا الى 95 مليار عايزين نرفعهم الى 200 مليار صادرات سنوية دا معناه ان لازم تفتح مصانع جديدة والتصدير ماهواش فقط صنعة التصدير اشياء كثيرة معناه ان قاعدة الانتاج بتاعتك لازم تكبر معناه ان الاستثمارات لازم تخش المضاعفة دي في حد ذاتها بتخلق مليون وظيفة جديدة لو حسبت هذه الزيادة في الصادرات دي لوحدها بتدينا من 3 الى 4% نسبة نمو لان انت النهاردة لما بتنمو من اقتصاد بتنمو من ايه ..؟ صادرات واستثمارات ، استثماراتك بتزيد فانت بتنمو صادراتك بيزيد فبتنمو استهلاك بيزيد فالصادرات لو حققت هذه النسبة هنقدر نضيف 3 او 4% اللي هتوصلنا ل7% او 8% فالل انا عايز اقوله ان البرنامج الرياسي برنامج له رؤية ماهياش العملية 4 او 5 سنوات ..
عبد اللطيف المناوي: بالنسبة للصاردات الى أي مدى احنا تاثرنا بالازمة الاقتصادية هل احنا عندنا مشكلة كبيرة في مسالة الصادرات ؟
م/رشيد محمد رشيد الازمة الاقتصادية عبارة عن انكماش الاستهلاك في العالم كله فانت اسواقك النهاردة اللي انت بتصدر لها اسواق اوربا وامريكا والمنطقة العربية والافريقية خلال هذه الازمة الاستهلاك كازادش فيها بل بالعكس الدول انكمشت في صادراتها احنا انخفضنا لحدود 5 او 6% من الصادرات ودا كان تاثير الزمة علينا ولكن الشئ الايجابي والجيد ان احنا في الربع الاول من هذه هذه السنة من يناير الى نهاية مارس زدنا 22% مقارنة بسنة 2009 اللي هي سنة الازمة النهاردة متفائلين ان احنا ماشين في الطريق الصح لان انا عشان احقق مضاعفة لصادرات في الايام اللي جاية يجب ان لا تقل نسبة النمو عن 20% سنويا فانا في الربع الاول من السنادي محققين 22%
عبد اللطيف المناوي: طيب زيادة ال22% دول في السنة رغم الازمة ولم يحدث لها ذلك الاستقبال الايجابي او الانتشار الايجابي في المجتمع هل دا يشكل شكل من اشكال الاحباط انه لم يتم استقبال هذه الزيادة بالشكل اللائق؟
م/رشيد محمد رشيد الحمد له ان احنا لم نتاثر بالازمة لان انا كوزير تجارة خارجية الازمة كانت شديدة جدا جدا جدا على بقية دول العالم مصانع قفلت ناس روحت بيوت فلسن يعني الكلام دا مش بالف ولا الفين .. النهاردة شركات عملاقة فلست في العالم شركات لم نكن نتصور انها ممكن تتهز قفلت شركة زي شركة جنرال موتورز شركات العربيات الكبيرة ، شركات النهاردة في اسيا اللي كانت مرتبطة باسواق في اوربا وامريكا لقينا انه في يوم واحد يقول انا همشي 40 الف واحد الكلام دا كان موجود في دول العالم كلها حتى الدول المحيطة بينا يعني يمكن احنا عندنا في المنطقة العربية الوضع مختلف عشان موضوع البترول وغيره ولكن الدول النهاردة اللي كانت بتعتمد على التصنيع وعلى الصناعة تاثرت تأثر كبير جدا ، احنا ماشفناش مصانع قفلت في مصر ولا شركات قفلت وبالاتاليلما العملية ردت شوية مكانش فيه رد الفعل الايجابي ولكن برضه احنا لسه مش قادرين نوصل للمواطن العادي الاداء الاقتصادي وتاثيره عليه العلاقة المباشرة هتكون ايه طبعا فيه ناس موجودة في اماكن معينة بتحس بيها لو انت النهاردة في مصر بتشتغل ورديتين وبتشتغل 3 ورادي حسيت بيها لو انت بتشتغل بنظام حوافز العائد بتاعك هيزيد، مصانع اللي بتتوسع انهادردة هتحس بيها ولكن دول بيمثلوا كام في المية من السكان
عبداللطيف المناوي:احنا بنتمم بالمليارات وبنتكلم عن نسبة نمو 7% و8% وبنتكلم عن 95 ملبار جنيه بنتكلم عن مجموعة من الارقام اللي تبدو ضخمة جدا هنا المواطن في الشارع بيسال طب انا شفت ايه من دا انا هيوصلني دا ازاي هل سانتظر مجموعة من السنوات عشان يجيني دوري او يجيلي الوقت اللي اخد فيه نصيبي من هذا النمو والتطور ؟
م/رشيد محمد رشيد: الاجابة هي اه هننتظر لبعض سنوات لان النهاردة العملية للاسف مفيش النهاردة معادلة نمو تقدر تحقق رخاء متوازن من اول وقت الحكومة ادركت الكلام دا والسيد الرئيس في برنامجه فيه جزء كبير جدا مرتبط بالناحية الاجتماعية والحكومة شغالة فيه لو بنتكلم عن الضمان الاجتماعي لو بنتكلم على التنمية في الاقاليم المختلفة لو بنتكلم في عملية التدريب علشان ترفع مستوى الشباب علشان يقدر يستفيد من هذه الطفرة يعني كل دي امور النهاردة دي اللي هتوصل ان عدد المستفيدين يزيد ويزيد اكتر ولكن الحقيقة النهاردة برنامج تنمية ولو بصينا في كل النماذج الموجودة في العالم أي نموذج النهاردة حصل فيه تنمية على مر ال20 او ال30 سنة بيبقى فيه نوع من التدرج سواء كان التدرج دا لقطاعات معينة او لفئات معينة دا بيحصل لان النهاردة ولكن يجب ان نردرك شئ تاني اولا ان برنامج السيد الرئيس والبرنامج اللي احنا ماشيين عليه بيتكلم على عمالة بيتكلم على توظيف 4.5 مليون فرصة عمل احنا تعدينا 3,5 مليون فرصة عمل في السنوات اللي فاتت الواقعه بيقولان البطالة مازادتش ولكنها انخفضت ، انت عندك كل سنة 700 الف شاب وشابة بيخشوا سوق العمل احنا النهاردة فيه جزء مهم جدا اننا نقدر نخلق فرص سنة ورا سنة الشئ التاني انك انت النهاردة كدولة عندك در كبير جدا من الاستثمارات استثمارات .. السنة دي الاستثمارات عبارة عن 200 مليار الفلوس دي بتروح في الصرف الصحي بتروح في الطرق في الكهربا بتروح في المرافق بتروح في المدارس بتروح في المستشفيات الجديدة والنهاردة المتطلبات بقت اكتر من زمان كل بيت في مصر النهاردة من حقه انه يكون عنده كهربا ومية وصرف صحي وكل مواطن يجب انه يكون عنده مدرسة لاولاده وعيادة موجودة جنبه فاصبحت النهاردة كل هذه المتطلبات الاستثمارات مطلوبة .. انا مدرك ان الناس مضغوطة والناس عايزة ان مرتباتها تزيد والناس عايزة تحس بتحسن في معيشتها والناس بتقول فيه اسعار بتزيد طب انا دخلي هيكون شكلي أيه ولكن ليس امامنا طريق الا الانتهاء مفيش طريق تاني ....احنا دلوقت لها وضع معين من الدخل عشان اصل لرغبة المواطن الكلام دا بينقلك من دولة دخلها 100 الى دولة دخلها 500 عشان تقدر تحقق الكلام دا كلخه طب ازاي تطلع كل هذه المرحلة الا بالانتهاء منها ..وبالتالي طول فتنرة صعودك من ال100 الى ال500 فيه ناس بتقول انا لسه مش حاسة انا ماوصلتش للي انا عايزة......
عبد اللطيف المناوي:فين الخلل هنا هل الخلل ان احنا او ان الدولة او ان الحكومة لم تحدد من البداية اين نحن واحنا رايحين على فين ودا هياخد مننا وقت قد ايه وتركت الامور دون تحديد ام ان الحكومة لم تستطع ان تسوق لما تفعله ام ان ما حدث بالفعل اقل مما ينبغي ان يتم فين الخلل .. ليه حالة عدم الؤضا اللي موجودة في الشارع على ارغم مما تم انجازه بالفعل ؟
م/رشيد محمد رشيد أي انجاز بيتحقق مش كفاية انا النهاردة في دولة لها ظروفها المعينة لها النهاردة تطلعاتها لها زيادة سكان سنوية بتعتبر بالنسبة لعدد السكان زيادة ضخمة فانت النهاردة محتاج انك تغطي حاجات كتير في سباق مع الوقت من اناحية الانتاجية يعني انت عايز توفي طلبات يعني انت عشان تبقى على مستواك الحالي محتاج مجهود فما بالك انك عاوز تضاعف الكلام دا اربع وخمس وست مرات من ناحية مستوى المعيشة لو انت هتروح في أي دولة في العالم مش بالضرورة هتلاقي رضا عن كل الاوضاع اللي موجودة يمكن محتاجة شرح زيادة يمكن محتاجة نعرف واقعنا اكتر يعني فغيه محفظات في مصر وضعها من ناحية العمالة ومن ناحية الدخل احسن من محافظات تانية دا واقع ..انت اللي بتحاول تعمله كدولة انك بتحاول تسوف الفرص فرصة هذا الفرد تبقى زي فرصة الطالب اللي بيتعلم في مدرسة في اقل قرية موجودة في مصر زي الطالب اللي بيتعلم في القاهرة وفرصته متساوية مع بعض هو دا اللي احنا لازم نصل اليه في اطار هذا البرنامج
عبد اللطيف المناوي:هل يمكن القول ان من نقطة القياس اللي ناها من 5 سنوات مصر حققت درجة مرضية من النمو والانطلاق والتقدم وتحقيق التنمية ؟
م/رشيد محمد رشيد احنا الناتج القومي بتاعنا في ال4 سنوات تضاعف يعني انا النهاردة الناتج القومي معناه ما هو موجود في هذه الدولة من انتاج في مصر فالناتج القومي بتاعي في فترة ال4 سنوات تضاعف , كل ماهذه الزيادة بتتم بسرعة كل ما هتحس اكتر بالتطور اللي موجود من هنا بتيجي نسبة النمو انا النهاردة كواحد مسئول عن قطاع معين الناتج القومي المصري بتاعي تضاعف في هذه الفترة النهاردة هذه المضاعفة هي اللي بتقول دخل الفرد قد ايه وفيه نقطة تانية اللي هي عدالة التوزيع لان ممكن هذا الدخل يزيد ولكن بروح لفئة واحدة والفئة التانية كلها ماتاخدش منه أي حاجة .. من اكتر السياسات اللي بتتعبنا النهاردة هي قياسات الدعم ان انت النهاردة العدم عنصر اساسي في الاقتصاد المصري بصورة واضحة ودائما احنا بنتحدث ان الدعكم مش بالضرورة المستحقين بياخدوه ودي مش عدالة توزيع يعني النهاردة الغني بيستفيد من الدعم اكتر ما بيستفيد منه الفقير ولكن الدعم في مضمونه او في هدفه نوع من العدالة الاجتماعية يبقى اللي دخلهه في الشهر 100 بياخد من الدولة دعم 40 او 50 فبيبقى دخله مختلف فانت النهاردة بتحسن دخل الشخص المحدود ككمان انت بتروح لفئات معدومة وعندك النهاردة برامج للضمان الاجتماعي .. الحاجة اللي هتعمل فرق مع المواطن المصري هو قفدرتنا على الانتاج
عبد اللطيف المناوي:بالنسبة للحد الادنى من الاجور هل تعتقد ان ما نحن فيه مقبول مقارنة بأمرين الاحتياج الحقيقي وما كنا عليه من قبل من خمس سنوات ؟
م/رشيد محمد رشيد :برضه هنرجع لنفس النقطة اللي هي نقطة التوقعات ايه انا النهاردة كدولة كحكومة يتمنوا ان دخل المصري يكون 10 الاف جنيه في الشهر المعادلة الصعبة النهاردة انت امكانياتك ايه عشان تحقق هذا لان انت امكانياتك ايه ، في النهاية الفلوس دي بتاعة حد بتاعة المواطن سواء او لاشخاص شغالين في القطاع الخاص لو انت النهاردة جيت قلت انا عاوز ازود بنسب معينة وهذه النسب نسب غير اقتصادية هيبقى فيه خلل النهاردة مثلا في موازنة الدولة احنا عندنا بند الاجور وصل تقريبا 90 مليار جنيه دا بيمثل تقريبا 30% من موارد الدولة فانت النهاردة قلتما نضاعف مرتبات الموظفين في الحكومة من وجهة نظر عدالة اجتماعية قد تكون صحيحة انك تقول ليه النهاردة ما نضاعفش
عبد اللطيف المناوي: سؤال حتى لو بدا بسيط وساذج يتسأل طب احنا بنودي فلوسنا فين احنا عندنا قناة السويس عندنا بترول بيدخل مليارات عندنا صادرات عندنا ضرايب الفلوس دي كلها بنوديها فين ؟
م/رشيد محمد رشيد انا عاوز اوضح نقطة في البداية ان الاستثمارات ,والصادرات وغيرها ليست موارد دولة ،هي موارد للمجتمع وبالتالي ما بتخشش في موازنة الدولة يعني النهاردة مصنع استثمر 20 مليون جنيه انا كدولة خدت منه ايه انا مخدتش منه حاجة لكن مين اللي استفاد منه المواطن ..ليه..؟ لان هذا المصنع بيبتدي يحط اول طوبة في الارض المواطن بيستفيد بيجيب بنّا يشتغل بيجيب شركة مقاولات بيجيب عمال بيبتدي ان هو يجيب مواد بنا بيشغل مصانع في حتى تانية بعد كده بيجيب خامات بيجيب عمال وهكذا انا صلتي بيه كدولة ان هو لما يحقق ربح موارد باخد منه 20% من اربح ولكن حتى اليوم اللي حقق فيه الربح انا مخدتش منه حاجة وهو بيشغل حواليه 5 الاف واحد او 10 الاف واحد وهذه الوظائف بتخلق اموال وبتخلق استهلاك بيشجع على الحركة وبيشجع التجارة وبيشجع الصناعة نفس الشئ مع التصدير واحد النهاردة شركة بتصدر انا ما باخدش منه حاجة الا لو ان هو ربح لكن هو عنده عملة صعبة بيجيب احتياجات بيبيع العملة الصعبة دي في السوق وغيره هنا بقى لما نيجي طب ايه موارد الدولة انا عندي ارقام لسنة 2009/2010 ايبرادات الدولة 224 مليار جنيه كلها دي ايرادات الدولة كلها قتاة السويس البترول الضرايب وبعض الاستثمارات الموجودة في الدولة مرتباتنا تقريبا 90 مليار ، الدعم 73 مليار ، المرتبات والاجور بتمثل 72% من الايرادات انت بقى لسه ماصرفتش استثمارات ولا خدمات مدارس وصحة ومرافق مجرد دفعت مرتبات الناس وحطيت الدعم صرفت 72% من ايراداتك مطالب بعد كده باستثمارات مطالب بعد كده بفلوس للصحة ، مطالب بفلوس للتعليم مطالب بفلوس لتشغيل المرافق اللي موجودة عندك عشان كده النهاردة احنا بنستلف احنا اجمالي نفقاتنا 323 فاحنا بنستلف الفرق
عبد اللطيف المناوي: بنستلفه من مين....؟
م/رشيد محمد رشيد الدين المحلي .. عشان كده لما نيجي نتكلم عن المرتبات والاجور طيب ضاعفهم هتضاعفهم منين طبعا عجز الموازنة والكلام دا طبعا وزير المالية بيدينا دروس فيه كل يوم الصبح لانه عجز الموازنة لو احنا صرفنا اكتر مما احنا نستطيع ناخد فلوس ونستلف هنبتدي نطبع فلوس وفي النهاية هيبقى فيه تضخم فانت بتصرف شئ لا تملكه عجز الموازنة دا له سلوك معين وله التزامات معينة وله حدود معينة ما نقدرش ان احنا نتعداها ودا من ضمن الانجاوات للي تمت وكانت موجودة في البرنامج الرياسي ان احنا يجب انه يكزن عندنا اقتصاد وميزانية لها قوة عشان ما نتعرضش لهزات زي اللي مرينا بيها احنا بنتكلم على فترة الخمس سنوات اللي فاتوا احنا مرينا باكبر ازمتين عالميتين في ال20 سنة اللي فاتوا مرة ازمة التضخم الرهيبة اللي خلت كل اسعار العالم تتضاعف 4 او 5 مرات وتحملناها وزودنا الدعم وزودنا المرتبات وعملنا كل ما نستطيع وازمة تانية وهي الازمة الاقتصادية دول تانية زي ما احنا شايفين اليونان ، اسبانيا البرتغال دول زي ايطاليا ايرلندا برضه ارجع للسنوات اللي فاتت شوف بنود الصرف كان شكله ايه ولكن بنرجع تاني للمواطن نقول المواطن مضغوط يجب ان احنا نشوف حل لهذا الموضوع ن الحل ان احنا نزود النهاردة استثماراتنا الحل ان احسن وضع التجارة الداخلية عشان الاسعار تبقى احسن ، احسن وضع التصدير
عبد اللطيف المناوي:هل ما تطرحه الان من ارقام هل دا ما بتجدوش يتناقض بشكل او باخر مع ما نسب لك في وقت من الاوقات ان احنا لا نريد معونة من امريكا هل احنا مش محتاجين شكل من اشكال المعونة الخارجية ؟
م/رشيد محمد رشيد شوف لن يرفع مستوى مصر الا المصريين وليس هناك مسار او طريقة ان احنا نحسن من دخلنا ونحسن من مستوانا الا عن طريق الانتاج ..على مر السنوات الماضية كان هناك معونات كثيرة من امريكا ومن غير امريكا واحنا وماننساش ان احنا كنا طالعين من اقتصاد حرب سنوات طويلة وكنا محتاجين نعمل بنية تحتة وكل دول العالم كده بعد حرولب طويلة بتتعرض لمثل هذه الازمات النهاردة بص لدولة زي المانيا زي اليابان محد بقدر يتحمل اقتصاد حرب فترة طويلة وبالتالي انت النهاردة كنت محتاج اه يبقى عندك قدر من المساعدة الدولية من دول كثيرة ادتك مساعدات ولكن النهاردة احنا محتاجي تجارة ومحتاجين استثمار لان دي اللي لها الاستمرارية النهاردة معونة معناها ايه معناها ان واحد يجي يقولك هساعدك في شئ معين السنادي هتاخده السنة الجاية دا بعد مفاوضات هو صاحب قراره ومن حقه ان هو يقول الكلام دا ولكن انا النهاردة اللي هيخليني يبقى عندي قاعدة ثابتة وعندي مستقبل مضمون وبالتالي امريكا دولة اقتصاد نمرة واحد في العالم 14 تريليون ومقدؤرش ن انا النهاردة تصور اني هنجح في منظومة التصدير من غير ما اصدر للسوق الامريكي عشانم كده بفقول شاركونا ادونا النهاردة مشاركات ادونا استثمارات ادونا تصدير بينا وبينهم لان دا اللي هياثر معايا في الصناعة دا لو اثر معايا هيبقى له استمرارية
عبداللطيف المناوي:هل هناك نفسير يمكن تقديمه لفكرة العلاقات مع دول بعيدة عنا جدا زي البرازيل على الجانب الاخرمن الكرة الارضية ليه احنا مهتمين بمثل هذه الاماكن البعيدة ؟
م/رشيد محمد رشيد من اسبوع كان معانا وزير التجارة البرازيلي هنا في مصر وتم اعلان انه خلال الفترة الجاية في يونيو سيتم توقيع اتفاقية تجارة حرة بين مصر والبرازيل والارجنتن والبرجواي وارجواي ليه احنا عايزين اتفاقية تجارة حرة لان انا النهاردة انا عايز اضاعف صادراتي جزء من نجاحنا في صادراتنا الفترة اللي فاتت ان احنا استعملنا الثقل السياسي لمصر ان احنا حصلناعلى اتفاقيات مهمة ادت مزايا للمنتجين بتوعنا انا النهاردة بصدر لاوربا السوق الاول بتاعي عندي اتفاقية تجارة حرة بيني وبين اوروبا .. الدول العربية السوق التاني بالنسبة لي الدول العربية النهاردة نتيجة انه فيه اتفاقية تجارة الاتفاقية معناها ان المنتجين بتوعي عندهم مزايا ما بيدفعوش جمارك او بيدفعوا جمارك اقل، امريكا عندي اتنفاقية المنطق الصناعية المؤهلة النهاردة اسواق تجارية مهمة طالعة روسيا الصين الهند البرازيل ادي الاربع اسواق اللي كل العالم بيتحدث عنهم واللي هتبقى واخدة المقدمة في الاسواق اللي جاية وبالاتالي النهاردة عندي اتفاقية مع روسيا اتفاقية تجارة حجرة يمكن اتعطلت شوية روسيا عندنا مفاوضات مع الصين عندنا مفاوضات مع الهند ، البرازيل مخططين انهم يبقوا الاقتصاد نمرة 5 في العالم فانا يهنمني اني اكون في الصورة ويهمني ان المصدرين يخشوا الاسواق
عبد اللطيف المناوي: هل استفدنا من اتفاقيات اتجارة الكثيرة المتعددة اللي موجودة ؟
م/رشيد محمد رشيد طبعا والا مكناش ضاعفنا ارقامنا عنصر اساسي في النجاح اللي تم كان الاتفاقية هتلاقي 90% من المصدرين شغالين بهذه الاتفاقيات وبالتالي النهاردة هذه الاتفاقيات اصبحت ميزة لان عغيرك بيعمل كده النهاردة انت في عملية منافسة انت في سبق اللي جنبك بيعمل اتفاقية تجارة انت ما بتعملش فاصبحت انت بتروح تبيع له هذه السلعة انت بتدفع جمرك وهو ما بيدفعش فاصبحت في وضع صعب فانت محتاج انك انت تتحرك معاهم وتمشي معاهم ومصر استطيع اني اقول ان عندها مجموعة من الاتفاقيات التجارية يحسدها علها أي دولة عندنا شبكة بتس اهم اسواق موجودة في العالم اوروبا امريكا المنطقة العربية ، عندنا خطة دلوقت عندنا البرازيل والارجنتين عندنا خطة مهمة في افريقيا ان عاوزين يبقى عندنا نطقة حخرة ين الكوميسا وبين ساديك اللي هي منطقة جنوب افريقيا وفيه مفاوضات شغالة بيني وبينهم بقالنا تقريبا سنة دلوقت وعندنا التوجه الى اسيا في الفترة الجاية والى روسيا
م/رشيد محمد رشيد دا يتطلب انه يكون فيه قاعدة صناعية وقاعدة انتاج انت النهاردة كوزير تجارة لما بتتعمل اتفاقيات وصناعتك مش جاهزة فبتترفض حتى الاتفاقيات ماهو الاتفاقية برضه طريق مزدوج تقوله وانا كمان هفتح لك سوق هنا يجب انك تمشي في كل المحاور بتزود النهاردة المصانع اللي عندك بتعمل اتفاقيات على الجانب الاخر
عبد اللطيف المناوي: فيما يتعلق بالبرازيل التي تخطط ان تكون اقتصاد رقم 5 في العالم السؤال هو هل احنا عندنا نفس طريقة التفكير هل احنا عندنا رؤية واضحة اين نريد ان نكون من اقتصاديات العالم ؟
م/رشيد محمد رشيد خليني اقولك حاجة بالمناسبة لانك انت اثرت موضوع احد الادنى للاجور وزير التجارة البرازيلي كان عندنا هذا الاسبوع وتحدث عن الاقتصاد في البرازيل وطبعا البرازيل مرت بطفرة غير طبيعية في السنوات اللي فاتت ساعدها فيها اسعار الحاصلات الزراعية هي بلد زراعية ضخمة جدا ولكن كان بيقول احنا النهاردة في ال8 سنوات اللي فاتت عملنا ايه هما عندهم خطة مماثلة لنا عندهم الرئيس كان بيتحدث عن الانجاز اللي عملوه قال الاتي قال اولا ضاعفنا خلال 3 مرات الاجر الاساسي الحد الادنى للاجور ايه هي الحد الادنى كان في سنة 2002 الحد الادنى 100 دولار في الشهر ، دلوقت وصلنا ل300 دولار في الشهر وبيتكلم منم ان هذه الزيادة جت من معادلة بسيطة ان احنا ضاعفنا الدخل القومي بتاعنا 3 اضعاف في هذه الفترة فلما ضاعف الدخل القومي بتاعه نتيجة ارتفاع الاسعار والصادرات ونجاح السياسة الاقتصادية والكلام دا كله قدر انه يرفع الحد الادنى للاجور ..هما تنجحوا في برامج اجتماعية عندهم هما عندهم برامج ضمان اجتماعي عندهم دعم لبعض الحاجات عندهم طبقة كبيرة من السكان تعتبر محدودة الدخل بيتعاملوا معاها ..النهاردة تروح الصين 30 سنة من الانجاز الرهيب في النمو على مدى الفترات اللي فاتت مازال النهاردة نص الصين اللي هي المنطقة الغربية في الصين تعتبر دخل الفرد اللي موجود فيها اقل من 500 او 600 دولار في السنة وبالتالي الخطط دي والرؤية البعيدة دي بتدي برضه وضوح للرؤية يعني انت ذكرت كوريا الجنوبية قصة نجاح رهيبة في الاقتصاد العالمي برضه في ال40 او ال50 سنة اللي فاتوا كوريا في الستينات لما بدات عملية الاصلاح كان متوسط دخل الفرد في السنة 100 دولار ، اعلنوا عن خطة لرفع معدات التصدير وقالوا لهم لما هنوصل للمليار دا مستوى الدخل هيرتفع فحققوها في 3 سنين وبعدين قالوا احنا عندنا خطة في ال5 سنوات اللي جاية نطلع من مليار الى 5 مليار لما هنوصل الى 5 ملياروبعد عشر سنوات حطوا عشر مليار وهكذا يعين انا اللي بقوله ان فيه نوع من التدرج يجب ان هو بيتم .. احنا الوضع الموجود عندنا احسن من هذه الاوضاع ولمن العملية عندنا عملية استمرارية .. العملية كانت واضحة انها مرتبطة بالانتاج مرتبطة بقدرتنا على التصدير ، التصدير هو اروع مظاهر الانتاج لان مفيش حد هيشتري منك حاجة لو مكانس بالجودة والاسعار المناسبة فانت لو تفوقت في منظومة التصدير تفوقت جوه بلدك خلاص اصبحت فعلا قدرت تشيل الاقتصاد كله
عبد اللطيف المناوي: طب احنا مخططين لايه احنا رايحين فين احنا عاوزين نعمل ايه ؟
م/رشيد محمد رشيد احنا اهم معيار موجود عندنا احنا عندنا اهداف يعني الخطوة الاولى اللي يجب ان نسب النمو لا تقل عن 6% يجب ان انا اتعدى ال6% نسب نمو لو انا حافظت على هذه نسب النمو يبقى انا النهاردة في اطار السنوات القادمة هقدر ، احنا ترتيبنا من ناحية الدخل القومي المصري على مستوى العالم احنا ترتيبنا ال50 ، انت النهاردة لو عاوز تحسن وضعك من ال50 الى ال40 الى ال30 يبقى يجب انك تكون بتنمو بصورة اسرع من النمو الموجود جنبك
عبد اللطيف المناوي: احنا تقريبا داخلين على العام الاخير من خطة الرئيس واحنا في مرحلة استعداد لانتخابات مقبلة انتخابات شورى وانتخابات برلمان ثم انتخابات رئاسية وهناك حالة من حالات الجدل السياسي العام في المجتمع السؤال هو في ظل هذه الحالة من الجدل ماذا علينا ان نفعل ؟
م/رشيد محمد رشيد اولا المفروض نشتغل اكتر ..اكيد.. لان احنا في حاجة شديدة ان ننتج اكتر انا شرحت لك رؤيتي لقطاع الصناعة والتجارة احنا محتاجين شغل اكتر ولا يمكن ان احنا نتصور اه لو كان فيه انتخابات برلمانية او رئاسية دا يدينا سبب ان احنا توقف دا بالظبط زي ما انت شغال في البيت كده وعبد اللطيف المناوي رجعت قلت لهم بصوا ياجماعة فيه تغييرات في ادارة التليفزيون فانا لمدة 6اشهر مش هروح الشغل ما ينفعش فانت النهاردة هتشتغل كل يوم الصبح ايا كان الوضع الموجحود سياسيا لان انت النهاردة ملتزم اولا بخطة موجودة ملتزم قدام مجتمعك وبالتالي هذا الالتزام بيطلع علينا كلنا ..اولا دا التزام منطقي والتزام اساسي ولكن احنا عندنا خطة موجودة هذه الخطة النهاردة يجب انها تنتهي ويجب ان تحقق اهدافها ..السيد الرئيس جه اعلن ان احنا وصلنا لمرحلة معينة وحدد للاربع سنين الي جاية احنا عندنا دلوقت خطة للتصدير وهي خطة مش سهلة ومحتاجة مجهود كبير من كل القطاعات الليب موجودة في هذا الاطار خطة واضحة في عملية الصناعة في الايام اللي جاية احنا اتكلمنا على خطة والسيد الرئيس كلفنا بيها ازاي نعمق الصناعة المصرية ، عندنا خطة في تطوير التجارة الداخلية وتم الاعلان عهنها وتكليف كان واضح بيها في اكتر من مناسبة ان احنا النهاردة عايزين نخلق اسواق في محافظات مصر كلعها بنتكلم على عملية انه ازاي ان احنا نشجع الاستهلاك ونشجع المنافسة داخل مصر فهناك تصور لمرحلة ما بعد البرنامج الرياسي لان البرنامج الرياسي مش خط وهيقف دا بالعكس انت بتبني عليها والكلام دا بينطبق في وزارات اخرى .
عبد اللطيف المناوي:انت في خلال الحوار تحدثت عن قصص نجاح مختلفة لدول مختلفة السؤال هو هل بتعتقد ان احنا بنمتلك المقومات التي تؤهلنا لكي نحقق بالفعل قصة نجاح مصرية اقتصادية في خلال المرحلة المقبلة حتى تصل مصر الى القيمة الاقتصادية الموازية لقيمتها السياسية وقيمتها التاريخية الموجودة ؟
م/رشيد محمد رشيد:اكيد 100% شوف احنا عندنا كل حاجة انت النهاردة لو بصيت للعناصر اللي تخليك دولة متقدمة وتستطيع ان ترفع من مستواك الاقتصادي اولا عندك الاستقرار ودا شئ اساسي مطلوب نمرة واحد مفيش تقدم ومفيش تنمية من غير استقرار عندك بعد كده النهاردة رؤوس الاموال موجودة احنا عندنا مدخرات في البنوك احنا كنا في اجتماع مع محافظ البنك المركزي علشان نتحدث عن خطة تمويل زيادة صادرات الصناعة ، احنا الهاردة استعمالنا للودائع اللي موجودة في البنوك50 او60% عندنا النهاردة السمعة الطيبة اللي موجودة في الخارج ، عندنا العامل البشري محتاجين نحسنه محتاجين تعليم ، عندك السوق الداخلي،عندك النهاردة شعب مبتكر وشعب مميز النهاردة لما بتنزل وتشوف الناس اللي بتبتدي صغيرة وبتكبر بتشوف قدرة الانسان المصري ، عندنا الموقفع عندنا الوضع السياسي اللي موجود عندنا كل العوامل صح احنا عايزين بس نركز يفي موضوع الانتاج وموضوع العمل هو دا المطلوب ان احنا نؤمن ان الطريق مفيش مفر من ان احنا نزود انتاجنا ونزود قدرتنا الانتاجية والتنافسية في الفترة الجاية واحنا عندنا نماذج كتيرة النهاردة استطاعت ان تخترق العالمية ..
عبد اللطيف المناوي: واهم عناصر القوة كما ذكرتها مهندس رشيد هي عنصرالشخصية المصرية ..مهندس رشيد في هذه الاجواء كنا في حاجة بالفعل ان نتحدث بقدر من الامل اللي له قاعدة بالفعل وليس شكل من اشكال التخدير بالفعل مصر تمتلك من المقومات والعناصر وقد يكون اهمها على الاطلاق العنصر البشري كما ذكرت، المهندس رشيد وزير التجارة والصناعة شكرا جزيلا على هذا اللقاء السيدات والسادة شكرا لكم والى اللقاء في مرات قادمة باذن الله