حديث المدينة

مفيد فوزى : بسم الله الواحد الذى نعبده جميعا الدنيا سؤال ولهذا اطرح مقدمتى على شكل اسئلة هل جهازالامن المصرى من اعرق اجهزة الامن فى العالم نعم هذه حقيقة هل بعض اجهزة الامن العربية والافريقية تعلموا الامن على يد خبراء مصريين نعم ولازالوا هل نختلف فى الرأى حول قضايا التعليم والاسكان والزراعة نعم هذا وارد هل نختلف فى الرأى فى مصر حول امن مصر لا بالقطع هل بلغ جهاز امن مصر الرشد نعم بلا جدال هل بلغ الكمال لا بالتأكيد هل له اجيابيات محسوسة نعم وحاقد من ينكرها هل له سلبيات تستحق المواجهة نعم من باب التقييم وزير داخليه مصر حبيب العادلى امام عدسات حديث المدينة فى مقر وزارة الداخلية لنضع النقط فوق الحروف ومعكم مفيد فوزى السيد حبيب العادلى 25 يناير سنه 51 لجيل لم يعش تلك الايام كيف تقومة وتقييمة قوميا وامنيا وسياسيا
حبيب العادلى : بسم الله الرحمن الرحيم كل سنة وانتم طيبين 25 ينايربنحتفل به فى ذكرى شهداء رجال الشرطة اللى استشهدوا فى معركة الاسماعيليه هو حدث تاريخى لان بنعيد فيه ذكرى هؤلاء الشهداء وهؤلاء الشهداء قبل ما يكونوا ضباط شرطة هما مصريين مواطنيين
مفيد فوزى : ابناء الشعب ؟
حبيب العادلى : ولما استشهدوا استشهدوا وهم يعلموا مدى حجمهم امام حجم قوات العدوان وخلال وارتضوا الشهادة تحت علم الوطن وعلم الشرطة
مفيد فوزى : كيف استشعرت ان اصبح 25 يناير عيدا لكل المصريين دى لاول مرة افتكر ؟
حبيب العادلى :اول مرة طبعا
مفيد فوزى : نعم
حبيب العادلى :ويعنى زى ما بنقول اولا الاحتفال بالذكرىدى لان التاريخ هو ذاكرة الامه ويجب ان احنا نحافظ على صفحاتة لان دى قدوة للاجيال القادمة ولا انكر ان جهات كثيرة جدا ومواطنين كثيرين جدا بيحتفلوا بالشرطة معانا فى كافة من المناسبات العام الماضى الرئيس اراد ان هويخلد هذه الذكرى بصمة من بصماتة فكرر اعتبار هذا التاريخ أجازة رسمية وعيد قومى للمصريين
مفيد فوزى : يعنى ده خبر من السنة اللى فاتت ؟
حبيب العادلى :من السنة اللى فاتت الاحتفالات اللى فاتت فا للسنة اللى جاية انشاء الله تعتبر احتفالات الشرطة اجازة رسمية
مفيد فوزى : السيد الوزيرما التعريف الذى بفهمة لاجل الشارع البسيط اذا قرأ تقريرمنظمة حقوقية ان مصر دولة بوليسية ايه التعريف بكلمة دولة بوليسية ؟
حبيب العادلى : شوف انا باعتبر كلمة مصر دولة بوليسية تعبير خاطئ
مفيد فوزى : نعم
حبيب العادلى :لان اجهزة الامن دى بتقوم بمهام محددة لها دستوريا وبقانون ولا تخرج عن هذه الاختصاصات الامن لما بيقوم بدورة بيقوم بدورة بهدف تحقيق الامن والاستقرار هذا لا يعجب بعض من الخارجين عن القانون وبعتبروا ان الامن بيتدخل فى كل ماهو متعلق بتسيير امور الدولة هذا تحصيل حاصل فبيثيروا هذه القضايا لدى منظمات حقوق الانسان بدعوى ان الشرطة بتتدخل فى كل شئ وكل امر ما لابد ما استطلاع راى الاستخبارات
مفيد فوزى : وده اللى معناة دولة بوليسية؟
حبيب العادلى :دولة بوليسية
مفيد فوزى : طيب فى سؤال يا افندم محدد فى اذهان المصريين كيف يستنطق متهما تدرك الشرطة تعلم ان لدية معلومات يرقض البوح بها ازاى بيستنطق ؟
حبيب العادلى :هل اسمح لى تعبير يستنطق انا برفضة غيرسليم
مفيد فوزى : هو خبيث شوية الحقيقة .
حبيب العادلى : ملوش لازمة اقول خبيث وانت ضيفى انهاردة
مفيد فوزى : اه
حبيب العادلى :فا هههه هقول ان هوغيرسليم
مفيد فوزى :غيرسليم؟
حبيب العادلى :اه
مفيد فوزى :هولا يستنطق.
حبيب العادلى :لا يستنطق ليه
مفيد فوزى :بيتقال له قول .
حبيب العادلى : ما بيقولش
مفيد فوزى : فبرضه ما بيقولش.
حبيب العادلى :هو احنا شوف اجهوة الامن بتتطور كل يوم بالجديد
مفيد فوزى : اه
حبيب العادلى : انت بيبقى ادامك متهم بيتطلب من اجهزة البحث انها تصل الى الادلة اللى يقدم بيها هذا المتهم للنيابة وللقضاء
مفيد فوزى :ده لو اصرعلى عدم البوح.
حبيب العادلى :لواصرعلى على عدم البوح خلاص انتهينا علينا ان نقيم الدليل باجراءات البحث والفحص يعنى مش ضرورى ان انا باعتمد فقط على اللى هيقولة
مفيد فوزى : تمام .
حبيب العادلى :اما لابد ان يكون هناك ادلة وقرائن اخرى تركها المتهم ارتكبها المتهم ووجود اثار فى مكان الحادث كل دى قرائن بتقدم وبتعتبر دليل بصمة
مفيد فوزى :ليه بيتقال يافندم عذب حتى ينطق ليه التعبير ده ليه سائد عند المصريين ؟
حبيب العادلى :شوف اصل كل من اسئ للشرطة ده بيقى انا باعتبرة انسان كارهة نفسة
مفيد فوزى : نعم وللبلد؟
حبيب العادلى :وللبلد لانك انت طالما انك انت يعنى ما بتعملش حاجة غلط انت الشرطة بتسعدك لما يكون انك انت بتتهم الشرطة انها كل حاجة تعذيب وتتهم الشرطة انها بتسئ وانها ضد الانسان وضد حقوق الانسان يعنى بلا قرائن وبلا تجربة شخصية يعنى انا باعتبر ان ده افترى وعدم
حقائق
مفيد فوزى : اعلم انك لا تتخذ قرارا الا بناءا على تقارير دقيقة وربما ارقام اكثردقة ما الهاجس وراء استحداث ادارات لمواجهة الاتجاربالبشر؟
حبيب العادلى :شوف ظاهرة الاتجار بالبشر هى ظاهرة مستحدثة الماضى كنا بنعرف الهجرة غير الشرعية
مفيد فوزى : نعم
حبيب العادلى :ومازالت ممتدة الا ان صور الهجرة غير الشرعية اصبحت حاليا نتيجة ان المجتمع الخارجى بيواجة هذه الجريمة بشكل كبير جدا حاليا فاصبح وسائل ارتكاب عن ان يهاجر بطريقة غير شرعية خارج الدولة الى حدود دول اخرى بتقوم بها عصابات وبتقوم بها مظمات مرتبطة بالدولة اللى بيهاجر منها الى الدولة اللى بيهاجر اليها وبتصل الى مرحلة انها فى عملية التهريب بيبقى فى صدام احيانا مسلح ما بين القائمين على عمليات التهريب
مفيد فوزى : التهريب البشرى؟
حبيب العادلى : التهريب البشرى اه
مفيد فوزى : الشباب؟
حبيب العادلى :ودى عملية طبعا بتمثل خطورة ان بيبقى فيها خسائرارواح وايضا خسائر كبيرة جدا فى الاموال بيدفعها راغبى
مفيد فوزى :الهجرة؟
حبيب العادلى :الهجرة
مفيد فوزى : اه اه المعلومات دى توفرت عندك ؟
حبيب العادلى : موجودة ومتوافرة
مفيد فوزى : ولذلك استحدثت مثل هذه الادارات ؟
حبيب العادلى :بالضبط ولنا نشاط كبير فيها فى المجال ده يعنى
مفيد فوزى :اه يعنى يا افندم سؤال يهمنى اعرف رأى حضرتك فيه والشارع المصرى يحب يعرف رأى حضرتك فيه هل التطبيع قناعة ذاتية وهل الدعوى اليه مأثمة يعنى الشارع المصرى يحب يعرف رأى السيد وزيرالداخلية فى الموضوع يعنى كاتب بحجم انيس منصور قال انه لا يخجل من التطبيع الكاتبة هالة مصطفى استضافت السفير الاسرائيلى عندها فى الاهرام وقامت الدنيا الكاتب الفنان على سالم سافر اسرائيل وكتب الناس احيانا تقول ايه الله يعنى هناك من يرى ان التطبيع امر عادى بسيط مع دولة فى حالة سلام هناك من يرى انه مؤثم جاءت اللحظة التى اسأل فيها وزير الداخلية فى مصر ؟
حبيب العادلى :يجب ان احنا نفرق مابين الدولة والموقف الشعبى
مفيد فوزى : الدولة والموقف الشعبى ؟
حبيب العادلى :والموقف الشعبى الدولة ملتزمة بالتزامات دوليه بيننا وبين اسرائيل اتفاقية اذن هناك اتصالات هناك مقابلات هناك اجتماعات
مفيد فوزى : على اعلى مستوى ؟
حبيب العادلى :على اعلى مستوى امرطبيعى لا نستطيع ان ننكرة ويمكن مصر وهى تقوم بهذا الدور بتقوم به والدور الاكبر بهدف خدمة دول وقضايا اخرى قبل ما اكون قضية مصراسرائيل فهذه قضية بيحكمها التزامات دوليه اما الموقت الشعبى فا مش عاوزين نروح بعيد قوى حقيقة فى بيننا وبين اسرائيل علاقات دوليه علاقات والتزامات وتمثيل دبلوماسى الا ان مازل الشعورالسائد لدى المواطن فى الشارع الا ان اسرائيل هى دولة مازالت بتعتدى على الفلسطينيين فدى بتشكل فكر لدى المواطن على ان هو وضعها غير مقبول فا لا تستطيع الدولة انها تحد من حرية او رأى مواطن تجاه مثل هذه القضية
مفيد فوزى :بحس حضرتك يافندم ان النخبة هى التى تلجأ لهذا الشئ.
حبيب العادلى :والله هو التقسيم
مفيد فوزى :لأ النخبة هى التى تلجأ احيانا للتطبيع لكن ربما رجل الشارع العادى .
حبيب العادلى :بقول ان هو رجل بسيط فى تفكيرة وثقافتة لسة لم يصل الى العلاقات الدوليه العلاقات اصبحت يجب النظر اليها بقدر ما هو انت بتحقق المكاسب فيما يتعلق باتصلاتك الدوليه دى ازاى
مفيد فوزى :انت مقدرش اقول حتى عند المثقفين مؤلم .
حبيب العادلى :لأ طبعا
مفيد فوزى :بالمناسبة يافندم هل صحيح ان لكل انسان يحمل رقما قوميا ملفا فى امن الدولة يفتح عند اللزوم على فكرة انا بافتح قلبى على الاخر ؟
حبيب العادلى :وانا عايز كده برضه عشان اللى جوا قلبك ده عند كثير جدا من الناس
مفيد فوزى :نعم
حبيب العادلى :فانا ما بأسألش على ان سؤال عام فا انا بابقى سعيد وانا بارد عليه لان بأسد ثغرة لا داعى لتوجدها يعنى
مفيد فوزى :تمام اتفضل يا افندم.
حبيب العادلى :طبعا الامر مستحيل مهام امن الدولة مهام محددة ليس من مهام امن الدولة انها تعمل ملف لكل مواطن اما مواطن ارتكب امرما مفروض له ملف مواطن تحت الفحص بيبقى له ملف مواطن بيقوم باى نشاط غيرشرعى لابد له ملف قضية ما لها ملف اما مش تبعت والا تبقى حالة فوضى وتبقى خروج عن العمل الرئيسى اللى محدد لها القيام به خاصة ان مهامها كبيرة جدا ومسئوليتهاكبيرة وعميقة يعنى
مفيد فوزى :نعم انا يافندم عايزاقول لحضرتك معنديش عقدة من كونى قبطى مصرى ومعنديش حساسية لكن بتألم فى صمت لرصاص وجه الى 6 من المسيحيين سقطوا صرعى وده ليلة عيد الميلاد وبعتقد ان كانت تهنئة قبيحة بعيد الميلاد انا بشوف يافندم وصحح لى من فضلك ان لم هذه الموضوعات هو الفتة بذاتها ولا اطيق بعد اليوم ان الملم موضوعات رأى يا افندم بيقول ان فى شئ من التقصيرالامنى وانا بفتح قلبى بصراحة وبقولك ان الكنائس فى الصعيد مش مؤمنة ربما التأمين الامن بعد ما جرى موجود انا محترم طبعا كل صورالعداء الرسمى التى ذهبت الى نجع حمادى لعملية العداء فى اللذين ذهبوا رأى ثانى بيقول ان السلاح فى الصعيد فى معزة البهيمة لدى الناس فى الصعيد رأى بيقول يعملوها الصغارويقعوا فيها الكبارهل باعتقد يا افندم ان اللى حصل ده هوجرح حضارى بكل المقاييس وباعتقد انك مؤكد لك رؤية فيما جرى بعيدا عن كل العناق عناق الدقون بعيدا عن الكلام اللى فيه تتطيب الخاطر لان وزير الداخلية يرى الاشياء بمنظارامنى مختلف كلى اصغاء
حبيب العادلى :شوف لا ننكران هناك متطرفين ومتعصبين من المسلمين ومن المسيحيين ولكن نقول ان هناك ازمة طائفية اقول لك لأ لان ما بيحدث من جرائم دى جرائم عادية ليست بسبب ازمة طائفية بقد من انها ليها اسباب اخرى بتؤدى الى ما بيحدث
مفيد فوزى :ايه يافندم الاسباب ؟
حبيب العادلى :اذا اخذنا حادثة نجع حمادى
مفيد فوزى :اتفضل
حبيب العادلى :هل نسمية هذا الحدث شخص موتور جنائى مجرم مسجل عنه ان هو انسان له تاريخ جنائى واتخذ معاه اجراء استثنانى اكثر من مرة وقام بهذه الجريمة نتيجة
مفيد فوزى :ارفع صباعى؟
حبيب العادلى :ادينى فرصة اتكلم
مفيد فوزى : اتفضل يافندم
حبيب العادلى :وقام بهذا الحدث نتيجة ما تولد له وزى ما بقول هو فكراجرامى من ان هناك اعتداء مسيحى على المسلمين سواء بالحدث اللى هو ارتكب بموضوع الاغتصاب بتاع الفتاة الصغيرة او بالصور اللى كانت بتتوزع بالتليفونات زى ما انت عارف ووو بتاع بنات مسلمات ا رتكبها برضه واحد مسيحى لو احنا سميناها ازمة طائفية مكنش قام واحد واخد سلاحة وصحب اثنين مجرمين زية وراحوا عملوا هذا الحدث بالطريقة العشوائية اللى تم بيها لو كانت ازمة طائفية منظمة واحنا اعتقد احنا مرينا فى فترة من الفترات فى مصر باحداث طائفية كانت بتأخذ شكل ابشع بكثير جدا واوجد حالة من القلق لدى الشارع ولدى المسئولين مكنش تم الحدث الشكل العشوائى اللى قام به هذا المتهم وحدث لا شك انه مؤسف وجى فى توقيت ما يصحش انه كان يتم فيه انا بقول ان النزعة الاجرامية لدى هذا الشخص انسان مجرم لا تتوقع منه انسانية لا تتوقع منه تقدير ان احنا فى اعياد اما ده خالى من كل هذه الاعتبارات ثم ارتكب هذا الحادث وارتكبة زى ما بقول عشوائية لان راح على بعد من كنيسة ومكنش كنيسة وضرب المتواجدين برة ومشى علشان يهرب التقى بالاخرين بالصدفة واستشعربان واحد من اللى راكبين العربية هو كان الشرطى يعرفة فخلص على الاربعة ضرب النارعلى الاخرين وهرب هل هذا نسمية عمل منظم بقصد الاساءة لهذا الجمع الكبير المسيحى انا فى منظورى انا باقول لأ ليه احنا شعب واحد هناك من يريد ان هو يحدث تخريب نسنيج الجسم الواحد المسلم والمسيحى سواء فى الخارج او فى الداخل وعلى فترات بتتصاعد وعلى فترات تجد من هم موجودين فى الداخل يقولك هنستدين بالخارج هنستغيث بالخارج عشان يجوا ينقذوا اقباط مصر شوف يعنى انا باعتبر شوف التصور انا باعتبر مثل هذه الدعوات اثارة للفتنة الطائفية ليه لان الاحداث لما تبقى فى ازمة طائفية نتحدث عن ازمة طائفية ولابد ان يكون لها اداة ولابد ان يكون ليها دراسات لان انا باتكلم على مواطنين فى وطن واحد وجسم واحد ولكن زى ما بقول زى اى عمل تخريبى هناك من يريد ان يخربة اماواقع الامر خلينا بقى نمسك الظواهر البسيطة دى جدا اللى هى بتؤكد ان المسلم والمسيحى واحد فى هذه البلد شوف من احداث بسيطة جدا فى الفترة الاخيرة زى ما سمعنا ان السيدة العذراء ظهرت فى كنيسة الوراق ثم فى الزيتوت وجدنا الالاف من المسحيين ريحين تباركا بالسيدة العذراء جنبهم العديد من المسلمين رايحين يفضول عشان يشوفوا برضهليه لان السيدة العذراء لها مكانة عند المسلمين
مفيد فوزى :نعم نعم
حبيب العادلى :شوف على المستوى الرياضى فريق بيلعب المسلم كتفة فى كتف المسيحى شوف المناسبا ت الوطنية ده جنب ده احنا ليه بننسى ده ليه ما بنجدش فى الامور لما بتبقى عادية مفيش تفرقة بين مسلم ومسيحى احنا بنيجى لحدث معين وقد تكون ظروفة مؤسفة وبنتكلم وبنصورها على انها ازمة داخليه تمسك الحدث تبص تلاقى محاولة ايجاد ثغرات تشير الى انه كانت قصد لاستهداف المسيحيين يقولك مفيش تواجد امنى مفيش تواجد امنى ازاى بقى مناسبة اعياد وكافة الكنائس بتحرص فى هذا اليوم مش مش عاوز اقول ان هناك معلومات بأن هناك استهداف
ان هناك معلومات فى استهداف مكنش هيحصل حاجة طبيعى بدل ما بتحطت قوات بعدد معين بتحط ازيد فخلاص انتهينا ولكن ميفيش معلومة بان هناك فى استهداف ولكن فى توقع فى انك انت ممكن يحصل اى مشاكل ليه لان الساحة خاصة فى وجه قبلى التجمعات المسيحية ممكن يحصل اى حاجة مشكلة بين ولد وولد وكام حدث السنة اللى فاتت قتل قتل وضرب نار فى قبلى كان خناقة ما بين عيا ل مسلمين ومسيحيين
مفيد فوزى :انما حضرتك بتستبعد الثأر؟
حبيب العادلى :نعم الثأر فيما يتعلق ده ثار عادى عادى موجود لان ده مش موجود بين مسلم ومسيحى موجود بين مسلم ومسلم
مفيد فوزى :تمام
حبيب العادلى :ومابين المسيحى والمسيحى
مفيد فوزى :تمام انا يمكن كنت قاطعت حضرك واعتذر عن المقاطعة لما كنت عاوز اقول سياتك بتقول ان الرجل الشقى اللى اشتغل بالرشاش ده؟
حبيب العادلى :اه
مفيد فوزى :رجل مجرم ومطلق السراح وهو خطرعلى الامن هو قبل كده اعتقل اكثر من مرة
حبيب العادلى :اه
مفيد فوزى :لماذا ظل مطلق السراح؟
حبيب العادلى : فى الصعيد الحقيقة ان انا معنديش سلطة انى اموت ومعنديش سلطة انى انا افضل معتقل واحد على طول ولست بصدد ان الولد لما بيقدم فى قضايا بيأخذ الاحكام على قد القرار
مفيد فوزى :هو قانون الطوارئ مش يسمح لك انك تلم هؤلاء الاشقاء؟
حبيب العادلى :قانون الطوارئ محدد فى انشطة معينة منها الارهاب والمخدرات وبنطبق احيانا على نشاط اللى هو فى اطار بشع واخد بال حضرتك
مفيد فوزى :نعم
حبيب العادلى :اما اللى هو على مستوى المجرم ده والبلطجة دى مش هجد اماكن
مفيد فوزى :اه
حبيب العادلى : ده مش عندى وبس ده على مستوى العالم
مفيد فوزى :على مستوى العالم؟
حبيب العادلى :على مستوى العالم ولذا احنا لما بنبص نقول النشاط الاجرامى فى مصر فى تصاعد بقولك فى تصاعد بس برضه مازال بتعتبر حجمة اقل من اى دولة اخرى فى العالم ليه لان الجهود اللى بتبذل بتحد كثير من خسائر هذا النشاط
مفيد فوزى :سؤال يافندم هل هى اخرالاحزان فى نجع حمادى ؟
حبيب العادلى :شوف لا تستطيع انك انت تقول ان بعد حادث نجع حمادى ان مفيش حد هيموت مفيش حد هيتصاب ولا يبقى خلاص مينفعش ا نت عاوز تتحكم فى نشاط نشاط اجرامى عالى او خلاف عالى اونتيجة تراث ثأر او الارتباطات الخلافات انا بقولك العيال بيلعبوا مع بعض
مفيد فوزى :ولعوها ؟
حبيب العادلى : ولعوها
مفيد فوزى :تمام
حبيب العادلى :ولعوها حصل
مفيد فوزى :تمام
حبيب العادلى :وبعدين ماموجودة موجودة ما بين مسلم ومسلم ومسيحى ومسيحى انت احيانا لما بتص لبعض الاحداث اللى بتحصل من مسيحيين لمسيحيين بتبقى عاوزيعنى اقولك ايه حاجة بشعة فانا باختلف اختلاف حقيقى ولما بتكلم ما بتكلمش كا وزير داخليه
مفيد فوزى : نعم
حبيب العادلى: انا بتكلم كا مواطن فى هذه البلد يجب علينا ان احنا نحرص على هذا الوطن ونحرص على وحدة ونسيج هذا الوطن ونترك المجال لننمى هذا الوطن ولا داعى ان احنا نجد اى ثغرة بتؤدى الى مشكلة ما ونولعها ده اذا قام بيها اطراف متطرفة زى ما قلت مسلم ومسيحى ميصحش ان احنا نستجيب ليهم بل يجب ان احنا نشكل ثقافة ومجتمع من كل ما هو مثقف ومن كل من هو حريص على هذه البلد ان هو يقف ضد هذه ادعاءات ده لمصلحة البلد حقيقة مش عشان بقول لأ قيل لى وانا سمعت حكاية ان والله بيقال ان هناك ثغرة امنية الامن لما بيأمن مش قصة امن عسكرى اللى بيتكلم على عدم التواجد الامنى ده بيمشى بنظرية ان فى كل مكان يكون شرطى
مفيد فوزى :اه وده مستحيل .
حبيب العادلى: ده مستحيل ل 80 مليون
مفيد فوزى : نعم
حبيب العادلى: ده من المستحيلات ان انت تقدر تقولى لى والله كل موقف تأمنة لان زىما هأمن الكنائس انا هنأمن المساجد
مفيد فوزى : طبعا
حبيب العادلى: زى ما هأمن المساجد هأمن محلات الذهب كذا وكذا وكذا
مفيد فوزى : نعم
حبيب العادلى: هخش فى مجال هخرج فية دورى كا وزارة داخليه مسئولة عن استقرار هذه الدولة ان انا اكون وزارة الحراسات
مفيد فوزى :اه وده بقى خطير جدا؟
حبيب العادلى :سعتها هبص الاقى ان انا دخلت فى كيف تواجة الارهاب حادثة ارهاب واحدة
مفيد فوزى :صح
حبيب العادلى :تشل البلد
مفيد فوزى :خلينا يافندم نقول حاجة فى قلبى ؟
حبيب العادلى :اقتنعت الاول يا استاذ مفيد
مفيد فوزى :اه اقتنعت يافندم اقتنعت بوجة النظر .
حبيب العادلى :بس
مفيد فوزى :لانها فى نهاية الامروجه نظرقومية ولابد من ان احنا يعنى نتكاتف لمواجهة مثل هذا الشرار
حبيب العادلى : بالضبط
مفيد فوزى : ولن نترك البلد لتيارات ومن المهم ايضا اذا اذنت لى اقولك بالكامل من المهم ايضا البص للقضية من جذورها ينى قانون توحيد العبادات لازم يطلع قانون اللى قدمة البابا شنودة لازم يطلع يعنى فى بعض القوانين ما يجبش انها تخلل فى مكاتب المسئولين هذه القوانين انا باعتقد انها عفوا بتريح المسحيين انا يا افندم باكلمك كا قبطى مصرى احس بكل اللى بيتقال لى من المسيحيين اللى بقابلهم ويعلمون انى باقابل حضرتك وانا بجدك المناراوالقناراللى اقدر ارمى له هذه الحمولة علشان اعرف بالضبط بيفكر ازاى فى مصر
حبيب العادلى :عاوز اقول على حاجة ودون الدخول فى تفاصيل هذه القوانين
مفيد فوزى : اتفضل يا افندم
حبيب العادلى :هذه القوانين بتدرس اللى انا عاوز اقولة هى مقدمة بهدف تحقيق نوع من المطالب المسيحية بايجازها كده مش كده برضه
مفيد فوزى :العدالة ؟
حبيب العادلى :هنسميها مطالب
مفيد فوزى : مطالب ؟
حبيب العادلى : ok هنا تعبير العدالة ده لابد ان الدولة تحرص على العدالة
مفيد فوزى : تمام
حبيب العادلى : دولة بلا عدالة
مفيد فوزى : اه صح.
حبيب العادلى :دولة ضعيفة
مفيد فوزى :تمام.
حبيب العادلى :اما لوقلنا هنسميها مطالب واذا كان هناك مطالب اهلاوسهلا ولابد النظر فيها
مفيد فوزى : نعم .
حبيب العادلى :لا ن احنا بنتكلم على ايه مطلب مواطن اناخلاص ما بفرقش بين مسلم ومسيحى انا بقول مطلب مواطن هذا المواطن اذا كا مطلبة يستحق لابد ان هو يستجيب له مثل هذه المطالب خلينا برضه نتكلم بوضوح
مفيد فوزى : اتفضل يا افندم اتفضل
حبيب العادلى :يجب انها تتم فى اطار تحقيق الموائمة بما هو نصل ان احنانحقق نوع كبير جدا من هذه المطالب وبعدين برضه خلينا اتكلم عن هل ما هو بيستجاب له من مطالب وانا زى ما قلت مش معنى مطلب ان انا يعنى بستجدى انا بدل مطلب من مواطن يبقى حق صح كده
مفيد فوزى :تمام
حبيب العادلى :ان ما تحقق خلال سنوات فترة حكم الرئيس مبارك صراحتا كده مثل ما تحقق خلال سنوات طويلة
مفيد فوزى :لأ صحيح لأ
حبيب العادلى :اذن الاتجاة قائم واذن الالتفات الى ما بيطلبة الاخوة المسحيين قائم وبعتبره حق لانه ......
مفيد فوزى :بيريح النفوس .
حبيب العادلى : ومطلوب
فاصل
مفيد فوزى : اجريت حوار مع الدكتورفتحى سرور قال لى ان الدستورية العليا تصحح العوار فيما يمكن ان يسمى بديكتاتورية الاغلبية السؤال يا افندم بتاعى هو ما الحدود الامنه بين امن الدولة واحكام القضاء ؟
حبيب العادلى :الحقيقة انا لا اعتقد ان فى حدود امنة وحدود غير امنة ولكن با ارى اعتقد يعنى ان احكام القضاء مكون رئيسى لامن الدولة لانه هذه الاحكام بترتبط ارتباط مباشر بكل ما هو متعلق بحسن سير مؤسسات الدولة والامران ملتزمان باحكم الدستور بل قوة النظام فى سيادة العدالة سيادة العدالة بتعتبر احكام القضاء من سبل تنفيذ هذا
مفيد فوزى :نعم خلينى اكون اكثر صراحة تفرج المحكمة عن بعض المتهمين باحكام قضائية ثابتة افراج بيتقال له افراج يقرأ الناس ان الداخلية ابقتة كمعتقل ويحار الناس فى الفهم ارجوك ان تبدد هذه الحيرة ؟
حبيب العادلى :قضية الاعتقال بتتم بعرض من اجهزة الامن سواء اذا كان امن دولة او الامن العام لنشاط خطير لعناصر بيرتكبوا جرائم سياسية او جنائية بتعرض هذه المعلومات باسانيدها عليا شخصيا فا اقر اعتقال الشخص او لا اقر
مفيد فوزى : حتى لو مفرج عنه ؟
حبيب العادلى: لأ انا لسة باقول
مفيد فوزى :لسة اتفضل .
حبيب العادلى: اعتقل مدتة والقانون زى ما ادى فى قانون الطوارئ حق الاعتقال ادى لمتهم حق التظلم يعنى موجود له هو تظلم للقضاء خلال المدة المحددة فى القانون والقضاء هو وشانة لان بيقرر اعتقال او احتجاز الشخص او يخلى سبيلة هناك من الحالات ما بتجد فيها ان بعضا من هؤلاء وهو داخل السجن فيفكر فيما هو يتعلق اوبيمتد نشاطة الى استمرارية وعودة هذا النشاط بعد ان يخرج
مفيد فوزى :وده بيتأكد ؟
حبيب العادلى :لأ شوف عاوزاقول حاجة طالما انك انت احنا كنا بنتكلم على حكاية اللى اعتقلناه اكثرمن مرة وبقول لك مجرم ولو عليا يعنى كنت اعتقله على طول قلت لك ان فى حاجة اسمها احنا ملتزمين بقانون وبنتحاسب على متابعة مثل هذه القوانين طالما اعيد اعتقالة يبقى ده عنصر خطر اما اكون تبص بتلاقى ان بعض الاصوات من بعض منظمات حقوق الانسان بعض السادة المحامين تبريرا لموقفة بيدافع عن المتهم وده حقة برضه فا بيقولك والله انه بيحصل كذا بتطلع بقى هذه الاقوال
مفيد فوزى :هذه الاقوال؟
حبيب العادلى : اه
مفيد فوزى : يافندم اريد تفسيرا مهنيا الاعتداءات اللى بتحصل على رجال الشرطة خلينى اقولك يا افندم هل هى ضعف هيبة رجل الامن والا نشاط مفرج عنهم من معتادى الاجرام والا وفرة سلاح والا عدم مهارة فى اطلاق النار انا عايز تفسيرك يا افندم ؟
حبيب العادلى : شوف الفترة الاخيرة يعنى كان فى تصاعد نسبى فى عدد الاعتداءات رجال الشرطة
مفيد فوزى : نعم
حبيب العادلى :ودى ليها مبرراتها يعنى من مبرراتها يعنى زى ما بنقول النزعة الاجرامية زيادة عدد السكان ارتفاع نسبة البطالة رغم الجهود اللى بتبذلها الحكومة لنسبة البطالة التطور الطبيعى فى اسلوب ارتكاب الجرائم كل دى امور سلبية فيما يتعلق باسباب هذه الحوادث ثم هناك ما هو فى تطوير اداء العمل اللى انا عاوز اقولة ان شهداء اللى بيموتوا من رجال الشرطة ضباط او افراد برضه ان التطور اللى حدث فى جهاز الشرطة ادى الى ان هناك اصرار الضباط على اتخاذ موقف المبادئة فى مهاجمة اوكار الارهاب وبؤر المخدرات وبؤر الاجرامية الكبير هل هذه المبادئة وهذا الاصرار بينتج عنه هذه الصدمات
مفيد فوزى :الارواح طبعا .
حبيب العادلى : طبعا وهذا الاصرار اعتقد انه ايجابى لانى انا لما بقول ان فى مواجهات عنيفة لتجار المخدرات احنا من قيمة 3 ايام واجهنا عصابة وضبطنا معاهم 3 طن مخدرات وجى من الخارج
مفيد فوزى :نعم
حبيب العادلى :وضبطنا سلاح واعداد من مث هذه القضايا لو تركت هذه البؤر انتشرت المخدرات احنا يعنى برضه بنعانى من تجارة المخدرات البسيطة اللى هى بتنتشر ما بين الشباب اللى احنا بنبص لها على انها دى امر خطير وبنذل كافة الجهود لان احنا نواجة هذه القضية فا من هنا بنقول يعنى ان مش موضوع عدم قدرة على المواجهة لأ بالعكس احنا عندنا مبادئة فيما يتعلق بالمواجهات اجهزة الوزارة هى بتقوم بعمليات مواجهة الانشطة بتأخذ دلوقتى يعنى او تطبيق على مستوى علمى وعلى مستوى تدريبى كفئ وعلى مستوى ادارة مركزية مش على مستوى كل فرد اوادارة بتبقى فى حملات مكبرة فى حملات يومية بتقوم بيها الامن العام بتقوم بها اجهزة امن الدولة بتشترك فيها عدة اجهزة فى الوزارة يعنى عمل مدروس مش عمل نمطى يعنى فلما بتحصل خسائر لابد ان بتحصل خسائر
مفيد فوزى :طب يافندم بعض امناء الشرطة بيقابلونى فى الاشارات ويقولى لى الوزيرفى احد المرات قال لحضرتك ان الوزارة ده نص كلام حضرتك وزارة تبدأ من الملآزم احنا اللى شاربين الهم وشاربين الطين مش حرام ان يتقال ان الوزارة تبدأ من الملازم ويقولوا لى ازاى تسكت ؟
حبيب العادلى : الوزارة بتبدأ مش من الامين من الغفير .
مفيد فوزى :الحمد لله انا كنت احب ان اسمع من حضرتك ده ويسمعوا هذا الكلام ويعرفوة
حبيب العادلى :لأ
مفيد فوزى : بتبدأ من الخفير؟
حبيب العادلى :بتبدأ من الخفير
مفيد فوزى :نعم
حبيب العادلى : ليه لان الخفيرده فرد وبيقوم بدورة ثم بتتسلسل الرتب الى ان يصل الى الامين اما فى زى ما بقول من هم يعنى ما بيقتنعش بال بما هو بيتحصل عليه ومعندوش القيمة لان هو لو عندة قيمة يفكر فى شغلة قبل ما يقعد يفكرفى اقاويل بتتردد اوفتن برضه بتزرع فى كيان الوزارة يعنى
مفيد فوزى :نعم نعم حضرتك فيما مضت تجاوزات ضباط الشرطة فى حكم الندرة لعلك الان يا افندم تدرك ان هناك تجاوزات صدرت بحقها احكام قضائية تفسيرك ايه ؟
حبيب العادلى : لأ معلش انا من جهاز الشرطة وباقيم تقييم سليم
مفيد فوزى : اتفضل.
حبيب العادلى :لأ هو كان زمان ندرة لأ انا باقول لأ بالعكس
مفيد فوزى : لأ زمان.
حبيب العادلى :اه
مفيد فوزى : ندرة؟
حبيب العادلى :لأ انا بقول لأ
مفيد فوزى : ايه مكنش بيتنشر؟
حبيب العادلى : عارف ممكن مكنش بيتنشر ده قبل كده ان كان توجة احيانا وقيل لى ا نا شخصيا لما بديت ااشر كده وتخطر النيابة واعلام بمعنى اعلام يعنى يبلغوا الصحافة ووسائل اعلام عن تجاوز الضابط او تجاوز المخطئ
مفيد فوزى : نعم .
حبيب العادلى :قيل لى وعرض عليا وقالوا كده هنشيل الوزارة قلت لهم لأ انا بابرز السئ علشان احنا فى هذا الكيان مفيش اى كيان فى كيانات مفهوش واحد وحش
مفيد فوزى :طبعا.
حبيب العادلى : مفيش
مفيد فوزى :اه .
حبيب العادلى : ولا يبقى فى كون اخر
مفيد فوزى :اه .
حبيب العادلى :احنا عندنا الصالح وعندنا الطالح فا الطالح لابد ان يتعرف ان ده انسان سئ ودى اصلها بتعتبرعبرة بتخلى الغيريفكرقبل ما يرتكب فكون ان بيحصل هناك تجاوزده طبيعى بيحصل فى كل مؤسسات الدولة وفى الا مكان بيحصل هذا التجاوز كل اللى بيصدرعليه احكام طبيعى واحنا بنبلغ احنا اللى بنعرض تجاوزتنا واحنا اللى بنخطر بيها النيابة واحنا اللى بنبلغ بهذه الاحكام وزى ما قلت قبل كده الضابط اللى بيقدم للنيابة فى خطأ نتيجة العمل خطأ فنى حصل منه ولكن ادين فية يقضائيا الوزارة بتدافع عنه بتقدم له محامى وبتتولاة لان ده بيعتبر خطر اما الضابط اللى بيخطئ خطأ شخصى او لانحراف يعامل زى اى واحد فى السجن
مفيد فوزى :على اى حال هو المهم قوى اللى حضرتك قلتة انه زمان ايضا كان فى ولكن كان بتحجب عن الناس.
حبيب العادلى :طبعا طبعا وبعدين ما ننساش ان العدد بيزيد
مفيد فوزى :اه طبعا .
حبيب العادلى :العدد بيزيد بشريا لازم يحصل كده
مفيد فوزى : وبشريا بالمناسبة يافندم كيف ترى صورة ضابط الشرطة فى المسلسلات وافلام السينما هل ترضيك هذه الصورة ؟
حبيب العادلى :والله هوفى فترة ما قبل كده كان الصورة سيئة للغاية وكانت موضع استيائى وارسلت رسائل عبر ادارة العلاقات العامة للسادة المسئولين عن هذه الافلام وفى التليفزيون والتليفزيون حقيقة بادر بابراز الصورة الحقيقية لرجل الشرطة وقلنا لهم ياجماعة عايزين اى شئ فيم يتعلق انك انت تظهر رجل الشرطة فى مسلسل او فيلم الوزارة على استعداد لتقديم هذا العون لان هذا الضابط ده ضابط مصرى انت بتعرض الفيلم هيتعرض برة وهيشوفوا اخرين فلا بد ان صورة هذا الضابط مشرفة ليك فقد يكون اخوك او ابوك او ابن عمك او احد فى عائلتك فا ما تصورهوش بهذه الصورة الهزيلة لان ضابط الشرطة لما بشوف الاعلام بيصورة او بيسئ اليه ده بشر
مفيد فوزى :مهما كانت عروض الدراما ؟
حبيب العادلى :اه لأ يعنى شوف احيانا هو بيشوفها فى افلام خارجية وفى افلام كونة ان هو كضابط اه وبيقوم بدورة طب ما صلاح ذوالفقار كان ضا بط اصلا وممثل ولكن حتى هو لما كان بيقوم بالادوار الكوميدى كان بكيانة
مفيد فوزى :نعم
حبيب العادلى : باعتبار
مفيد فوزى :بشياكة .
حبيب العادلى :بشياكة
مفيد فوزى :نعم .
حبيب العادلى : حتى فى ادوارة كان بيقوم بيها بشياكة يعنى لا انسى له فيلم هو وصباح وهو شارى وزة وماشى بيها برنس
مفيد فوزى :برنس اه.
حبيب العادلى :خت بالك
مفيد فوزى :اه
حبيب العادلى : خت بال حضرتك لما بقى اطلع ضابط الشرطة فى صورة هزيلة او بشكل واحد لابس لبس بيلبسة متسول وطريقة الكلام الالفاظ
مفيد فوزى :اه هى دى النقطة يافندم .
حبيب العادلى :يعنى الفاظ ما يصحش
مفيد فوزى :نعم .
حبيب العادلى : الضابط بيحاسب حاليا لو لفظ قالة غلط مش زى بعض يقولك انتوا بتدرسوا قلة الادب للضباط فى الشرطة علشان يستخدموها ياه احنا وصلنا ان احنا دولة حضارة والقيم نسينا الاخلاقيات بتاعت الماضى خلاص عموما لو احنا كنا نسيناها يبقى احنا بنرسخها من خلال هذه الافلام وهذه المقولات اللى احنا فى الوقت فى يجب ان احنا نرتقى العالم بتغير على التحضر واحنا حضريين اصلا نتنازل عن حضارتنا نتيجة ان انا اجيب شوية قرشين بالعكس قوم بالدور الكوميدى اللى انت عاوزة وزى ما بقولك انا من جانبى كوزارة على استعداد ادى لك اللى انت عاوزة لبس اديلك مواقع اديلك موضوعات ايديلك بس اخرجها لهدف متخرجهاش لمجرد انك انت فى داخلك شئ ما
فاصل
مفيد فوزى :يافندم اذا اذنت لى ما هودروس الامس هى مشاعل للغد مضت احداث ام درمان بين مصروالجزائر بحلوها ومرها وتوتبعها اصوغ لك همسات الناس فى الشارع لما سمعوا ان سفيرنا فى السودان قال معلومات انه هتحصل حاجة هل كان لابد من وجود مظلة امنية تحمى رجلتنا هناك ؟
حبيب العادلى :اولا بداية ان ما حدث فى مبارتى سواء هنا او فى ام درمان انا بعتبرها احداث مؤسفة وما كان يجب انها تحدث لان دى متش كورة وانهارده غالب او مغلوب وليست نهاية المطاف ان اناغالب نهاية المطاف ان انا اغلب وكان يجب ان يكون هناك رؤية تجاه ان احنا شعب واحد ونتذكر كويس ان العلاقات المصرية الجزائرية علاقات تاريخية والحرص على الجانب ده اما بنقول ان دائما فى متشات الكورة بيحصل انفلات عصبى من الاعيبة او من الجمهور ومباراة او مبارتين فاصلتين للاشتراك فى كاس العالم فالتوتر العصبى قائم لدى اللاعيب ولدى المواطن ثم احداثها يعنى زى ما تقول ايه هو ربناعايز كده احنا كنا متأخرين ثم حصل ان احنا وصلنا للادوار النهائية ثم كسبنا هنا فى مصرثم خلاص وصلنا الى ان احنا طبيعى انك تأمل فى انك توصل فاالاستعداد المواطن المصرى وهو رايح ام درمان كان استعدادة وحتى المواطن اللى هو هنا كان استعدادة ان هو يتقبل الفوز لا يتقبل الخسارة كويس الطرف الاخر الجزائرى خسر هنا ولكن المباراة فى ام درمان هى الفاصلة عاوزراخر يكسب ولكل شعب له سماتة اذا كان هوعصبى شوية ثم حصل من المسببات اللى هى ادت الى زى ما تقول ايه تعكير المناخ
مفيد فوزى :سببة ايه يافندم؟
حبيب العادلى :ان حصل زى ماحصل هنا واتقال والله بالاتوبيس ضربوا شوية طوب عليهم وحصل هذا الموضوع ثم حدث تصعيد النبرة الاعلامية سواءكان من بعض الاشخاص اللى بيقصدوا هذا على ان حصل تصعيد كبير جدا وصل للاخوة الجزائريين على ان حصل كثير جدا من التعدى على الجزائريين هنا وهنا وهنا ثم ننتقل لام درمان ان يكون هناك مظلة امنية معلش انا هقول ما فمهوم مظلة امنية يعنى ابعت قوات من مصر الى السودان لتأمين الفريق المصرى والجمهور المصرى هل احنا هنقبل لو المباراة عندى هنا تقول انا هبعث مظلة امنية طبعا هقول لأوامر غير مقبول هنقول هنبعث مين شرطة الشرطة ليس لها ان تخرج برة الا اذا كان فى مهام محددة ودى عمليات مش بتاعت تأمين
مفيد فوزى : نعم .
حبيب العادلى : هنبعث قوات مسلحة دى هتخرج عن دورهاعن المحدد ليها
مفيد فوزى : طبعا .
حبيب العادلى :ثم هذه السودان هتقبل هذا الاحتلال وهذا البتاع يعنى غير طبيعى
مفيد فوزى :يافندم زى ما حضرتك تفضلت الانفلات العصبى.
حبيب العادلى :الانفلات العصبى وكان لا يمنع
مفيد فوزى : نعم.
حبيب العادلى :ان احناخاصة الاعلام والصحافة حقيقة التصعيد فيها كان كأنة نوع من التبارى بنتبارى ازاى احنا نصعد من هذا الموقف اللى هو انا حاسس انه ترك جرح لدى الطرفين يعنى فندعو الله انه يلتئم سريعا لان احنا برضه بنقول فى عالم عربى واحد على مصر والجزائر
مفيد فوزى :صح صح .
حبيب العادلى : ومازال المصرى حريص على الجزائرى والجزائرى حريص على المصرى
مفيد فوزى :نعم.
حبيب العادلى :ان هذه العلاقات العريقة القديمة دى كلها تروح فى مباراة كورة
مفيد فوزى :تروح فى مباراة كورة نعم معالى الوزيرهل بتشكو حضرتك من حرية التعبير اذا تناولت اداء الدخليه واتهمتة بالقصور فى بعض المجالات انا عايز اقولك ان بعض الناس متصورين مفهوم خطأ ان انا لما اذغد الحكومة او اصارع النظام او اطالب باقالة وزير الداخلية ابقى حبيب الناس لمؤاخذة يعنى مش حبيب العدلى تقديرك الشخصى ايه ولعلك بتشوف احيانا ما يخرج عن النسق انا باختار تعبير دقيق نسق والاداب العامة يهمنى اعرف رايك ؟
حبيب العادلى :اه انا اقسم الاجابة شقين
مفيد فوزى :اتفضل .
حبيب العادلى :الشق الاولانى هو تقيمى لكل ما هو فيه انتقاد لسياسة الوزارة واقول فى الشق دوت بالعكس انا بارحب به جدا ليه لان انا عندى داخل الوزارة اجهزة دورها انها تتابع السلبيات وتعرض عليا علشان اصحح المسار علشا ن اعالج موقف ما علشان اطور الاداء فى هذه الجهة او احاسب المسؤول كويس .
مفيد فوزى : اه .
حبيب العادلى : فبعتبران ما بيرد لى من ملاحظات فى صورة نقد لسياسة الوزارة بعتبرة اضافة الى ما بيقدم لى من اجهزتى
مفيد فوزى :نعم
حبيب العادلى :واللى بجدة صح باستجيب له واللى اجة صح وجه نظر كويس ماشى تحتمل برضه لان جايز اللى بيقولها معندوش خلفية
مفيد فوزى : خلفية؟
حبيب العادلى :خلفية عن المهام الامنية معندوش خليه عن ايه اللى انت بتعملة حتى كوزارة فا باعلن وانا معنديش حاجة اخبيها امامن هم بيحاولوا ان يتطاولوا تطاول على الوزارة بقصد الاساءة اوعلى قيادات الوزارة اللى انا منهم
مفيد فوزى : نعم .
حبيب العادلى :انا بعتبر ده انحراف
مفيد فوزى :ههههههههه
حبيب العادلى :انحراف لا شك هذا الانحراف يعنى مش انا اللى حاضر اعالجة لان دى عايزة ربنا سبحانة وتعالى لان يعنى واحد مخة طاأأ او واحد موطور واحد حاسس ان الوزارة بتتابع نشاطة الغير شرعى واحد اخر بيرى ان الوزارة كشفة عنه كل شئ فا بيحدث منه مثل هذه التصرفات فهنا انا حتى بانصح قيادات الوزارة بقول لهم حذارى واحد فيكم ينزل لهذا المستوى لان لو حصل رد على هذا المستوى متنزلوش من مكنكم العالى الى هذا المستوى المنحط لمثل هؤلاء
مفيد فوزى :bravoفى حاجة يافندم عايزك تصححها لى الصحف القومية كلها نشرت بعنوان مرشد جديد للاخوان الجماعة المحظورة فى كل الصحف القومية احيانا انا افكر كده واقول ايه يعنى فى صحافة مصر كلها هناك وجود لهذه الاخبار بين قوسين المحظورة اقول يا ربى هو يكون قصدهم المحظورة تجاهلها هههههه ؟
حبيب العادلى :هههههههههه
مفيد فوزى : ههههه نفسى افهم يا افندم يعنى صحح لى ؟
حبيب العادلى :هو المحظورة اطلقوها عليها على جماعة الاخوان
المسلمين باعتباران نشاطها محظور وارادوا اختصارها بدل مايقول ان نشاطها مؤسم فقالوا سموها المحظورة
مفيد فوزى :اه
حبيب العادلى :يعنى شوف الصحافة طبعا تناولت هذا الموضوع من منطلق ان الجماعة جلها مرشد جديد
مفيد فوزى :مرشد جديد تمام .
حبيب العادلى : عملوا مؤتمرصحفى واعلنوا فيه خطاب التوليه وخطاب التنصيب فالصحافة طبعا بتتناول هذا الموضوع زى ما بنقول ان الاعلام حاليا اصبح فى ثنيتها الخبربيطلع
مفيد فوزى :انت يا افندم بتستقبل الخبر ده ازاى
حبيب العادلى :لأ عادى لان انا عرفة قبل ما يتذاع
مفيد فوزى :اه
حبيب العادلى : فانا بالنسبة لى بتابعة كنشاط
مفيد فوزى : نشاط امنى ؟
حبيب العادلى :اه طبعا احنا مش عاوزاقول نشاط محظورانا ما بقولش محظورة انا بقول انا بقول نشاط الجماعة المنحلة لانها محلولة
مفيد فوزى :نعم .
حبيب العادلى :لان نقول نشاطها غيرشرعى وهو تباع جمعية غير شرعية
مفيد فوزى : رغم المقرورغم الصحافة ورغم كل حاجة ؟
حبيب العادلى :بتتابع كا نشاطها الشرعى
مفيد فوزى :ويعلموا هذا جيدا؟
حبيب العادلى :طبعا
مفيد فوزى : اه هل جفت تماما منابع تمويل الارهاب فى مصر؟
حبيب العادلى :شوف بالقطع لأ
مفيد فوزى :بالقطع لأ؟
حبيب العادلى :لسبب فاحنا واحنا بنواجة الارهاب فى الماضى او لما بدينا نخش المواجهة الحاسمة فى قضايا الارهاب كان من المحاورالاساسية لمواجهة هذه القضية تحديد منابع التمويل احنا بنتكلم عن التمويل ولا عن الارهاب
مفيد فوزى : الارهاب؟
حبيب العادلى :الارهاب
مفيد فوزى : نعم
حبيب العادلى :كتحديد محورمنابع التمويل ووضعت لها خطة ووضعت لها متخصصين فى هذا المجال شغلتهم بس البحث عن هذا الموضوع وتحديدة وسبل مواجهتة ونجحنا بدرجة عالية جدا فى ان احنا نحدد هذه المنابع على مستوى الانشطة بما فيهم منابع تمويل الاخوان المسلمين واحنا نتذكر القضايا اللى تمت فى المرحلة القادمة ده على المستوى الداخلى علىمستوى الخارج العالم برضه بذل جهود كبيرة جدا بعد ما الارهاب اخذ مكانتة العاليه فى امريكا واوروبا والعالم كلة لمواجهة عمليات التمويل برضه نجحت هذه الجهود على مستوى عالى جدا ووصلنا الى مرحلة تقنين وتشريع وتشكيل كيانات لمتابعة واتخاذ اجراء عملة التمويل غسيل الاموال وبدأ فيها مكونات دوليه احنا هنا فى الداخل وحدة غسل الاموال هنا فى الوزارة وحدة الاموال العامة لمتابعة غسل الاموال لان هذا التمويل بيأخذ اشكال كثيرة جدا
مفيد فوزى :نعم
حبيب العادلى : تجارة المخدرات تجارة السلاح تجارة البشر مباشرة الاعمال المصرفية الغير شرعية قيام مشروعات اخذة العطاء الشرعى وهى بتباشر عمليات تمويل جمع الاموال للذكاة وللخير هى بتستثمر لصالح نشاط
مفيد فوزى : كل ده يافندم تحت السيطرة؟
حبيب العادلى : تحت السيطرة طبعا لان المهم ان ندرك ان عمليات التمويل اساسية ركن اساسى فى اتمام الجريمة
مفيد فوزى : هل تستشعر يافندم فى البلد مد دينى ؟
حبيب العادلى :شوف المد الدينى احنا ما بنقسش النشاط بالمد الدينى
مفيد فوزى :نعم
حبيب العادلى : احنا بلدنا دولة مدنية
مفيد فوزى : تمام نعم ؟
حبيب العادلى :الواعظ الدينى عندنا سواء بقول اى دين مسلم مسيحى يهودى بتجد انه موجود
مفيد فوزى :نعم .
حبيب العادلى : يعنى فى داخلك
مفيد فوزى :ايوا اه .
حبيب العادلى :انما احنا بننظر للانحراف الدينى
مفيد فوزى :نعم
حبيب العادلى : وهى دى النقطة المهمة اللى هى احنا بنركز عليها انما احنا دولة وسطية فى كل امرمن الامور
مفيد فوزى : نعم الراى العام يافندم بيتساءل فى قضية حديثة جدا اختفى المتهم الذى صدر بحقة حكم القضاء وقيل انه سيظهرعند قبول الطعن فقط هل تفوت على الامن مكان اختفاء هذا المتهم ؟
حبيب العادلى :شوف بيحدث ليه ؟
مفيد فوزى :بيحدث.
حبيب العادلى :بيحدث اصل شوف اذا انا قلت لك والله ان كل واحد ماشى فى جمهورية مصر العربية بيتحرك جوا البلد احنا محددينة فين وفين يعنى هتبقى كتير لان دى بلد يعنى هنقول مواليدها يعنى احنا دلوقتى وصلنا 80 مليون وشوية ان هو قادر على الاختفاء فى اى مكان وكده قادر على ان هو يهرب بقول ممكن وحدث ان امام الناس بيطلع وياخذ مركب فى البحر على انها نزهة ثم يعدى على حدود دولة اخرى ويخش اخذت بال حضرتك اما هذه ممكن تطول فترة ان هو يفضل مختفى هقولك لأ ليه لانك انت كل واحد فى الهاربين دول وله ملف وكل مجموعه لها واحد مسئول هذا المسئول بيحاسب بيحاسب خاصة فى تنفيذ الاحكام لان اذاكان دى جنحة والا جناية ولان دى ليها فترة وهيسقط الحكم فا اذا سقط الحكم يبقى احنا ما طبقناش السياسة على القضية مفروض المتابعة يبقى احنا بنشارك فى الجريمة فا بنحاسب الضابط اما هى بتعتبر يقضية وقت كون ان هو يفضل مختفى لانه مش عاوز يتظبت عشان يقدم للمحكمة وهو فى وقت الطعن عشان يقعد هو بحريته شوية انما فى النهاية هيجلنا يعنى
مفيد فوزى :ههههه سؤال السؤال انا باعتقد يا افندم انه لازم اسألة الليلة دى قرارات القيادات التنفيذية بمصر يقال والعقدة على الرواة انها فى قبضة الامن واصحاب هذا الرأى يخشون من شلل اداء هذه القيادات تعليق ؟
حبيب العادلى: انا باتفق فى النصف الثانى ان لو فعلا وطبعا ده لألو فعلا ان القرارات السلطة التنفيذية متوقفه على موافقة او قرار الامن فدة فعلا هيؤدى الى شلل شلل كامل لان دى مش وظيفة الامن من الاجهزة التنفيذية ومن القيادات التنفيذية المسئول عن هذه الاجهزة التنفيذية من بيرى ان يستأنس بيرى الامن فى شخص اوقضية ما
مفيد فوزى : حقه
حبيب العادلى :فقط
مفيد فوزى :الاستأناس.
حبيب العادلى :الاستأناس وليس فرد
مفيد فوزى :هل للامن راى انه لا امان؟
حبيب العادلى: الامن بقول والله انا رؤيتى كذا بس
مفيد فوزى :دا صاحب القرار.
حبيب العادلى: تأخذ بها او لا تأخذ اما اذا كان الامن لدية ما هو بيرى فية ان الموضوع بيمس امرجوهرى وهام للمصلحة العليا للدولة لأ الامن ضروى يكون له رأى ودى يعنى حالات بنعتبرها نادرة النوادر
فاصل
مفيد فوزى :اسئلة قصيرة مهمة متى تختفى مواكب المسئولين ؟
حبيب العادلى :والله انا بعتبرها مختفية لسبب لان الحراسات الحاليه بالنسبة للسادة المسئولين بنعتبرها عادية جدا وبسيطة جدا وانا مش شايف ان فى مواكب واذا كان هناك بعض الشخصيات نتيجة انها بحكم موقعها مستهدفة مسئوليه الامن انه ضرورى يأمن ودى لا تتعدى اصابع اليد الواحدة
مفيد فوزى :نعم
حبيب العادلى :حقيقة يعنى
مفيد فوزى :نعم متى يافندم يكون امن الدولة الحقيقى لامة فى البحث العلمى ده سؤال فكرى؟
حبيب العادلى :بمعنى
مفيد فوزى : بمعنى انه يعنى الامن بتاع هذه البلد فى نهاية الامر هو الابحار فى العلم هو افكار زويل تتحول الى صيغ وتتحول الى حقائق وانا يمكن استخدمت هنا امن دولة او امن امة لكن مبقصدش امن الدولة ؟
حبيب العادلى :النظام
مفيد فوزى : لألأ مبقصدش وزارة الداخلية .
حبيب العادلى :انا عشان اخذ بس التحديد
مفيد فوزى :اه
حبيب العادلى : للسؤال
مفيد فوزى :حسيت يافندم عشان كده جاوبت بنفس الايقاع؟
حبيب العادلى : تمام ههه هههه
مفيد فوزى : هو امن امة فى البحث العلمى هل امن الامة فى البحث العلمى ؟
حبيب العادلى : لا شك ان البحث العلمى دورة فى غاية الاهمية لان العلم ده مكون اساسى حضارة امة فالبحث العلمى يجب والدولة والحمد لله فى اتجاهها لدعم هذا المجال ماشى بخطواط كبيرة جدا لان هذا البحث العلمى فى النهاية بيؤدى الى خدمة الامة وبيؤدى فعلا لدعم امن الامه فيجب ان هو يأخذ فى الاعتبار ويدعم ويجب ان يكون له روادف اخرى ما يقتصرش على مجموعة وما يقتصرش على مجلس وما يقتصرش على جامعة اومؤسسة عامة
مفيد فوزى :يبقى مناخ عام ؟
حبيب العادلى : يبقى مناخ عام
مفيد فوزى :زى ما قلت اه بتستقبل ازاى يافندم طلب سجين عاوز يحضر زفاف بنتة ؟
حبيب العادلى :شوف السياسة العقابية الوزارة بتنظر ليها ليس فقط فيها العقوبة على تنفيذ العقوبة على المتهم ولكن لابد ان هو يكون الى جانبها تأهيل هذا المتهم المحكوم عليه انه يبقى الى نسيج المجتمع الجانب الانسانى هنا له دخل كبير جدا فى عملية التأهيل لانه فى النهاية بشر المحكوم عليه ده بشر خاصة انه نسبة كبيرة من المحكوم عليهم ما بيبقاش فية الموضوع موضوع زى ما بنقول عليه صور من صور الاجرام الجنائى يعنى الانسان شغلتة يقتل لأ مفيش الجانب الانسانى بيشكل فية مقومات
مفيد فوزى :حضرتك اللى بتأمر بأنه؟
حبيب العادلى :فى هذه الحالات مجرد انها بتعرض عليا بأستجيب ليها فورا
مفيد فوزى :بلاغ ضابط فى محاولات رشوة زى حالات سوهاج شوف حادث سوهاج بتاعت الاثار على فكرة دى حالة من الحالات حالة
حبيب العادلى :حالة
مفيد فوزى :اه
حبيب العادلى : من حالات كثيرة
مفيد فوزى :اه
حبيب العادلى :واحنا لما بيعلن عنها فا بيعلن عنها ليس للتفاخر بان عندنا ضابط رفض رشوة بمليون وشوية ما فى كثير وفى قبل كده برضه السنة اللى فاتت كان فى حاجة برضه
مفيد فوزى :نعم
حبيب العادلى : ملايين برضه حاجة زى كده ففى حالات كثيرة جدا من الحالات دى ولكن الوزارة بتنظر لها على ان ده امانة الاداء الوظيفى فلما بنعلن عنها احنا بنعلن عنها عشان بنبين شوف الصفحات الناصعة لضباط الشرطة زى ما فى نفس التوقيت فبنيجى احنا شخصيا بنعلن عن حالات سيئة فى الوزارة فعشان يبقى فى ما نتركش الحال للادعاءات والافتراءات اللى بيقوم بيها البعض تجاة ضباط الشرطة
مفيد فوزى :حضرتك بتشوف ازاى لما بيجيلك تقريرالامن العام سرقات عزالضهر هل هى الجوع والا بطالة واى جرايم من متعلمين احب اعرف؟
حبيب العادلى :حكاية عز الضهر دى بتبقى نتيجة اهمال كبير جدا من المجنى عليهم
مفيد فوزى :من المجنى عليهم ؟
حبيب العادلى : من المجنى عليهم واحد سايب بيتة مفتوح اوواحد متجرة مفتوح او واحد داخل محل صايغ والراجل سايب الفترينة مفتوحة مش عارف ايه الراجل سرقة وخرج يعنى حوادث بتعتبر
مفيد فوزى :سلوك مواطنين؟
حبيب العادلى :تعتبرفيها سلوك مواطنين ممكن مش مجرم ولكن طمع فى حاجة معينة يعنى فاما بقى السرقة فسرق فدى موجودة وليها مختصنها يعنى
مفيد فوزى :هل اختفت الشهامة من الشارع المصرى؟؟؟؟؟؟؟؟؟
حبيب العادلى : لا ما نقدرش نقول كده لأ لان دى نتاج ثقافة مجتمع مجتمع توارثها قرون طويلة فى مصرلانستطيع ان احنا نقول الشهامة راحت من الشارع المصرى لأ يعنى اذا كان فى بعض المجتمع عيل خلاص ديه عيال يعنى مش هنحاسبهم انما الشهامة طبعا موجودة و لابد ان احنا ندفع بصدد الكثير لأن ديه قيمة مش
مفيد فوزى :عايز يافندم اقولك رأى مهم اوى انت وزير داخليه لا شلة محيطة بك او مجموعة مراكزقوة يهمنى اعرف فلسفة ده ايه عندك ؟
حبيب العادلى :هو لا شلة و لن يكون لى شلة لأن ديه سياسة انا خدتها لأن تركيبتى محبش اجامل على حساب حد اجامل اوى و بدرجة كبيرة جدا لكن مش على حساب غيرى و مجاملش بحيث ان المجاملة يكون لها تأثير يحدث عدم عدالة الشلة اذا تواجدت انت فقدت جزء من مكونك الشخصى
مفيد فوزى :الشلة ؟
حبيب العادلى :الشلة لأن هيكون لهذه الشلة تأثير فى قرارك فا مش هيكون قرار سليم
مفيد فوزى : نفس الشئ ؟
حبيب العادلى :نفس الشئ
مفيد فوزى :نفس الشئ ده منهجك يعنى ده متوافق مع طبيعتك الشخصية اسمحلى اجى الى سؤال كل برنامج وسؤال كل موسم الذى يجسد عذابات الناس انا مسميه يا فندم الخنقة النهاردة انا عيشته و اناجى لمقرالوزارة عشان اجراء هذا الحوارنزلت يا فندم الساعة 5 الا تلت من بيتى فى المهندسين و قد وصلت الى هذا المكان الساعة 6 الا 12 دقيقة انها مساحة طويلة يعنى اربعة و نص كنت فى الشارع الخنقة ديه يافندم هل هى طرق و كبارى هل هى انعدام جراجات للعمارات هل هى واجهات اجتماعية بالسيارات هل هى تصاريح بسيارات جديدة هل هى قلة رجال المرور هل هى سلوكيات المواطنين و لو حضرتك رديت و قلت لى ده كل ده جميعا هضطر اقولك يا فندم رتب هذه الاولويات اعتقد ان عند السيد وزير الداخلية بتوصلوا هذه الشكاوى من الخنقة اللى بتحصل فى الشوارع اللى ربما فى رأيى انها تؤدى الى توتر عام اؤكد لك انه لو ان الشوارع فيها شكل من اشكال الانبساط و السير العادى البسيط و مفيش مشاكل يمكن بعض ما يحدث فى المجتمع الانسان يقابله بضجر اقل بأسى اقل انما الزمتة او الخنقة بتخلى الانسان فى هذه اللحظة يرهق و اللى بيعرفوا ان انا بأقابل حضرتك لأجراء حوار قالولى اوعى تنسى تقوله هو بيفكر ازاى فى هذه الخنقة انا اعلم طبعا مشكلة ضخمة و ليست وحدك تملك الاجابة عليها لكن انا بحاول ان انا افندها و اعرف بالظبط اسبابها ايه الدنيا ازدحمت اوى ؟
حبيب العادلى :هى زى ما قلت لحضرتك كده كل هذه المشاكل
مفيد فوزى :نعم
حبيب العادلى :كل واحدة من دول حديثى عنها يطول و لكن انا عايز ابسطها شوية ابسط الفهم فيما يتعلق او اشرح المشكلة بصورة اى واحد يقدر يحسبها بالشكل ده لو قلنا انها اولا التوقيت اللى سيادتك بتحسبه ده توقيت لابد انه يكون فيه زحمة
مفيد فوزى :الفترة ديه بالذات .
حبيب العادلى : فى كل انحاء العالم اعتقد انت لو فى امريكا Rush Hourفى كل انحاء العالم هذا التوقيت التوقيت اللى راجع من الشغل و توقيت اللى نازل علشان يتفسح و اللى جى من الشمال و اللى ساكن شرق رايح غرب كل ديه فى هذا التوقيتات لابد يحصل فيها Rush Hourالتوقيت اللى هو الساعة 5 و 4 بليل فى خاصة احنا هنا عندنا السهر لغاية الصبح خت بال حضرتك فا بالتالى فيه برضه Rush Hour ديه بالنسبة للتوقيتات لا نستطيع ان نغيرها طب لن تستطيع ان تغيرها تمام و لا دخل لأحد فيها برضه عشان تغيرها فى فترة من الفترات علشان الصبح نغير مواعيد المدارس ندخل مدرسة الساعة 7 و مدرسة تانية الساعة 8 منفعش الكلام ده كله قلنا الموظفين بدل ما بيروحوا الساعة 8 قلنا لناس تيجى الساعة 8 و ناس تيجى الساعة 10 واهيه تجارب واتعملت و منفعش الكلام ده برضه
مفيد فوزى : كل ده كان تجارب عملية ؟
حبيب العادلى :و فشلت
مفيد فوزى :و فشلت برضه ؟
حبيب العادلى :هنيجى نقول سلوك هقولك سلوك و هذا السلوك بقى هو اللى انا شخصيا باعتقده مكون اساسى فى هذه المشكلة لأن سلوك المواطن اصبح لا مبالاة لا يتذكر انه هو هيكون فى موقف من هذه الواقف هيعانى نتيجة ان هو كسر الامتعة و خرج من يمين فعمل حادثة تصادم فى السكة يعنى مجرد ان الطريق اللى حصلت فيه حادثة صغيرة وقفت قفلت شرايين المنطقة كلها ولا غلط
مفيد فوزى :تمام بيحصل .
حبيب العادلى : حصلت حادثة عريبة على المحور لو على كوبرى الزمالك اى كوبرى من الكبارى خلاص البلد اتشلت لأن انت ماشى فى طريقين كده و طريقين كده
مفيد فوزى :فى العالم يافندم الونش فى لحظة يشيل .
حبيب العادلى : الاوناش موجودة ما الونش عشان يوصل للموضوع ده عاوز انك انت بقى يعنى قولولى تيجى ازاى بتاخد وقت لغاية لما تاخد ده و تجيب ده لغاية لما احنا عملنا عربيات صغيرة يمكن بتلاحظها على الكبارى كده علشان تقدر تجر اى عربية صغيرة فى لحظةده سلوك كم من هذا السلوك المعيب برجع اقول لو كل يوم بنغلظ العقوبة لتصليح هذا السلوك انا معاه مع التشدد ليه لأن اللى ميتصلحش بالكلام و ميتصلحش بالتجارب يجب ان احنا نوقع عليه العقوبة اللى هى تفك بها ازمة ناس اذا قلنا انها حكومة ما هى الحكومة هى احنا قلنا قبل كده ايه ان تركيبة مصر اتقسمت ان احنا لا نزيد عن 20 مليون شوارع اد كده و محصورة بين متقدرش تعمل منها دائرى داخلى داخل البلد ما بين الشرق و الغرب اى زحمة عليها اى حادثة عليها قفلت طب هتعمل ايه الحكومة هنقول كبارى علوية هنقول انفاق شغالة يعنى منقدرش نقولك اوى و بعدين عملنا المحور هل هو بيفكر احنا بنتناسى ان سنويا بنزيد 1.8 طيب ديه مشكلة كمان مبنحسبهاش ديه
مفيد فوزى :نعم .
حبيب العادلى :سنويا بنجيب كام عريبة جديدة مبنحسبهاش ديه حتتى الان لم نصل ان احنا نوفر الجراجات اللى هى تعمل مساحة للعربيات تمشى مش العربيات تتخنق و تخبط مش موجودة مش كل ده صح هى ديه جزء من مكونات حتى لا نطيل فيما يتعلق بأسباب الازمة يعنى هى عدة عناصر بنقول فيها انها اساسيات انا عايز اقول ان كم ما بيبذل فى سبيل تحقيق سيولة و تواجد شرطى علشان ينظم و يستطيع انه هو يعالج اى ثغرات لم يحدث من قبل و انا عايز اقول ان الحكومة داعمة فى هذا احنا دلوقتى بتمشى على المحور و بتجد عربيات واقفة ليل نهار ديه مش واقفة للزينة ديه واقفة للتواجد لأنقاذ حركة لو تتذكرالمحور كان من قبل كان مشكلة كبيرة اللى عارفينه اللى بيروحوا المحور دلوقتى بتجد انه فى توقيت معين ان فيها مشكلة تسييل المرور ما داخل البلد داخل البلد انا بقولها لك صعبة صعبة على مستوى كبير جدا لعل و عسى فى اى مشروعات جديدة بتتعمل تفتح الطريق تعرف ان الحكومة بصدد فتح محاور تفك عملية شرايين حركة السير و برضه ندعو الله ان الناس تلتزم فى سلوكها و يراعوا ان ديه بلدهم و يعنى زى ما بنلتزم و احنا بره و خايفين من المخالفة و خايفين من ان تتسحب الرخصة نلتزم هنا برضه يعنى فى مصر
مفيد فوزى :ماذا انت فاعل فى اجهزة التصنت و اجهزة التسجيل فى ايدى الناس و هى قطعا اجهزة مهربة و اعلم انك حريص على خصوصية الناس الا تكون مخترقة ؟
حبيب العادلى : الحقيقة موضوع اجهزة التصنت و التصوير ديه امرانا استشعرت انه فى منتهى الخطورة لأن بيهدد والموبايل
مفيد فوزى :الموبايل ؟
حبيب العادلى : قول الموبايل وسيلة مشروعة الاجهزة الاخرى جاية من بره و من الصعوبة فى الاول خالص على رجال الموانى انهم يكتشفوها لأنها على شبه قلم على شبه ساعة على شبه زرارقميص اشكال كثيرة جدا فيصعب انك انت تقدر تقول والله ان ده جهاز و هو لو واحد و جى عشان استخدامه اوللتباهى او للفرجة فبتبقى حالة اما للأسف احنا وجدناها انها موجودة فى عمليات دخلت بكميات
مفيد فوزى : كبيرة ؟
حبيب العادلى :كبيرة و تابعناها على وجه السرعة و ضبطنا كمية منها و بدأت دلوقتى فى توعية لكل من هو معنى بقصة المنافذ علشان يبقى عارف شكل الحاجات ديه اما هى طبعا تعدى على البنى ادم الانسان وهو امر سئ
مفيد فوزى :كنت عايزيا فندم اقول ان اعباء جهاز الامن القادمة من انتخابات مجلس الشعب و التجديد النصفى لانتخابات مجلس الشورى و انتخابات رئاسة الجمهورية السؤال يا فندم هو انت جهاز امن كل المصريين لكل الاطياف و فى نفس الوقت ينظر الناس لوزارة الداخلية على انها داخليه الحزب الحاكم كيف تستقبل هذه المعادلة ؟
حبيب العادلى :شوف الوزارة وزارة كل مواطن وزارة لها تكليفات محددة مهام محددة دورها فى تحقيق الامن و الاستقرار ده مفهوم و تحقيق امن واستقرار الدولة و المواطن الوزارة وزارة الحكومة والوزارة بتقوم لخدمة كافة احتياجات المواطن فيما يتعلق بتأمينه و كل احتياجاته المتعلقة بباقى اجهزة الدولة و بالمؤسسات الاخرى فبالتالى دور محدد و دور حيادى
مفيد فوزى :حيادى مهم ده ؟
حبيب العادلى :نعم لأن زى ما بقول انا وزارة داخليه كل مواطن ايا كانت اتجاهاته و ايا كان انتمائاته انا وزارته برضه و مسئول عنه مسئول عنه و مسئول عن توفير احتياجاته كمان اما ما يتعلق بالانتخابات الوزارة دورها محدد فى الدستور و القانون و ليس لها علاقة بسير عملية الانتخابات انا مسئول عن تحديد الدواير صناديق الانتخابات اعداد الكشوف اعداد و سائل تأمين الانتخابات كل ما هو تأمين اجراءات ان تخرج الانتخابات بشكل مؤمن بشكل هناك اللجنة العليا للانتخابات و ديه بيرأسها السيد المستشار رئيس محكمة استئناف القاهرة مع مجموعة من المستشارين و بعض الشخصيات و ديه دورها محدد بالقانون و دور واسع و شامل كل ما هو متعل بالانتخابات بدءا من بدايتها او انتهاءا بانهاء الانتخابات فيها و متابعة خط السير و تعيين القضاة فى اللجان العامة اللى هم بيشرفوا على الانتخابات و تحديد لقواعد مباشرة المجتمع المدنى ومتابعة عميلة فرز الاصوات و النتائج الوزارة بتقوم بدور تأمينى ليس الا الى جانب العمليات الاخرى المسندة لها وفق القانون تتعلق باجراءات عملية الانتخابات
فاصل
مفيد فوزى :سؤال ممكن انك تقولى لا مش هجاوب عليه ؟
حبيب العادلى : لا هجاوب عليه هجاوب برضه
مفيد فوزى :اكيد ؟
حبيب العادلى :اه
مفيد فوزى :انت كوزيرللداخلية لما تمسك تقرأ الجرايد كده النخبة احيانا تقدم البرادعى عمرو موسى مش عارف مين و تجرى معاهم حوارات عن مستقبل الحكم فى مصر والناس تبحر و تقول النخبة تتكلم كيف تستقبل هذا الكلام ؟
حبيب العادلى :حراك سياسى فى البلد احنا بنمر بمرحلة من اهم مراحل مصر مرحلة الاصلاح السياسى الاقتصادى الاجتماعى هذه المرحلة بتصل الى اللى نقدر نقول انها مرحلة التطوير اهداف المصالح العليا لهذه الدولة نتاجها هذه التجربة القيمة ديه جدا ان يكون فيه مساحة مجال واسع مقبول و مطلوب لحرية الرأى و حرية التعبير وحرية مباشرة النشاط السياسى
مفيد فوزى :يعنى مبيضايقكش انك تعرف البرادعى عمرو موسى مبيضايقكش ؟
حبيب العادلى : مبيضايقنيش فى شئ غيرالمواطن القانون محدد حقوق كل مواطن و التزاماته امورموثقه و امورمحددة و منصوص عليها فى الدستور فى التعديل الاخير لو قلنا للانتخابات للرياسة و انتخابات ثم الشق الاخر هو الشعب انا هقولك انا حبيب العدلى انا هرشح نفسى الشعب ينتخبنى اومينتخبنيش بس الاول اشوف هل انا من حقى ان اترشح ام لا ابص الاقى الدستور بيقولى اه بس هات بقى موافقة كذا و موافقة كذا و موافقة كذا اذا توافرت ليا هذه الموافقات اهلا و سهلا على بركة الله مش كده برضه
مفيد فوزى : تمام
حبيب العادلى :اترك المجال للشعب انا لا اسئ و لا اسئ لأى حد كل ما يقال ان الاستاذ البرادعى اوالاستاذ عمروموسى اوالاستاذ او الاستاذ او او او اى شخص عاوز انه هو ينزل الانتخابات ينزل انت تعرف ان اللى بيسئ يتعلق بأنك انت اللى بتقرأه واللى بتسمعه حاليا تنال هذه الشخصيات بما يسئ لها
مفيد فوزى : ايوه
حبيب العادلى : يعنى هوالسفيرالبرادعى ده رجل الدولة قدرته صحيح ولا ايه الاستاذ عمرو موسى ده راجل كان وزيرفى حكومة لفترة طويلة ثم مصر رشحته ليكون الامين العام للجامعة العربية دورة و دورة تانية وربنا يديله الصحة و العمر خدت بال حضرتك
مفيد فوزى :صح .
حبيب العادلى :الدولة لم تنكره و ليس معارض تمام و خلافه و خلافه اما زى ما بقول و زى ما قلت اكترمن مرة سأظل اقول موجود على الساحة مجموعة رافضة لأنفسهم يعتبروا انهم اما يثيروا هذه القضايا يجدوا نفسهم فى لما بيقولوا اى كلام و بيجدوا انهم لما بيتناولوا هذا الموضوع خدت بال حضرتك بيتصوروا ان ده مثلا بيعدل نوع من الاثارة او تسميه عدم القبول لدى القيادة السياسية القيادة السياسية اكبر من هذا بكتير جدا القيادة السياسية الحنكة و الخبرة و الدور اللى قاموا به لخدمة هذه البلد معروف للصغير قبل الكبير و اللى ينكره يبقى جاحد بما فيه هؤلاء الاساتذة الافاضل اللى هم بيعرضوا بيهم للأسف الشديد بيعرضوا بيهم بشكل خلوا الناس فى تذبذب يعنى بمثل هذه التصرفات انا بعتبرها ده فيها اساءه للمناخ السياسى اللى هو لا يجب ان يكون فى مساحة ابداء الرأى الطويلة الواسعة اللى زى ما بقول مطلوبة مقبولة و مطلوبة و بأكد على انها مطلوبة فى حرية التعبير ووو لكن التعبير البناء التعبير اللى هو انت بتخدم هذه البلد التعبير اللى يكون فيه نوع من الوطنية مش عملية اثارة ولكن فى النهاية الناس ديه انكشفت انت دلوقتى لو تسأل اى واحد يقولك يا راجل ده نصاب و يا راجل ده مزور و يا راجل ده بيدور على عاملى بتاع كده و معاه شوية عيال صيع بيأجرهم الصبح عشان يروح الوزارة ده اللى بيقال فى الساحة لأ الناس خلاص الناس بقى عندها وعى كبيرومفتحة
مفيد فوزى : مفتحة نعم .
حبيب العادلى :وعارفة الرث وعارفة الثمين وعارفة الصح و عارفة الخطأ فيعنى و متقلقنيش الحاجات ديه و احيانا باخدها نوع من ترويق البال هههه
مفيد فوزى :الجدار العازل على الحدود جغرافيا سياسية انتهى السؤال ده ؟
حبيب العادلى :احنا بنسميه جدار عازل ليه لأنه ده جدار ده تحت الارض
مفيد فوزى :رؤيتك العلمية يا فندم مهمة اوى لماذا نحن ؟
حبيب العادلى :هقولك واكلمك فيها بوضوح وبصراحة شديدة جدا فى هذا الموضوع لأن هذا الموضوع اناعامل ليا اثارة
مفيد فوزى : اتفضل .
حبيب العادلى : اولا هو مش جدار ده سواتر حديدية تحت الارض لسد الانفاق اللى هى انتشرت على مساحة كذا كيلوعلى الحدود المصرية و اهم نقطة خد بالك داخل الاراضى المصرية
مفيد فوزى :اه مهم كويس .
حبيب العادلى :كويس داخل الاراضى المصرية فى الفترة الاخيرة وجد ان هناك العديد من الانفاق ووصلت هذه الانفاق الى انها انفاق تعدى عربيات بيستخدم فى اعدادها احدث وسائل التكنولوجيا انا ماعتقدش ان الاخوة الفلسطينيين وصلوا الى اعداد مثل هذه التكولوجيا فى غزة بحيث انهم يعملوها ديه ضرورى جاية من بره
مفيد فوزى : نعم .
حبيب العادلى :جاية و معروفة هتتعمل فين تمام المثير فى هذا الموضوع هذه الحملة اللى بتشكك فى ان مصر التاريخ مصر فى الدفاع عن القضية الفلسطينينة و الفلسطينين بيتناسوا و بيشككوا فيه بالرغم من الدور الخطير الكبير اللى بتقوم به مصر فى هذه القضية مش ده شئ اولا لأن هذه القضية حلها متعلق بالامن القومى المصرى يعنى دور مصر فيه دور اساسى و حيوى و لذا مصر واضح اوى الدور اللى بتقوم به اقليميا و محليا و فلسطينيا و لغاية دلوقتى بنقوم به لما يجى يثار مثل هذه الاثارة من طوائف من الفلسطينين قليلة بالنسبة للمكون الفلسطينى ككل الشعب الفلسطينى ثم من الداخل من عناصر و من كيانات مرتبطة بالخارج و بعتبر ان ما بيثيروه ده ديه خدمات بأجر ده بيثيروه ضد البلد ضد وطنيتهم
مفيد فوزى :خدمات؟
حبيب العادلى :بأجر ماهومطلوب فى اننا نحافظ على امن القومى ما هو مطلوب ان اترك هذه الحدود مشاع لكل الاخ الوزير مفيد شهاب كان يتناول الرد على ما قيل فى مجلس الشعب و الشورى حول هذه القضية بعت له العديد من القضايا و الحالات اللى تم ضبطها امنيا من عناصر ارهابية و اسلحة مهربة للداخل احزمة ناسفة مهربة للداخل قنابل اضافة الى مخدرات استخدامها فى تجارة البشر استخدامها فى تهريب عناصر ارتكبت حوادث من المصريين هناك فى غزة ثم عناصراخرى جايين عبر هذه الانفاق لارتكاب عمليات فى الداخل و مش فى الداخل و بس و هيسافروا بعد كده للخارج و بلغنا الدولة اللى رايحين يعملوا فيها هذه الاحداث الارهابية كل هذا عبر هذه الانفاق و جايين نلوم مصر انها بتأمن حدودها لمصلحة من ان احنا نتكلم على انا بأمن حدودى عايز اقول للمثقفين اللى بيتكلموا فى هذا المجال يعنى انا اقل وصف ان انا لما اسئ لبلدى فى قضية متعلقة بأمنها الوطنى و اجى اقولك والله الدولة بتقيم جدار عازل علشان الفلسطينيين ننظر الى هذا الموضوع بنظرة وطنية ونعرف المصلحة فين وهدى تشبية بسيط اوى لهذا الموضوع علشان يعنى راجل غير مثقف بعيد عن المجال السياسى يستوعب يعنى ايه
مفيد فوزى :ويفهم ؟
حبيب العادلى :و يفهم ليه انا بأمن الدار هل مقبول ان انا اسيب باب بيتى مفتوح ليل و نهار لكل عابريخش يرتكب ما هوعايزه ولااعلم ولااحصى كام واحد دخل وعمل ايه جوه فين وطنيتى وفين انتمائى لبيتى ده على مستوى بيت اذا انا قبلتها يبقى ليك حق
مفيد فوزى :ده ابسط مفهوم ؟
حبيب العادلى : ده انا بجيب الراجل البسيط اللى هوسامع جداروسامع ناس مثقفين وناس منتميين لتنظيمات ويقولك مصر و خيانة و الجدارمش عارف ايه انا بقول ان انا باقيم هذه الحواجزفى ارضى علشان اامن مواطنى من جرائم حقيقية نظبطها فيها عيب
مفيد فوزى : من حق ان مصر تعملها.
حبيب العادلى : الراجل البسيط و التشبية على فكرة واحد ساب باب بيته مفتوح و عياله و المدام بتاعته جوه و الناس داخلة خارجة ينفع
مفيد فوزى :مصيبة ؟
حبيب العادلى :مينفعش اه طبعا
مفيد فوزى : السيد حبيب العادلى انت استقبلت وزير الداخلية وزير الالمانى على كرسى متحرك لأنه يعانى من شلل الاطفال الم تستوقفك المفارقة المتحضرة فى انه فى المانيا اختاروا عقلا يدير وزارة سيادية من اهم الوزارات رغم معاناته و صعوبة حركته ؟
حبيب العادلى : الحقيقة انا لما قابلت السيد الوزيرالالمانى انا اكبرت فيه احترامه و ثقته فى نفسه و يعنى خلينى اتكلم كده برضه ببساطة و بوضوح انا لما جانى ان هو عايزيجى فطبعا كوزير كنت بتابع اجراءات وصوله وانا اعلم طبعا ظروفه فا سألت طب ازاى و اجراءاته كلها وجدت ان الاجابات من جانبهم عادية و بوضوح هعمل كذا و هعمل كذا فا استقبلته و لمست فيه الاعتزاز بنفسه و ان ما لديه فى عقليته و فى تركيبته اعلى من انه هو راجل عنده اصابة ربنا عملها له ربنا يشفيه منها و لما اعدنا مع بعض واحنا بنتكلم فى المباحثات االامنية و غير الامنية فى الحقيقة لأنه انسان مثقف
مفيد فوزى :بتكلم عن الالتحام بين المسلمين فى المانيا ؟
حبيب العادلى : اتكلمنا حاجات كتيرة جدا و فى هذا الموضوع و كان منفتحا على اعلى درجة و زى ما بقول كان مثقف بقدر كبير جدا اكبرت فيه كل هذه المقومات اللى عنده و للأسف انه هو يعنى كاان الزيارة بتاعته كانت قصيرة قلت له انت جى لابد انك تتعرف على مقومات هذه البلد اللى انت جى لها و قالى انا هروح اتعرف على اساتذة فى الجامعة و راح الجامعة و رايح لشيخ الازهر ليه لأن هو كان عايز يعرف كيف يتعامل مع ما هو فيما يتعلق بما هو موجود
مفيد فوزى :بعد حادثة مروة الشربينى ؟
حبيب العادلى :بعد حادثة مروة الشربينى اه
مفيد فوزى :يعنى مصر السماحة؟
حبيب العادلى : الاسلام على اساس ان هم ما لديهم ان الاسلام فى جماعات كتير
مفيد فوزى :طبعا طبعا .
حبيب العادلى : هوعايزيعرف الجماعات ديه و هولديه فكر كويس ما هو الاسلام بس كان عاوز يعرف تفاصيله بس عشان و هو بيقيم او بيدى قرار في خلفية ما يبقى على خلفية سليمة
مفيد فوزى :على فكرة يا فندم شهد فى التليفزيون طفل لا يتعدى التاسعة يصلى فى مسجد الشرطة و بالتحرى المتواضع طبعا ثبت انه شريف حبيب العادلى فى صحبة ابيه اثناء الصلاة هل تزرع هذه المشاعر فى قلب شريف و تصحبه معك للمسجد و مما تريد ان تجنبه ؟
حبيب العادلى :دخلنا فى الجوانب الانسانية ههه
مفيد فوزى : وشك اتغيرانت بتتكلم عن الجدار العازل مسألة اختلفت تماما ههههههه اتفضل يا فندم ؟
حبيب العادلى :طبعا انا بأحرص حرص شديد جدا فى يوم الجمعة بالذات باعتبار ان هو بأحرص ان انا اكون معاه طبعا فى ان هو يصلى معايا الجمعة و فى اى مناسبات باصطحبه معايا الجامع لأن انا يهمنى ان هو يكون تربية نشأة دينية لأن النشأة الدينية ديه زى ما بقول مهمة جدا انك انت تعرف تقترب لربنا سبحانه و تعالى لأن ربنا سبحانه و تعالى من يتقرب له يقترب اليه فا مع نشأ صغير بتعلمه الايمان السليم بتعلمه ميكذبش بتعلمه ازاى ان هو يتفانى فى الاداء بتعلمه ازاى يطيع الوالدين ازاى يبقى انسان مع والديه ازاى يبقى مع اقاربه ازاى ازاى.. كل هذه الجوانب النشأ يتعلمها من البيت من البيت اساسا لأن انا دايما بقول ان البيت هو الاساس ثم من المدرسة ثم ثم .. من الاول موضوع
مفيد فوزى : البيت ؟
حبيب العادلى :يعنى
مفيد فوزى : هل يعاقب وزير الداخلية ؟
حبيب العادلى : اعاقبه بالنظرة و باعاقبه بأنى افهمه انك انت غلطت و هو مجرد انه هو يبص لى بيعرف انه هو غلط
مفيد فوزى :يعنى ترمقه بنظرة ؟
حبيب العادلى : و بنظرة ليست قاسية يعنى
مفيد فوزى :طبعا فيها رحمة ؟
حبيب العادلى :اه فيها رحمة
مفيد فوزى :سؤال يا فندم اخيرموبايل وزيرداخلية مصر هل القيادات السياسية تعرف رقمه ؟
حبيب العادلى :الحقيقة لأ
مفيد فوزى :بتقفله امتى ؟
حبيب العادلى :اغلب الاوقات لأن انا اغلب الوقت ببقى فى الشغل فممكن انه هو يبقى للمكالمات العادية القريبة جدا
مفيد فوزى : بتيجى عليه نمر غلط؟
حبيب العادلى :اه كتير
مفيد فوزى :بترد ؟
حبيب العادلى : برد بس مبقولش وزيرالداخلية والا هيقرفنى بعد كده فا بقوله النمرة غلط و بعدين بعرف نمرته عشان اشوف عايز ايه ؟
مفيد فوزى : طبعا ههه مبتردش الا على النمر اللى عارفها ؟
حبيب العادلى :برد على النمر اللى انا مسيفها
مفيد فوزى : بتفضل التليفون الارضى على الموبايل ؟
حبيب العادلى : سيان لأن الاتنين واحد
مفيد فوزى :بتغير النمرة امنيا كل اد ايه ؟
حبيب العادلى :لا مبغيرهاش
مفيد فوزى : مبتغيرهاش ؟
حبيب العادلى : مش محتاج اغيرها يعنى منا بقولك الازعاج من الغلط بس
مفيد فوزى : عمرك صورت بموبايل ؟
حبيب العادلى : ممكن اكون صورت حاجات عائلية شريف صورت اخواته صورت المدام حاجات زى كده يعنى
مفيد فوزى :هل بتفترض انه لو ضاع جدلا يعنى معلوماته ديه متسجله على الكمبيوتر اللى فيها ؟
حبيب العادلى :اه
مفيد فوزى : بتعرف تكتب رسايل ؟
حبيب العادلى :اتعلمتها
مفيد فوزى :بتجيلك رسايل بتحتفظ بيها ؟
حبيب العادلى :بتجيلى رسايل مجرد ما بقرأها delete يعنى و خلاص
مفيد فوزى :موبايلك بيدخل على النت
حبيب العادلى :اه
مفيد فوزى : لما تحب تعرف اخبار ؟
حبيب العادلى : اه بس معنديش وقت على فكرة للحاجات ديه كلها ده انا لغاية دلوقتى باعتبر تلميذ جنب شريف ولا زمايله
مفيد فوزى :اه يعرفوا اكتر طبعا .
حبيب العادلى : جدا كتيرجدا فاقول له تعالى شغل ده
مفيد فوزى :هل تشعران الموبايل رغم انه من ادوات الحضارة و ثمرة من ثمرات العولمة هل تعتقد انه حمل فى طياته بلاوى ؟
حبيب العادلى :كارثة مش بلاوى ده اكترمن بلاوى لأنه استخدامه الايجابى طبعا كويس وسيلة اتصال بيبقى فيه قنوات اتصال و استغاثة و انقاذ و.. كلام من ده اما سلبياته كثيرة جدا جدا جدا .. بتصل الى مرحلة خلينى بقى اقفز على انه ازعاج و لت و عجن و نشرالنميمة و نشر الكلام الفاضى كل ده و التصوير و العمليات ديه كلها و اقفز على الكلام الاخطر من ده كله بيستخدم فى الارهاب
مفيد فوزى :بيستخدم فى الارهاب ؟
حبيب العادلى : فى عمليات التفجير عمليات تفجير الحسين الاخيرة استخدمت التفجير فيها عن طريق الموبايل لأنه بيوضع الموبايل فى جهاز فيه مكون المفجر و بيبقى على اتصال باللى هيفجروا مجرد انه هو يضرب النمرة و ممن اكون انا بره ممكن بيحصل بقى الانفجار
مفيد فوزى :الى هذا الحد ؟
حبيب العادلى :عشان كده انا بقولك كارثة كل ما هو فيه جديد فى التكنولوجيا النت الموبايل
مفيد فوزى :انت تستشعر هذا كوزير ؟
حبيب العادلى : بشع خطير لا ده انا فى اى اجتماع بنتكلم فى امنه على مستوى دولى بقول ان لابد ان يكون التعامل مع قصة النت ان يوضع لها حسابات يوضع لها تشريعات و ينظر نظرة دقيقة جدا فى الشركات اللى بيتعامله بهذا الموضوع لأن ده بينمى الارهاب
مفيد فوزى :السيد حبيب العادلى وزير داخليه مصر بعد ان سافرت و ابحرت كثيرا و فتشت و دخلت فى الممنوع و دخلت فى المحظور ارجو الا اجد اسمى على قائمة الترقب و الوصول ؟
حبيب العادلى :نخليها المنع ههههه
مفيد فوزى :ايه يا فندم؟
حبيب العادلى :المنع
مفيد فوزى :المنع بمعنى ايه بمعنى انه انا .......
حبيب العادلى : ممنوع انك تسافر ممنوع من السفر
مفيد فوزى : ده انا مريض بالسفر .
حبيب العادلى :يبقى خلاص مفيش حاجة من ديه
مفيد فوزى :و لا قبرلى خارج مصر