هو عاد فيه بلد يا ساتر.. ليه كده ما سعادتك شايف المظاهرات والضرب والرزع سيبك من الحجات دى، أنا بكلمك عن عيوب مرسى نفسه ياااه متعدش عدا حاجة واحدة الدستور بتاعه ده هو بتاعه.. ده بتعنا كلنا لاء بتاعه هو وبديع والبلتاجى والعريان ماله عجبك؟ أنت اللى تقول مش أنا زفت وأطران مش قوى كده يا أخى لأء قوى ونص أنت قرأت مواده أكدب عليك، شفت اللى نشروه فى الجرايد ماهى الجرايد مانشرتش الا المواد المعيبة هى معيبة وبس دى تنجس بحر بحاله طيب قول لنا واحدة بتاعة النقابات مالها تخيل الراجل يخلى الدستور ده يلغى النقابات بتاعتنا خالص تقصد يحلها أه يا آخى حل وسطهم كلهم حل وسطه دى فى تاريخنا يعنى فك الحزام فكه ربطه اهم خربوا البلد وخلاص لما يحلها نرجعها تانى طيب هو احنا بقى فاضيين لشغل العيال ده ولا معانا فلوس علشان كل يوم يلغى النقابة ونروح نعمل غيرها ما هو قال بحكم قضائى يعنى القضاء هو اللى هيحل هو مين اللى هيعمل القانون للقضاة؟، هو برضه ايه ده فقيه قانونى بالك أن بقعد قصاد التليفزيون وبشوف ناس بتقول كلام لا مؤاخذة مايدخلش فى ذمتى بصاغ هو فيه نقابة للحلاقين؟ لاء طيب زعلان ليه؟ ابنى عضو فى نقابة المصنع اللى بيشتغل فيه اسمها اللجنة النقابية بيخصموا منه اشتراك كل شهر، والنقابة دى هى اللى بتقف فى ضهر العمال طبعا رحت الانتخابات وقلت لاء الكدب خيبة مارحتش؟ أصل كان عندى زحمة شغل يا أخى مش قادر تخطف رجلك نصف ساعة وترجع لجنتى بعيدة أصلى لمؤاخذة ساكن فى المرج طيب نعمل أيه مع مرسى ده؟ العمل عمل ربنا.. ده حتى مابيحلقش دقنه هو وبتوع الإخوان لو قعد سنة هتلاقى زباينك كلهم بدقون ربنا يوقف حالهم
