شن إبراهيم حسن - مدير الكرة بالنادي المصري - هجومًا حادًا على رئيس نادي الزمالك مرتضى منصور . وقال "حسن" في مداخلة مع برنامج "كورة بلدنا" الذي يقدمه الإعلامي عبد الناصر زيدان : "فيه راجل عضو مجلس شعب معاه حصانة وبيرفع قضايا على الناس كلها ولما الناس كلها تيجي ترفع عليه قضايا ممنوع .. فين دة؟ في أي قانون ودستور في العالم؟ .. فأنا بقول مش بمزاج رئيس مجلس الشعب .. ولا مجلس الشعب .. فالراجل دة جاي مندوب عن دايرة .. يعني مش صاحب البلد ولا كلمته هي اللي هتمشي البني آدمين اللي وراه دي .. المفروض تغلط تتحاسب .. تشتم في الناس تتحاسب ". وأضاف: "لما يطلع مع الكابتن مصطفى يونس وهو عارف أنا بعزه قد ايه أنا وحسام ومش عايز أقاضي البرنامج بتاعه لأنه الكابتن بتاعي .. بس مينفعش إنك تسمح لواحد يطلع يخطيء في حد وأنت تفتح له المجال .. احنا عمرنا ما اتدخلنا في أي نادي تاني .. بس هو كل شوية يتكلم على النادي المصري واللعيبة وكل شوية يتكلم على مدرب وعلى جهاز .. أنت مالك أنت ومال النادي المصري .. أنت مش فاهم حاجة .. وهو النادي المصري وحسام وإبراهيم دول (حار.....نك) .. مموتينك يعني؟ خليك في حالك". الفيديو: