علقت الممثلة والإعلامية ميار الببلاوي على الهجوم الذي تعرضت له خلال الساعات الماضية على خلفية تصريحاتها عن الفنانة نجلاء فتحي وحديثها عن مشهدها الجرئ، مشيرة إلا أنها فكرت في الانتحار لولا أنه «حرام». وأضافت «الببلاوي» في منشور عبر إنستجرام: «كفايه استحلفكم بالله كفاية، لولا أن الانتحار حرام أستغفر الله العظيم كنت قتلت نفسى، عمرى ماحسيت كمية الظلم دى إلا اليومين دول، والله ربى شاهد على الافترا اللي الناس اتهمتنى بيه لمجرد إنى قلت الحق أو حبيت أدافع غن نفسى، تبريراتكم غير مقبولة عندى ومش صح وافترا، ارحمونى يرحمكم ربنا، طب أهج واسيب بلدى واتغرب أنا وابنى أعمل ايه ياخلق». View this post on Instagram A post shared by Dr.mayar elbeblawy (@_mayar_elbeblawy) تصريحات ميار الببلاوي أثارت ميار الببلاوي الجدل بعد تصريحاتها عن المشاهد الجريئة في فيلم «ديسكو ديسكو»، التي جمعتها بالفنان عمرو عبدالجليل، حيث أشارت إلى نصيحة الفنانة نجلاء فتحي لها في كواليس الفيلم لإقناعها بتجسيد مشهد جرئ في رمضان. وقالت الفنانة ميار الببلاوي، خلال لقائها في برنامج «قعدة ستات» المذاع على فضائية «القاهرة اليوم»: «الفيلم كله معظمه اتصور في رمضان، وأنا عندي عقدة من التصوير في رمضان، رغم أني كنت شابة ولسه بلبس وكده». وتابعت ميار الببلاوي: «ولكن مشهدي الجرئ مع عمرو عبدالجليل كان في رمضان، وكنت رافضة أصوره لدرجة دخلت الحمام وفضلوا يخبطوا عليا، كنت مستنيه بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت». وعن مشهد المايوة أوضحت ميار الببلاوي: «مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني». وأضافت الببلاوي، «كنت صغيرة وقت التصوير، حيث كان يبلغ عمري 17 عامًا، وذات مرة رفضت تصوير مشهد بالمايوه لأننا كنا في شهر رمضان». وأشارت ميار الببلاوي إلى أن الفنانة نجلاء فتحي حاولت إقناعها قائلة :«رمضان علشان الناس الفقراء، والناس الأغنياء بيعملوا نفسهم بياكلوا قدام الفقراء، رمضان بتاع الفقراء أحنا عندنا أكل نصوم ليه». وتابعت: «نجلاء كانت عاوزة تقنعني أني أعمل المشهد وأن الموضوع مش محتاج أعطلهم يعني مفيش حاجة أسمها رمضان والكلام ده».
