أعلن الفنان محمد عامر ولادة زوجته بطفلتهما الأولى، في الولاياتالمتحدةالأمريكية، وشارك بلقطات من المستشفى، بجوار زوجته المنتجة سلمى زهران، ويبكي بعد أن رزقا بطفلهما أخيرًا، إذ ظلا ينتظران الحمل بذلك الطفل عدة سنوات، وعبّر الفنان عن مشاعره تجاه التجربة واصفًا الفرحة والسعادة التي يعيشها كلاهما حاليًا، موجهًا كلماته إلى زوجته: «إنتي بطلة حياتي». وقال «عامر» عبر «انستجرام»: «اللهم احفظهما لى بحفظ من عندك فأنت خير حافظًا، شكراً لكل اللى دعولنا من قلبهم في فترة كنا محتاجين فيها كل دعوة منكم، وشكراً ليكم كلكم عشان قدرتوا اختفائنا وأننا أخرنا خبر الولادة والتفاصيل اللى مرينا بيها فترة الحمل، واللى شافوا اللايف أكيد فهموا أكتر ليه مكناش بنتكلم كتير لحد لما نرجع مصر وسط أهلنا وهننزلكم كل التفاصيل في الڤيديوهات اللى جاية». وتابع: «2/11/2020 التاريخ ده اتحفر في قلبى بكل لحظة فيه من تعب واحساس وفرحة وتفاصيل كتير أوى، عايز أقول كلمة أخيرة لسلمى قلتهالها بعد الولادة بس هقولها قدامكوا كلكم لولى (انتى بطلة حياتي) بكل معانى الكلمة بحبك وياريت تدعولنا أكتر عشان لولي لسه تعبانه هي والبيبى وبنحاول نعدى المرحلة دى ونحسس نفسنا أننا كويسين وإن شاء الله هتعدى على خير». كذلك نشرت سلمى صورتهما في المستشفى، وعلّقت عبر صفحتها الشخصية ب«انستجرام»: «الحمدلله ربنا رزقنا بأجمل بأجمل ورزقني أنا والبيبى بأحلى وأحن أب في الدنيا ربنا يخليك لينا يا أحلى بابى في العالم.. إيه أكتر حاجه لفتت انتباهكوا في الصورة؟ تاريخ ميلاد البيبى 02-11-2020»، ورد عليها زوجها: «ربنا يخليكى ليا يا بطلة حياتى ويخيلنا أحلى رزق ربنا رزقنا بيه، ربنا يحميكو ويحفظكو ليا اللهم آمين». يذكر أن الثنائي طالما جذبا الجمهور بتعاملهما الجيد وعلاقة الحُب بينهما حتى أصبحا معًا مؤثران «إنفلونسر»، إذ تملك سلمى عبر صفحتها الشخصية ب«انستجرام» مليون مُتابع وكذلك زوجها يملك مليون متابع، وكانا أطلقا صفحة لطفلهما قبل ولادتها عبر «انستجرام»، للمشاركة بصورها أثناء الحمل، ووصلت نسب مُتابعة صفحة الطفل إلى 80 ألف مُتابعة إلى الآن، وكانت سلمى أعلنت حملها إلى المقربين منهما، خلال فيديو مُصور ويفاجآن أقاربهما بخبر حملها ويكشفان مدى سعادة الجميع. View this post on Instagram A post shared by Salma Zahran - سلمى زهران (@salmazahranofficial)
