اتسلى معانا : طريقه عمل الشيبسى فى المنزل بجميع الاطعمه روووووووووووووعه بالصور

بسم الله الرحمن الرحيم
السلام عليكم ورحمه الله وبركاته
حبايبى الحلوين اعضاء وزوار انا النهارده جيبالكم طريقه جميله وبسيطه وسهله جدا وهى طريقه عمل الشيبسى فى البيت بجميع الاطعمه زى باللى بيتباع فى السوبر ماركت بالظبط ويمكن احسن لانك لو عملتيه فى البيت هاتكون بطريقه نظيفه وامنه لصحتك ولصحه افراد اسرتك ويالا نبدأ الطريقه ويارب تنال اعجابكم
طريقه عمل البطاطس
قطعى البطاطس شيبسى او اصابع زى ما تحبى البطاطس هاتطلع معاكى غليظه تروحى من البدايه قطعيها بالمقشره علشان تكون رقيقه
اولا:- طريقه عمل الشيبسى بطعم الطماطم
المكونات:-
طمطمايه واحده
واحد ملعقه صغيره ملح
واحد ملعقه صغيره خل
واحد ملعقه فلفل اسود
طريقه التحضير :-
بصى بقى ياستى هاتعملى ايه اعصرى الطمطمايه وحطى عليها المكونات وانقعى البطاطس فيها لمدة ربع ساعة قبل القلي طبعاالبطاطس هايبقى لونها احمر
و بعد كده سخنوا الزيت في الطاسه و صفوا البطاطس و اقلوا البطاطس اول ما الزيت يسخن
**************
تانيا:-طريقه عمل السيبسى بطعم الكاتشب
المكونات:-
2ملعقه كاتشب
1 ملعقه ملح
1 ملعقه خل
1 ملعقه فلفل اسود
طريقه التحضير:-
جيبى الكاتشب وحطى عليه المكونات وانقعى البطاطس فيها لمدة ربع ساعة قبل القلي
***************
ثالثا طريقه عمل الشيبسى بطعم الخل
المكونات
1 ملعقه ملح
1 ملعقه خل
1 ملعقه فلفل اسود
طريقه التحضير:-
انقعى البطاطس في الخل والملح لمده ربع ساعه تقريبا فبل القلى
*******************
رابعا طريقه عمل الشيبسى بطعم الشطة والليمون
المكونات:-
1ملعقة خل
1/2 ملعقة شطة
عصير ليمونة
1 ملعقه ملح
1 ملعقه فلفل اسود
طريقه التحضير:-
انقعى البطاطس في الخل والملح والليمون لمده ربع ساعه تقريبا فبل القلى
************************************************** ****************
خامسا :- طريقه عمل الشيبسى بطعم الكباب
يوضع مكعب مرقة لحم وشوية ملح صغيريين
************************************************** *
سادسا :- طريقه عمل الشيبسى بطعم الفراخ
يوضع مكعب مرقة دجاج وشوية ملح
************************************************** ***
سابعا طريقه عمل الشيبسى بطعم الجبنه
بوضع الجبنة اللى تحبوها مثلا بشر جبنة رومى, جبنة حادقة , مش,الجبنة اللى تحبوها لكن الموتزريللا لا.
************************************************** ******************************
ثامنا: طريقه عمل الشيبسى بطعم البيتزا
بوضع بعض خلطة البيتزا عليها
************************************************** ***********
طبعا بقي انتى وابداعك ممكن نكهة كاري وممكن بهارات وممكن ثوم للي يحب وبصل كمان
وتقدر ى تخترعى الطعم اللي تختريه وتحبيه
بعد كده تنقع الشيبس في الطعم حتى يتشرب جيدا
ثم تحمر فى زيت غزير حتى تصبح ذهبية اللون ومقرمشة
ثم تستخرج من الزيت وتوضع على ورق ليمتص الزيت منها ثم تقدم
ملحوظه:-
لازم النقع يا جماعة اطول فترةممكنة علشان النتيجة تكون افضل